HEPRĀI 8:1 - TÖHET LĪPÖRE (Re-edited) Bible (BSI)

¹ Ngih ön yöngkūö ngam kahòkkö hī: aṅhaṅv-in in tö mākūö kūönṙô ngam amūichngöre nö lahāmö ngam kantēra ngam Rācha el minë el halīöngö.

HEPRĀI 8:1 Referans Kwoze

KÒLÒSĪ 3:1

Yē yīö ngaich hachohlöngö hol Kristū, chöh nup lamātulöng yin, i chūök Kristū nö ūichhaka, nö lahāmö ngam Tēv.

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

INMEUKHÖMAT 3:21

Anga-aṅ ngòh tömihôiṅ, kēḵĕkūö ò min chū-ö tö inūichhaka nö hol chu nö el kantēra chu, sā chu chu-ö ngaich mihôiṅ, ngaich ūichngöre hol ngam Yöngre el kantēra Ò.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

HEPRĀI 2:17

Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.

HEPRĀI 10:12

Anga-aṅ pöri tö kinheūṅtenre nö kētö ngam töng hĕng tökētu töpòkūö tökööl, ūichngöre ngaich örheūheu nö lahāmö ngam Tēv;

MAIKA 5:4

Söklöre min anga-aṅ, ngaich ha-aṅlö nup pököre i kumlēḵ ngam Mā Tēv, i minā-aṅ ngam minë-eny ngam Mā Tēv ngam Tēv ò: ngaich köp cha-a min nö kiröng söl manā-angkūö ngam tumlat.

Salmai 104:1

Hakôlò ngam Mā Tēv, Ō Me-eṅ nômö chu: Ō Mā Tēv, Tēv chu, tökiröng takô-en Man, hayūtö Man tö ineū-euṅ, tö vanāiyö re inrē.

Salmai 21:5

Kiröng ap minā-aṅ ò im inyöö-ken tī meh: ineū-euṅ, minā-aṅ inrē, ṙātu tö meh nö nö i kui ò.

1 KINṘÖTNGÖ 29:11

Ō Mā Tēv, kinröngö meh an, minhôiṅyö meh, kanôlò Meh, kanô-òṅ meh, minā-aṅ meh inrē; pòn ṙòkhöre nup elhalīöngö eltumlat inrē nö Me-eṅ Meh; pūlngö meh ana, Ō Mā Tēv, ngaich me-eṅ hapōilöng, kui lātulöng tö taṙòkhöre.

HEPRĀI 1:13

Achīö öp pöri tö yip ma-ahānga ṙô Ò nö hĕng heuh ṙô nö ngö, Ūichngöre man lahāmö chu, hanöng sahatī chu vītö yip tö kunyahaṅ elmat tö meh nö ṙanöönö röön meh?

EFISÖS 6:20

Chu-ö, tanīnöṙô pòkūö e öich halöki. Vë-elkui chu, hòṅ chu öt pinhë-eṅvkūö in e, öich ṙô-òv, sā hinôtö chu.

Isayā 24:14

Ngaich chā-a min nö hachônglôre, hū-a min cha-a; pò ngam minā-aṅ ngam Mā Tēv nö pōiti hinūka tö cha nö löktö el mai.

Salmai 145:12

Nö mikahtölōn kūön tarik: tö nup minhôiṅyö la-en Ò.

Salmai 110:1

Ngö ṙô An ngam Mā Tēv tö ngam mā chu: ūichngöre man lāhāmö chu, hanöng saha tī chu vītö yip tö kunyaha elmat tö meh nö ranöönö röön meh.

NGAM LĪPÖRE YŌP 37:22

Löktö lā kapā ngaich nö yih öp tösā vanāyö humlum; hayūtö ngam Tēv tö minā-aṅ pinhë-eṅkūö.

T. MĀKÖS 16:19

Ngaich ngam Mā Yēsū nö kēḵlöngö nö el halīöngö, tö kinheūṅtö ṙô Ò tö cha; ngaich ūichngöre nö lahāmö ngam Tēv.

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

HEPRĀI 4:14

Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.