HEPRĀI 7:22 - TÖHET LĪPÖRE (Re-edited) Bible (BSI)

²² Lökten in e an nö ngaich Yēsū nö vītöre nö ṙënngen aṅ im tö ngö-aṅlö kinlēḵngô.

HEPRĀI 7:22 Referans Kwoze

1 KÒRIN 11:25

Ngatī tī inrē Anga-aṅ tök kulah, tö kinheūṅten nyina-aṅ, nö ngö ṙô, Tufömngöre ön ngih aṅ ngih kulah kinlēḵngô i mahām chu. Ngatī tī pöichö, i tumheuh yīö ôkö e, inköpkö lōn yīö tö chu.

Ranehlö 44:32

Pò ngòh kūön alaha meh nö kinṙötngö ngam nyīö nö ip yöng chu kikōnyö, öich ngöṙô, Yē chu öt kēten ò in meh, ngaich chū-ö min töhachökö töp yöngre kikōnyö, tö-urāngen.

HEPRĀI 13:20

Ngam Tēv lanāmö an töngamuh, ngam mahavanlö ngam yöng tökiröng Yōm pököre nö ṙā-ang i yip tökapah, nö holtö mahām ngam tö-örheūheu kinlēḵngô, ngam Mā hī Yēsū.

HEPRĀI 12:24

In Yēsū inrē ngam ma-ahôitöre nö im tufömngöre kinlēḵngô, im tö kichënyö inrē mahām, töngö-al huneū-euṙô tö Āpĕl.

Ranehlö 43:9

Chū-ö min töminënyu tö ò; ṙā-ang eltī chu më-eṅ havëken ò: yē chu min öt kēten ò in meh, öt asöklen ò inrē ikūö meh, ngaich hökngen chu urāngen kūön öp inchököre:

T. LŪKÖS 22:20

Ngati tī Anga-aṅ tök kulah, tö kinheūṅten nyinā-aṅ nö ngö ṙô, Ngih ön kulah tufömngöre kinlēḵngô nö i Mahām Chu, ngam tökitaktuvö töpòkūö yīö.

T. MËTIV 26:28

Ṙòkhörekūö yin ôkö e; tön mahām Chu an nö kinlēḵngô, tö kitaktu töpòkūö tömaṙôngö, nö inṙē-ĕl tökööl.

T. MĀKÖS 14:24

Ngaich ngö ṙô Anga-aṅ tö cha, Mahām Chu ön ngih, tufömngöre kinlēḵngô, tökitaktu tö pòkūö tömaṙôngö.

TANĪ-ĔL 9:27

Ngaich anga-aṅ min nö vī öp tökalēḵ kinlēḵgô i tömaṙôngö nö hĕng afta; ngaich im tö ròngti afta anga-aṅ min nö ṙāngen nup tökētuvö; ngaich i rōi kël öp sin-òkkūö min nö yih öp pumyāihanga hanöng saha ngam chöngö nö keuheūten ngaich hōngtu kui min öp pumyāihanga.

INCHŌḴ-OṘÔ 20:16

Kē öp tökiröng inyut ngam tarik yē ò nö ṙënngô öp aṅ tahëng, haköp ngam kinlēḵngô ò inrē yē ò nö ṙënngô aṅ tahëng panam.

INCHŌḴ-OṘÔ 6:1

Kūön chu, yē meh ṙënngö ṙô öp holre, öm kilēḵngôre ṙënngô aṅ tahëng;

Salmai 119:122

Me-eṅ yēḵ ṙënngö ngòh kūön re im tölöök: un hökiṙen ngam mahakeūlenre nö hakihten chu.

Isayā 38:14

Sā öp tömarô-òl likeun chehechōn, ngatī tinkākö ṙô chū-ö; sā miṙivlōn pumpa chin: öt meuk në mat chu nö ngëichkö lātulöng; Ō Mā Tēv; taṙamtöre chin, me-eṅ man yēḵ chūök inköpngö chu.

HEPRĀI 7:23

Pòn kô-en cha-a nö vīlöngö nö kūönṙô, nö ṙōltak, pòn kūö kinpaha cha-a nö asökiyö nö im inṙuhöröönre:

HEPRĀI 8:13

Angū-ö tufömngöre kinlēḵngô, ṙô Ò, nö ngaichtī nö vīngö ngam mu-urĕh nö köiny, ngam tö ngaich pöri nö köiny, hötṙeh inrē, nö ngaich nö chaṙēvi