HEPRĀI 8:10 - TÖHET LĪPÖRE (Re-edited) Bible (BSI)

¹⁰ Pòn ngih kinlēḵngô vahī tö Chu min i patī Israĕl; Ngö ṙô ngam Mā, unôichrit nuk sakāmö anū-ö; Ṙātö nup chöngö Chin min ellōn cha, Ellōn cha tī Chin min inrē kūichngö u: ngaich Chu- ö min Tēv cha, ngaich cha-a min nö tarik Chu:

HEPRĀI 8:10 Referans Kwoze

YERIMIĀ 31:33

Ngih pöri kinlēḵngô tövī-i tö chu i patī Israel unôichrit nup sakāmö, ṙô ngam Mā Tēv: Ellōn cha tī chin min chaphöt ngam chöngöre kūchhöt e chin min nö ellōn cha; ngaich chū-ö min Tēv cha, ngaich cha-a min nö tarik chu.

2 KÒRIN 3:3

Hameuktu ngaich töre līpöre Kristū, meūken tö ih, öt kūichi nö aṅ tī tö kinsum kūö kanūich, aṅ tī tö ngam Töhet Fanöinylö ngam tö aṅ Tēv pöri: öt i mat tö mitāk ihong, inup tö mitāk pöri ellōn alaha.

I. CHÖNGÖ 30:6

Ngaich ngam Tēv meh min ngam Mā Tēv nö tunyinyngö ellōn meh, ellōn öp kūön meh inrē, hôm hāngenlōn tö ngam Tēv re ngam Mā Tēv öm keuheūttö ellōnre, keuheūttö nômöre inrē, hôṅ meh aṅ.

YERIMIĀ 24:7

Kētö ellōn cha chin min nö akahakūö tö chu öich chū-ö Mā Tēv; ngaich acha-a min nö tarik chu ngaich chū-ö min inrē Tēv cha, pò cha min nö havantöre nö in chu nö keuheūttö ellōn re.

1 PĪTÖR 2:9

Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:

RŌMA 11:27

Ngih ön kinlēḵngô in cha, aṅ in chu. Hē chu min kēḵngö nup tö- kööl cha.

YĀKÖP 1:21

Lökten ṙāngö nup taṙòkhöre töchōich, ane inrē nup chööḵṙen ötlanöökö, hayāichngöre kēḵ ngam ṙô ngam töteūichtu nö ellōn yīö, ngam tökò nö hayööken nômö yīö.

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

1 PĪTÖR 1:23

Pò yīö hēk ngaich fötnyu, öt aṅ im töchahū-uyö kulöl, aṅ im töt chahū-uyö pöri lökten im ṙô ngam Tēv, ngam tö aṅ, tö köp inrē.

SAKARIĀ 8:8

Ngaich chū-ö min kēten cha, ngaich acha-a min nö iyöng ellōn Yērusalem; ngaich tarik chu min cha-a, ngaich chū-ö min Tēv cha inrē, im kanô-en im lanöökö inrē.

YĀKÖP 1:18

Pò e nö lōn Ò, nö kētö nômö hī, i ngam ṙô kanô-en, hòṅ hī ayī-ö, sā ranehlòng vahī-il Ò.

ISIKĪ-ĔL 37:27

In cha öp min elyöngö chu; ngaich chū-ö min Tēv cha, ngaich cha-a min nö tarik chu.

SAKARIĀ 13:9

Ngaich chū-ö min kētö ngam linūöi mi-ëlö nö löknyö kūö tameūyö, ngaich halöök tit u min sā inlöök tit rupīö, ngaich kalahten u min inrē nö sā kinlahten humlum: ngaich cha-a min nö havëkö minënyö chu, ngaich hang ṙô cha chū-ö min: Ngö ṙô chin min, tarik chu yin; ngaich ngö ṙô min cha-a, Tēv chu An ngam Mā Tēv.

YERIMIĀ 32:40

Vīten kinlēḵngô chin min in cha nö töt chanūhuvṙen, hòṅ chu öt havööngökūöre tö tölöök la-en in cha; kēhĕt ellōn cha chin min inrē tö pinhë-eṅkūö cha tö chu, hòṅ cha nö öt havööngökūöre tö chu.

YERIMIĀ 32:38

Ngaich cha-a min nö tarik chu, ngaich chū-ö min Tēv cha.

T. MËTIV 22:32

Chu-ö Chin Tēv Aprahām, Tēv Isāk, Tēv Yāköp inrē. Rö-ö an ngam Tēv nö Tēv yip tökapah, tön Tēv yip tö aṅ.

HEPRĀI 11:16

Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.

MANEUTNYI 34:27

Ngaich ngö ṙô ngam Mā Tēv tö Môsös, Kūich në man ṙô: tön asā talöökö ṙô u Chin ngaich vī tö kinlēḵngô in meh in Israĕl inrē.

ISIKĪ-ĔL 39:22

Akahalōn an min ngam patī Israel tö chu öich Mā Tēv cha, löktökūö ip sakāmö angū-ö nö iṙūhen.

Sòlòmön 2:16

Chū-ö chu ap hanāngen chu anga-aṅ chū-ö inrē, ha-aṅlö nup sīṅpre an nö i nup lilī.

MANEUTNYI 24:4

Ngaich ang Môsös nö kūich nuk ṙô ngam Mā Tēv, ngaich ka-euilökūö nö chōholre tö peuheū, ngaich vīlö tahāklö hĕng el katòh ngam rôngö, nët sīönö machööḵlö, sā tum miyöngö yik kūön Israĕl.

HŌSĪ 1:10

Sönen pöri min öp ṙôken kūön Israel ö sā kuyāyö mai, öp töt kanlahen ṙôken, öt rēhĕn nö kanṙeūken; ngaich ngö inlahen angū-ö min, nö ṙënngen ngam töṙônyu nö in cha, rö-ö yin yī-ö tarik chu, ngö pöri min ngam ṙô nö in cha, Kikōnyö yin yī-ö kūön ngam tö-aṅ Tēv.

YERIMIĀ 31:1

Hē e, ṙô ngam Mā Tēv, öich Tēv taṙòkhöre mupīhö Israel min ngaich cha-a min nö tarik chu.

HŌSĪ 2:23

Ngaich chū-ö teūichten ò nö in chu nö el tumlat; ngaich chū-ö min aṙē-ĕlōn tö ò öp Töt teūngen tö neūkölōn; pò chu min ngö ṙô tö cha yip Töt tarik, tarik chu man me-eṅ; ngaich ngö ṙô min cha-a, Tēv chu man më-eṅ.

MANEUTNYI 24:7

Ngaich kēḵ ngam līpöre kinlēḵngô anga-aṅ, ngaich vë-ekūö e nö el ṙôngö yik tarik; ngaich ngö ṙô chā-a, Kēken nup ṙô ngam Mā Tēv in min nö ṙòkhöre, hang Chöngö inrē.

MANEUTNYI 34:1

Ngaich ngö ṙô ngam Mā Tēv tö Môsös, Fas nup ihong man nët tömitāk sā nuk mu-urĕh: ngaich kūich nup ṙô Chū-ö min i mat u nup mi-i mat nuk mu-urĕh, nuk likukngö meh.

1 KÒRIN 6:16

Hēk öt akahalōn öyih tö ngòh tö hamūltu nö im mi-inyihköre kikānö nö hēngö alaha? Pòn ngö ṙô anga-aṅ, Hēngö alaha nan minā tö nët tak,