HEPRĀI 7:25 - TÖHET LĪPÖRE (Re-edited) Bible (BSI)

²⁵ Lökten inrē Anga-aṅ nö kô nö öt chöḵöv tī nö hayööken cha yip ṙamūötöre nö im Tēv nö lökten in Ò, pòn örheūheu Anga-aṅ nö aṅ, nö vë-elkui cha.

HEPRĀI 7:25 Referans Kwoze

RŌMA 8:34

Achīö ang anga-aṅ min töt mahakôlò; Kristū Yēsū an ngam tö kapah; hôṅ ngam tö hachohlöngö nö ṙā-ang yip tö kapah, ngam lahāmö ngam Tēv, ngam vame-elkui hī inrē.

1 TIMÒTĪ 2:5

Pòn höng hĕng ngam Tēv, hĕng tak vamë-eṅlkui inrē i hôi ngam Tēv tö tarik, ngam Tarik Kristū Yēsū.

NGAM LĪPÖRE KAHŪICH YŪT 1:24

In ò yēḵ töngamuh ngam tökô nö laklen yīö im kinvē-ĕre, ngaich asöklen yīö i kūö ngam kanôlò Ò öi öt chanôchu im tökiröng ṙanāmölōn,

T. YÔHAN 14:6

Ngaich Yēsū nö ngö ṙô tö ò, Chū-ö Chin Talöökö, Kanô-en, Nômö inrē. Öt hĕng tak yamihtöre nö im Yöng, höng lökten in chu.

EFISÖS 2:18

Pò hī lökten in Ò, lökhötvö, im Yöng, im Töhet Fanöinylö.

RŌMA 5:2

Ngam lökten hī löktu i ngih inlōnti chūök hī sökhaka, kūö ngam mikah; ta-a inrē töi ṙāmölōn im mineūkkö kanôlò ngam Tēv.

HEPRĀI 11:6

Ötkô angū-ö nö ṙanāmölōn nö in Ò, yĕn öt īnu tö ngam ṙinātö ellōn: pò ò ngòh yamihtöre nö im Tēv nö hòṅ ṙātö ellōnre tö Ò nö töngatī, tö Ò inrē nö rameushen cha yip chamöhan.

EFISÖS 3:20

In ngam tökô nö mötlötī tö nup taṙòkhöre havëkö hī, afēkö hī inrē, sā ngam kanô-òṅ ngam töla-evṙen nö in hī.

Isayā 45:22

Havantöre in chu, hòṅre hayöökaṙen, ṙòkhöre aṅ manā-angkūö ngih tumlat: tön chū-ö chin Tēv, öt tahënguvö.

HEPRĀI 9:24

Pò Kristū nö öt kuhēthötre nö el vahī kuntī töhet chūök, insāken ngam tökô-en; el haliöngö takô pöri, hameuktöre nö i kūö ngam Tēv, tö pòkūö hī.

HEPRĀI 7:19

(Pò ngam chöngö nö öt vahītuṙen tö töteungten) ane inrē kumtö öp tö ēhten mineūka nö in e, ngam löktö hī ṙūöhtöre im Tēv.

Isayā 59:16

Meuk törö-övö anga-aṅ tarik, ngaich pingangkūö tö törö-övö vamë-elkui: ngaich ap kël ò nö kētö minhôiṅyö ò, öp lanöökö ò inrē nö haköpka nö in ò.

T. YÔHAN 14:13

Nup töng havëkö yīö i Mine-eny Chu, kēkö u Chū-ö min; hòṅ ngam Yöng nö ha-öinyö nö im Kūön.

TANĪ-ĔL 6:20

Hē ò ngaich nö röhta nö ip kinlōngö ök chūök Tanīĕl, hū-a ngaich anga-aṅ nö sā ṙôtö haṙīvlōn nö ngö ṙô tö Tanīĕl, Ō Tanīĕl,tarik ngam tö-aṅ Tēv, kô ang ngam Tēv meh nö ṙānyen meh ṙā-ang i nup lāyön, ngam lahök la-en meh höng iṙūöhen?

TANĪ-ĔL 3:17

Yē e nö ngatī, kô ap Tēv ih öp lahök la-en ih nö ṙānyen ih nö ṙā-ang i kūö ngam töhūkūö tameūyö; ṙānyen ih ap min inrē nö ṙā-ang eltī meh, Ō rācha.

NGAM LĪPÖRE YŌP 23:3

Mah, akahakūö chin öre tö chūök re kôtökūö tö ò, hòṅ chu yihtöre ip anūichö ò!

HEPRĀI 5:7

Ök tö keuheūthëṙen nö kēḵlö nuk ṙôre vine-eṅlkui, hē ò nö tarik, nö kalēḵĕṙô nö peuiny, holtö makmat inrē, nö in Ò ngam tökô nö hayööken ò nö ṙā-ang im kinpaha, ngaich hāngö ṙô, chööḵnyö tö ök tölöök pinhe-eṅkūö,

Isayā 53:12

Lökten chin min michööḵ an tö minchööḵö tökiröng, ngaich anga-aṅ min inrē nö michööḵ pôḵ nö in öp tökalēḵ; pò ò nö vōknyö aṅ i nômö re nö im kinpaha, kaheuktuvö inrē anga-aṅ nö i tötlöök; sön anga-aṅ nö keun tökööl tömaṙôngö, ane inrē ve-elkui tököölö fālen.

HEPRĀI 13:15

Lökten in Ò in ta-a, kētö öp tökētu nöinyö im Tēv örheūheu, ngam ṙòng në minuh, në mahalööknyôre tö ngam mine-eny Ò.

