HEPRĀI 8:12 - TÖHET LĪPÖRE (Re-edited) Bible (BSI)

¹² Pò Chu aṙē-ĕlōn tö nup tö- kööl cha. Öt ngöhöre ka- nöpölōn Chin inrē tö nup tökööl cha.

HEPRĀI 8:12 Referans Kwoze

RŌMA 11:27

Ngih ön kinlēḵngô in cha, aṅ in chu. Hē chu min kēḵngö nup tö- kööl cha.

Isayā 43:25

Höng chū-ö chin Anga-aṅ samichngö nuk tanôichngen meh öich höng chööḵnyö töre: ngaich chū-ö min öt köpölōn tö nuk tökööl meh.

MAIKA 7:19

Havöötökūöre an min nö hēk nö aṙē-ĕlōn tö hī; rööntö kui nup tökööl hī an min nö elröönre: ngaich me-eṅ min inrē kavalngö nup tökööl cha nö lā taṙeū tö mai.

YERIMIĀ 50:20

I nup sakāmö anū-ö ip ṙētak angū-ö inrē, ṙô ngam Mā Tēv, Chöhöh min öp öt lanöökö nö in Israel, ngaich hö-ö-vö min nö umuh; tökööl i Yūtā inrē ngaich öt kôti min; pò chu min aṙēlen cha yip töṙātu nö chööḵṙen.

YERIMIĀ 33:8

Ahetlen cha chin min ṙā-ang i nup fālen tökööl cha nö in chu, aṙēlö nup fālen tökööl cha chin min inrē ök inhôngen chu inrē.

Isayā 44:22

Ngaich chin sichngö nuk tanôichngen meh, nuk tökööl meh inrē, nö sā taṙul: havantöre man in chu; tön ngaich chin havaha meh.

KÒLÒSĪ 1:14

Ngam chūök hī ṙinānyuvö, ngam inṙē-ĕl hī;

EFISÖS 1:7

Ngam lökten hī inyöökuṙen lökten i mahām Ò, ngam inṙēlö nup tökööl hī, sā ṙôken kanôlò Ò tö inlōnti;

INMEUKHÖMAT 1:5

Ṙā-ang in Yēsū Kristū inrē, ngam tökô-en ameū-a, ngam lanòh kupah, ane inrē mahayöng yip rācha kūö panam. In Ò ngam töhāngenlōn tö hī, ngaich luhnyen hī ṙā-ang i nup tökööl hī, lökten i mahām Ò;

Salmai 25:7

Uh man yēḵ köpölōn tö nuk tökööl nyinī-ö chu, un rēhĕn tö nuk tanôichngen chu: fēken chu asā ngam hanāngen neūkölōn meh, chööḵnyö tö ngam lanöökö meh, Ō Mā Tēv.

Salmai 65:3

Kô-òngvah tī nun në tötlöök tö chu: söichiyö nup tötôichlö fālen ih tö Meh min.

YERIMIĀ 31:34

Öt ngöhöre ṙô min tarik nö kö haköptö holre, mak alaha re inrē, nö ngö ṙô, Akahakūö yin tö ngam Mā Tēv, pò cha min nö akahakūö tö chu, löktökūö in yip tökūöṅnö tö cha söl i tökiröng, ṙô ngam Mā Tēv; pò chu min aṙēlö nup tökööl fālen cha, ane inrē öt köpölōn min chū-ö tö tökööl cha öich hēk.

MAIKA 7:18

Achīö öp Tēv nö tösā meh, öp ma-aṙē-ĕl tökööl, chamööḵngö tötôchngen fālen yip chööḵṙen yip amin ò? Hö-ö an nö örheūheu nö haköp lanīnö re, pò ò nö tökuchīkölōn nö i miṙēlōn.