HEPRĀI 7:27 - TÖHET LĪPÖRE (Re-edited) Bible (BSI)

²⁷ Öt sā yik mākūö kūönṙô nö kētö nup tökētu, nö hòṅ öt hĕng hang sumkam, urĕh nö chööḵnyö tö nuk tökööl cha, ngaich möl nö chööḵnyö tö nuk tökööl yik tarik; höng hĕng heuh tī pöri Anga-aṅ tö chööḵnyö tö taṙòkhöre, hē Ò nö kēḵngöre.

HEPRĀI 7:27 Referans Kwoze

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.

HEPRĀI 9:12

Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

EFISÖS 5:2

Lök im hanāngenlōn, sā Kristū nö hāngenlōn tö hī inrē, ngaich kēḵngöre töpòkūö hī, tökētuvö nö im Tēv, nö tö tahūsa, töhōḵov inrē.

HEPRĀI 5:3

Angū-ö lökten nö öt ṙanāngen, töpòkūö më tarik, pòkūöre inrē, nö kētö tökētu kūö tökööl.

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

RŌMA 6:10

Pò ngam kinpaha Ò, hĕng heuh kinpaha An, kūö tökööl; ngam anahaṅ Ò pöri, im Tēv nö aṅ.

HEPRĀI 9:25

Öt rēhĕn nö ṙōl heuh nö kētöre; nö sā ngam mākūö kūönṙô, nö öt hĕng hang samyeūheu, nö kuhēthötre nö kumtö mahām, öt mahām Ò pöri;

LA-EN LĒVĪ 16:11

Ngaich Āròn min nö kētö kōiny nuā öp tökētu kūö tökööl, öp lamöö in ò, ngaich vī inlām tököölre min anga-aṅ, tö yip aṅ patī ò, ngaich ṙatnyö likeun ngam kōiny nuā tökētu kūö tökööl ngam lamöö in ò:

HEPRĀI 9:7

El ngam innëtö pöri höng hĕng tak ngam mākūö kūön ṙô, hĕng heuh i töhĕng samyeūheu, rö-ö nö öt holtö mahām, öp kahëtö ò tö pòkūöre, kūö fālen yip tarik ò inrē:

HEPRĀI 5:1

Pòn ṙòkhöre vē mākūö kūönṙô, nö ṙā-ang i tarik nö kē-ĕ, pòkūö tarik nö vīlöngö nö i nup aṅ im Tēv, pòn hōtu nö hĕnghöre kētö nup inlōnti, kūö tökööl, nup tökētu inrē;

LA-EN LĒVĪ 16:15

Ngaich anga-aṅ min nö ṙatnyö likeun öp pököre tökētu kūö tökööl, öp kūö tökööl yip tarik, ngaich kēhöt öp mahām ò nö lā ël öp ranangkūö, ngaich sā tīre anga-aṅ tök mahām ök kōiny nuā ngati tī anga-aṅ tök mahām ò, kichenyö e nö i kui ök anūichö miṙēlōn, i kūö ngam anūichö miṙēlōn inrē:

LA-EN LĒVĪ 16:6

Ngaich min ang Āròn nö kētö öp kōiny nuā tökētu kūö tökööl, nö kūö tökööl ò, ngaich vī inlām tököölre, tö yip aṅ patī ò inrē.

EFISÖS 2:22

In ò yī-ö inrē vīlöng öi elyöngö ngam Tēv, im Töhet Fanöinylö.

ISIKĪ-ĔL 43:19

Hòṅ kē-ĕkūö yip kūönṙô lamökngörit Lēvī min yī-ö yip aṅ i mupihö Sētòk, yip maharöhtöre nö in chu nö meukṙen chu, ṙô ngam Mā Tēv, hĕng nòng kōiny nūa tökētu kūö tökööl.

HEPRĀI 8:4

Yĕn ing panam öre Anga-aṅ, ngaich rö-ö öre Anga-aṅ nö kūönṙô pòn yip umuh kamëtö nup inlōnti tö sā ngam chöngö;

HEPRĀI 9:26

Yĕn ngatī öre, ngaich tö ṙōl heuh kanihngen Kristū, hētentö ranehlö ngih panam. Ngaich pöri töngamuh nö kētuvö nöng hĕng heuh, i chanūhu ngam höteh, Anga-aṅ nö hameuktöre nö kēḵngö tökööl, i tī Ò nö kēḵngöre.