Isayā 63:1

Achīö ang ngòh yamih nö ṙā-ang Ētöm, töngāṅvö mat inyut ṙamā-ang Pòsrah, ngam tövai nö im inyutre, kiröönngöre an nö i ṙôkö kumlēḵ re? Chū-ö chin tö ṙôtö lanöökö, tökalēḵ hayööken.

HEPRĀI 7:16

Ap tövīlöngö, öt sā ngam chöngö aṅ i chöngö tarik, sā ngam minhôiṅyö pöri, aṅ im töt manāngenvö nômö:

HEPRĀI 2:18

Pòn ngaich Anga-aṅ nö kihngen nö in e, kalaha, ngaich Anga-aṅ nö mihôiṅ nö holṙen cha, yip tö kalaha.

FILIPĪ 3:21

Ngam mahaṙīngö në yāich alaha hī, nö im tökôlò alaha Ò: lökten im minhôiṅyö Ò, nö kēhöt taṙòkhöre chehen nö elkatòhre.

T. YÔHAN 14:16

Ngaich ve-ekūö ngam Yöng Chū-ö min; ngaich kētö tahëng Mahangëken min Anga-aṅ, hòṅ Ò nö örheūheu nö holtöṙah yīö;

YERIMIĀ 3:22

Havantöre yin, Ō yī-ö nyīö kikōnnyö tötkô-en, hòṅ chu halanken ap öt kanô-en yīö. Yĕh meuk, yih in öi in meh; pò meh öm me-eṅ Mā Tēv, Tēv ih.

Isayā 45:24

Ngö ineūka chin min, Höng im Mā Tēv nup lanöökö nganë-eṅ inrē: in ò min tarik nö yih, ngaich sirōngökūö, nö ṙòkhöre yip töharuhlöng alaha nö lā-al ò.

2 TIMÒTĪ 1:12

Angū-ö lökten chu inrē kihngen tö në; ngaich sön chū-ö öt sirōngkūö; pò chu akahakūö töp chūökre ṙātö ellōnre, ngaich akahalōn chū-ö tö Ò nö kô nö aṅtö yip kahëtö chu in Ò ip sakāmö.

TANĪ-ĔL 3:29

Lökten chin vī chöngö: Yip tarik, pumnāmö tarik, hēk inrē tökeuheūttöre ëlô töchōchô tö ngam Tēv, Satrāk, Mësak, Apëtnikō inrē nö chiṙësi alaha min nö patik,tiṙōli min inrē nup patī cha; pòn rö-ö nö tahëngu tēv tökô nö ngatī inlahen nö ṙā-any.

HEPRĀI 7:24

Anga-aṅ pöri, pò ò nö tö örheūheu, öt haṙīköre ngam inlahen Ò nö kūönṙô.

TANĪ-ĔL 9:16

Ō Mā, sā nuk tölöök la-en mehnö ṙòkhöre, havööngökūö tanānyöre man yēḵ lanīnöre inrē ṙa-ang im elpanam meh Yērusalem, ngam töhet rung meh; kūö në tökööl fālen ih, ötlanöökö yik muvöhngö ih inrē, ngaich Yērusalem tö vē tarik meh inrē vītöre nöng kūöngô vē taṙòkhöre mahavīlen ih.

TANĪ-ĔL 3:15

Yĕh ngaich yē yīö lēn öi hangṙô ngam sinrōl, tötipö fanöö, līör, rikòn ranöng, töhayūlö kuföt fanöö, tökeuheuttöre mihëṅṙö inrē ranöng tinkökö, öi afukngöre salām ngam insā ngam vahīlö chu, lööken min yī-ö; yē yīö pöri öt salām, ilööṙen min yī-ö kavalhötvö i kūö ngam töhūkūö tameūyö; achīö ap tēv ṙāmānyen yīö min ṙā-ang eltī chu?

EFISÖS 3:12

Ngam chūök hī ötpinhe-eṅvkūö, ane inrē yih im inyönglen, lökten ngam mikah hī in Ò.

HEPRĀI 7:8

Ngaich vē tarik tökapah ihih nö kēḵ tö hĕng i tö söm, hĕng tak pöri ap ameū-aṅ, ap tö eūka nö aṅ.

NGAM LĪPÖRE YŌP 22:17

Ngö ṙô cha-a töm Tēv, Kē- ĕngre tö chu, ane inrē, Suh kanô-òṅ ap Tökeuheūttöre Chöngö nö in ih?

RŌMA 5:10

Pò hī, hē hī sin ṙòngmö kumnyah elmat, ngaich lökten im kinpaha ngam kūön Ò öi halāmtu im Tēv, möthë min ayī-ö hayöökaṙen lökten im nômö Ò, pôi ngaich halāmtu.

1 KÒRIN 1:21

Pòn im mikah ngam Tēv, lökten im mikahre ngih panam, nö öt akahakūö töm Tēv, kūö lanöökö lōn ngam Tēv an, lökten i kumlō-ov ngam inhānga, nö hayööken cha yip ṙamātö ellōnre.

HEPRĀI 2:9

Ngaich pöri ayī-ö meūkö Ò, ngam tövītu misī nö lātaṙūḵ hö-ö tö më ma-ahānga, Ang Yēsū, tö kanôlò, ineū-euṅ inrē, pòn hōtu nö lökten im inlōnti aṅ im Tēv, Anga-aṅ nö kalah kinpaha, nö pòkūö tarik.