HEPRĀI 8:11 - TÖHET LĪPÖRE (Re-edited) Bible (BSI)

¹¹ Ngaich cha-a min nö kö öt haköptö holre aṅ panamre nö kö ngö ṙô tö holre, Akah ngam Mā: pòn ṙòkhöre min nö akahakūö tö Chu, löktö- kūö tökūöṅnö, söl i yip tö- kiröng in cha.

HEPRĀI 8:11 Referans Kwoze

YERIMIĀ 31:34

Öt ngöhöre ṙô min tarik nö kö haköptö holre, mak alaha re inrē, nö ngö ṙô, Akahakūö yin tö ngam Mā Tēv, pò cha min nö akahakūö tö chu, löktökūö in yip tökūöṅnö tö cha söl i tökiröng, ṙô ngam Mā Tēv; pò chu min aṙēlö nup tökööl fālen cha, ane inrē öt köpölōn min chū-ö tö tökööl cha öich hēk.

Isayā 54:13

Ṙòkhöre inrē min yip kūön meh kikōnyö nö haköptu tö ngam Mā Tēv, ngaich pōyen inrē min kanôlòṙen yip kūön meh kikōnyö.

T. YÔHAN 6:45

Ngö kinūichngö an, tö ṙô yip pròfĕt, Ngaich ṙòkhöre min cha-a nö haköptu tö ngam Tēv Ṙòkhöre yip hamang ṙô ngam Yöng, ngaich haköp, nö yihtöre nö in Chu.

1 YÔHAN 2:27

Yī-ö pöri, köp an nö in yīö ngam taneūngen yīö incham elkui; öt kusīkten inrēngöre yin mahaköpten yīö; sā ngam incham elkui pöri tī Ò nö haköpten yīö tö inlahen nup taṙòkhöre, ngam tökô-en, hö-ö nö minyôinyaṅ, sā inköptö yīö tö e, haköpöre yī-ö in Ò.

YERIMIĀ 24:7

Kētö ellōn cha chin min nö akahakūö tö chu öich chū-ö Mā Tēv; ngaich acha-a min nö tarik chu ngaich chū-ö min inrē Tēv cha, pò cha min nö havantöre nö in chu nö keuheūttö ellōn re.

1 YÔHAN 5:20

Akahalōn ayī-ö inrē, tö ngam Kūön ngam Tēv nö yih, ngaich nö kētö mikahlōn hī inrē, öi akahakūö töm kanô-en, im Kūön Ò Yēsū Kristū. Anga-aṅ ön ngòh tökô-en Tēv, Nômö inrē tö-örheūheu-aṅ.

INLAHEN 8:10

Ök töhāngö ṙô tö cha nö ṙòkhöre, yik tökūöṅnö töpōyö inrē; ngö ṙô cha-a, Minhôiṅyö ngam Tēv ön ngòh tarik, ngam Töpōyö invëka.

HAPAKŪK 2:14

Pò ngih tumlat min nö tööḵlö tö inkaha kanôlò ngam Mā Tēv, sā minë mak nö lökngöre tī tö ngam mai.

1 KINṘÖTNGÖ 28:9

Më-eṅ inrē, kūön chu Sòlòmön, akahakūö man tö ngam Tēv ngam yöng meh, lök la-en ò inrē keuheūttö ellōnre holtö töhō kui lōn; tön chöh ellōn taṙòkhöre an ngam Mā Tēv, akaha elmat inrē tö tanūtö ellōn. Yē meh chöhan, kôtö kūö man min tö ò; yē meh pöri ṙāngen ò kavali min më-eṅ tö ò marôvat öm urāngen.

Isayā 2:3

Maṙôngö min tarik kumröönngöre ngaich ngö ṙô, Tā-ih, tā-a töi peūlöre im rôngö ngam Mā Tēv, i patī ngam Tēv Yāköp; ngaich anga-aṅ min nö haköpten hī tö nup talöökö ò, ngaich ayī-ö min lök ël nup talöökö ò: pòn löknyö Sīyôn min ngam chöngö nö kunyī inrē, ngam ṙô ngam Mā Tēv inrē nö ṙā-ang Yērusalem.

ISIKĪ-ĔL 34:30

Ngaich cha-a min nö akahalōn tö chu öich Mā Tēv,Tēv cha, öich in cha, tö cha inrē, ngam patī Israel, nö tarik chu, ṙô ngam Mā Tēv.

ESRĀ 7:25

Ngaich më-eṅ Esrā sā ngam mikah ngam Tēv meh ngam më-eltī meh, vīlö kamhôṅka ma-akah fālen inrē nö ma-akah fālen yip tarik im panam Lāmuh tö ngam Tahël ṙòkhöre yip töhuveū-en nö i nup chöngö ngam Tēv yīö; ngaich cha-a inrē yip tö öt akahakūö tö u, haköpten cha më-eṅ.

2 KINṘÖTNGÖ 30:22

A Ngaich ang Hesikia nö vë-ekūö cha nö haruhkö alaha cha yik Lēvi mahameuktö huneū-enre nö i la-en ngam Mā Tēv. B Nyā-aṅvkūö ngaich yik tarik tö aṅ im tökiröng sakāmö nö satsumkam, kētö inlāmö tökētu ha-öiny ngam Mā Tēv inrē ngam Tēv yik yöng cha.

YERIMIĀ 44:12

Kē yip chööḵṙen chin min aṅ Yūtā yip mahaköp kūöre nö yih nö im panam Aikup nö iyöng, ngaich cha-a min nö keuheūtngöre vah; im panam Aikup yip min nö fukngo; tökuö sanët kūö inyāichö min inrē cha-a nö keuheūtngöre vah; löktökūö tökūöṅnö söl i tökiröng, kapah yip min tökūö sanët kūö inyāichö inrē; ngaich cha-a min nö tösō-ovö, pinhe-eṅkūö, rinôichngen, minṙēngö inrē.

YERIMIĀ 6:13

Löktökūö tökūönö söl i yip tökiröng kūö cha, ṙòkhöre yin nö töyal tö michūṙen taneūngen; löktökūö, pròfĕt inrē söl I kūönṙô, ṙòkhöre yin nö michūṙen nö i la-en re.

YERIMIĀ 42:1

Ngaich ṙòkhöre yik yöngṙenkumyung, tö Yôhanan, inrē ök kikōnyö kūön Kariā Asariā inrē ök kikōnyö kūön Hōsayā, ṙòkhöre yik tarik inrē löktökūö tökūönö söl i tökiröng, nö haröhtöre nö yih.

YERIMIĀ 42:8

Ngaich havëten Yôhanan anga-aṅ ök kikōnyö kūön Kariā tö yik yöngṙen kumyung inrē yik mī-in ò, ṙòkhöre inrē yik tarik löktökūö tökūöṅnö söl i tökiröng,