HEPRĀI 7:26 - TÖHET LĪPÖRE (Re-edited) Bible (BSI)

²⁶ Ngam töngati mākūö kūön ṙô tö löngta nö in hī, töhet, öt tököölu, öt töchōchu, hakösiṙen tö tököölö fālen, tumlönglöngö tö minë halīöngö;

HEPRĀI 7:26 Referans Kwoze

2 KÒRIN 5:21

Ngam töt akahakūö tö tökööl, ngaich pòkūö hī Anga-aṅ nö vītu nö kööl; hòṅ hī vītu lanöökö ngam Tēv in Ò.

1 YÔHAN 2:2

Anga-aṅ An inlāmö nup tökööl hī; öt höng kūö nup tökööl hī tön nup tökööl ngih panam nö ṙòkhöre.

HEPRĀI 8:1

Ngih ön yöngkūö ngam kahòkkö hī: aṅhaṅv-in in tö mākūö kūönṙô ngam amūichngöre nö lahāmö ngam kantēra ngam Rācha el minë el halīöngö.

1 PĪTÖR 2:22

Ngam tötköölö fālen: öt rēhĕn nö löknyuvö elvāng tö minyôinyaṅ.

1 YÔHAN 3:5

Ngaich akahalōn yī-ö tö Kristū nö hameuktu nö kamëngö tökööl; öt īnu An Anga-aṅ tö tökööl.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

T. LŪKÖS 23:47

Ngaich hē mat ngam yöngṙen kumyung nö meuk töngati, ngaich ha-öiny ngam. Tēv anga-aṅ, nö ngö ṙô, Kò Ön ngòh tarik nö tökô-en.

T. LŪKÖS 23:41

Kô an ayā-a teūngen tö nuk la-enre; öt törahëichyen falngen pöri ngòh tarik.

1 PĪTÖR 3:22

Ngam lahāmö ngam Tēv nö ngaich, yônlö nö el halīöngö; ma-ahānga, chöngö, minhôiṅyö inrē ngaich nö tumṙeūtu tö Ò.

1 PĪTÖR 1:19

Ṙāitö mahām pöri töpōi ṙāi tö sā öp pököre öre töt chanôchu töt mirūnuvö inrē, ngam mahām Kristū.

HEPRĀI 7:11

Yĕn teungten öre nö lökten in Lēvī ngam la-en kūönṙô (pòn el katòh yik tarik nö teūngen tö ngam chöngö), asuhtöre lōn öi ayī-ö tö tahëng kūönṙô öi hōklöre öi lökngörit Melkisētĕk, öi öt lökngörit in Melkisētĕk, öi öt kaheuktu öi lökngörit in Āròn?

HEPRĀI 2:10

Pò e nö tölöök nö in Ò, ngam tö amīnu tö taṙòkhöre, ngam löklen në taṙòkhöre inrē, nö kētö kūön nö maṙôngö nö im kanôlò, nö vītö ngam mahachöngten inyööken cha nö teungten nö lökten i kanihngen.

INLAHEN 4:27

Pòn kô nö i ngih panam nö lā-al ngam töhet Kūön Meh Yēsū, ngam töhachāmö kui tö Meh, hĕnghöre Heròt, Pailĕt inrē, nö hol yip Tahëng mihëṅṙö, vē tarik Israĕl inrē, nö hamūlöre,

INLAHEN 3:14

Ngaich pöri yī-ö mahngen ngam Töhet, ngam Tölöök inrē; ngaich havëkö ök famël tarik nö kētu nö in yīö.

T. YÔHAN 14:30

Rö-ö Chin kô iṙuhö ṙô ve-ekūö yīö, pò ngam mā ngih panam nö yih. Rö-ö an nö törahëchyen nö in chu.

T. YÔHAN 8:29

Holtöṙah Chu An ngam tamīnten Chu; rö-ö An nö ṙāngen Chu höng hĕng taka; pò Chu örheūheu la-evṙen tö nup lōn Õ.

T. LŪKÖS 24:46

Ngaich ngö ṙô Anga-aṅ tö cha, Ngö kinūichngö an tö Kristū nö tökihngen; ngaich havanlöre hēk im linūöi sumkam, nö ṙā-ang yip tökapah.

T. LŪKÖS 24:26

Tö sōtu ang Kristū nö ngatī kanihngen tö u, ngaich kuhēthötre nö unôich nö im kanôlòre?

T. LŪKÖS 23:22

Ngaich ngö ṙô anga-aṅ tö cha; im linūöi heuh, Kūöyòh? Asuh ap tötlöök tī ngòh tarik? Rö-ö chin kanôtukūö töp lökngen kinpaha, nö in Ò, Lökten chin höng hòṅ fohan; ngaich ṙāngen Ò.

T. LŪKÖS 1:35

Ngaich ngö ṙô ngam ma-ahānga nö sapṙô ò, Yih An min ngam Töhet Fanöinylö nö in meh; ane inrē ngam kanô-òṅ ngam Lamātulöng min nö hanyat tö kui meh; lökten min Öp töfötnyuvö, nö töhëtö invëka nö Kūön ngam Tēv.

T. MĀKÖS 16:19

Ngaich ngam Mā Yēsū nö kēḵlöngö nö el halīöngö, tö kinheūṅtö ṙô Ò tö cha; ngaich ūichngöre nö lahāmö ngam Tēv.

T. MËTIV 27:18

Pò ò nö akahalōn tö cha nö kūö kumnyahelmatre nö kēten Ò.

Isayā 53:9

Holtöṙah tötlöök anga-aṅ tö tī cha nö el anūlö holtö tarik pöri tökôlò im kinpaha ò, pòrô anga-aṅ nö öt chökhuṙen öt rēhĕn nö aṅhav elvāng tö inchīlö.

Salmai 68:18

Ngaich man yônlö lātulöng hachōḵ ngam inkövö re man nö haköv; i tarik man teūngen tö raneushöre: hòṅ, in yip tömi-ô inrē, hòṅ ngam Mā Tēv nö iyöng in chu.

MANEUTNYI 28:36

Ane min me-eṅ vī humlum tötkatĕhka nö tömitāk, kā-īpö e, sā nup tö ka-iphötvö i minkahngö, Töhet im Mā Tēv.

INMEUKHÖMAT 3:7

Ane inrē ip Ma-ahānga ap māṅ i Filitalfīa ngö tī kūich, Në nun ṙô ngam töhet, anga-aṅ ngam tö kô-en, anga-aṅ ngam tö aṅhaṅv-in tö ngam tinkīök Tāvit, anga-aṅ ngam lamöpnyökūö, ngaich öt hĕng tak amöptökūö, ngam lamöptökūö ngaich öt hĕng tak lamöpnyökūö;

KINṘEŪKÖ 29:26

Im tinneūyö sakāmö, machūötöre nòng kōiny nuā, nët nòng kōiny sīṅp, fën sīön nòng kūön sīṅp töhĕng höiny samyeūheu töt pitōtu:

HEPRĀI 2:17

Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

ISIKĪ-ĔL 44:27

Ip sakāmö hē ò nö chuh el ngam töhet chūök, ël ap lātuhēt elmilūkö, nö meukṙen nö el ngam töhet chūök, kētö tökētu min anga-aṅ kūö tökööl ò, ṙô ngam Mā Tēv.