HEPRĀI 7:16 - TÖHET LĪPÖRE (Re-edited) Bible (BSI)

¹⁶ Ap tövīlöngö, öt sā ngam chöngö aṅ i chöngö tarik, sā ngam minhôiṅyö pöri, aṅ im töt manāngenvö nômö:

HEPRĀI 7:16 Referans Kwoze

KÒLÒSĪ 2:20

Yē yīö kapah hol Kristū ṙā-ang i nup ranehlö ing panam, kūöyòh öi yī-ö elkatòh nup chöngö, öi sā mi-iyöng ing panam,

INMEUKHÖMAT 1:18

Öich tö aṅ inrē; kapah sin Chu-ö, ngaich yĕh meuk, örheūheu Chin ngaich aṅ, aṅhaṅv-in Chin inrē tö në tinkīök ngam kinpaha, tö ngam chūök tökapah inrē.

HEPRĀI 10:1

Pò ngam chöngö nöng nyat nup tölöök yamih, öt nup tökô-en takô nö insā; ötkô anū-ö nö holtö nup tökētuvö töt hĕnghang samyeūheu, nup kahëtö cha nö örheūheu, nö teungtentī tö yip yamih.

HEPRĀI 7:28

Pò ngam chöngö nö vī-il mākūö kūönṙô tö öt kumlēḵen; vīlö kūön pöri ngam ṙô aṅ im chūök ṙô, ngam tinömken ngam chöngö, nö örheūheu nö töteungten.

HEPRĀI 7:3

Öt mahakūöntu tö kikōnyö, öt kamyôḵnyu, öt lökngurit, öt rēhĕn nö ranehlu nuk sakāmö, öt rēhĕn nômö nö manānguṙen, vītu pöri sā Kūön ngam Tēv köp nö kūönṙô nö iṙūöhen.

KÒLÒSĪ 2:14

Ngaichtī nö sichngö nuk tökūchi höteh nö im chöngö, ök lamā-al hī, töharīkngöre inrē tö hī, ngaich Anga-aṅ nö kē-ĕng e nö ṙā-ang el talöökö, harātö e ngaich nö i rōi ök töhakālö;

KALATĪ 4:9

Ngaich pöchö yin akahakūö tö ngam Tēv, hēk, akaha tö ngam Tēv, sitih öi hēk havantöre im töt kalēḵen tötkôlò öt mikah, ngam chūök lōn yīö hòṅ hakövö hēk?

KALATĪ 4:3

Ngatī in ayī-ö inrē, hē hī misī ṙòngmö nyīö, ngaich haköviyö elkatòh në aṅ ngih panam.

HEPRĀI 7:21

Pò cha nö ngaich nö kô-en nö vīlöngö nö kūönṙô nö öt kinlēḵnguṙô: kilēḵngôre pöri nö lökten in Ò ngam tö ngö ṙô tö ò, Kilēḵngôre an ngam Mā, ngaich öthōḵ nö havanritre, Kūönṙô man me-eṅ tö-ör- heūheu;

HEPRĀI 7:17

Me-eṅ man kūönṙô tö-ör- heūheu, Lökngörit Melkisē- tēk, ineūkö Ò.

RŌMA 7:14

Pò hī akahalōn töm chöngö nö töhet: aṅ ing alaha pöri chu-ö, inyihiyö elkatòh ngam chöngö.

HEPRĀI 7:15

Pōilö mineūkö an, yĕn hōklöre öp tahëng kūönṙô nö tö sā Melkisētĕk.

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.