HEPRĀI 6:9 - TÖHET LĪPÖRE (Re-edited) Bible (BSI)

⁹ Kahōlö, ṙūölöng alaha pöri ihö, tö nup tölöök in yīö, ane inrē nup hamòl ngam inyööken, pòrô ihö ngatī ṙô:

HEPRĀI 6:9 Referans Kwoze

HEPRĀI 10:39

Rö-ö pöri ayī-ö aṅ in cha yip hamôkhötre nö im öt kanôlò; tön aṅ in in cha yip tö aṅhaṅv-in tö ṙinātö ellōn, im inyööken ngam nômö.

HEPRĀI 2:3

Sitih öt kanô-òngvah öi min ayī-ö, yē hī öt kūöngenre tö töngatī ṙôken inyööken? Nuk tö ngaich nö urĕh sin misī nö lökten im Mā, nö ṙônyu ngaich hameuktu nö kô-en nö in hī tö cha yip hamang.

2 KÒRIN 7:10

Pò ngam tölöök miṙivlōn nö vītö invöötö ellōn nö im inyööken, ngam tötkumtö miṙivlōn: tī tö kinpaha an ngam miṙivlōn ngih panam.

HEPRĀI 10:34

Sā yīö hĕnghöre aṙē-ĕlōn tö cha yip tö hakövö, ngaich ṙāmölōn öi kēḵ inyëḵngen nup amin yīö, kūö mikahlōnre töre öi amīnu töp tö hönlöre tö köp inrē.

HEPRĀI 5:9

Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

1 KÒRIN 10:14

Kahōlö, lökten ṙuhöngre töm vinë-ekūö insā tēv.

INLAHEN 20:21

Hameukhömat yip Yahūti chin, Tahëng Mihëṅṙö inrē tö ngam invöötö ellōn tökū-ötö im Tēv, ngam mikah inrē im Mā hī, Yēsū Kristū.

T. MĀKÖS 16:16

Ngòh ṙāmātö ellōnre ngaich vōkö, ngaich hayöökaṙen anga-aṅ min. Ngòh töt ṙāmātö ellōnre, ngaich öthakôlòngṙô min.

Isayā 57:15

Tön ngö ṙô An ngam lātulöng ngam tömarô-òl chūök, ngam mī-iyöng im tötchnūhuvṙen, ngam tö minënyu tö ngam Töhet: Iyöng lātulöng chin Töhet chūökö inrē hol ò inrē öp tö haṙivlōn tö tökööl re, töyāichö ellōn inrē, mahā-aṅ ma-alaha öp yāich, ane inrē mahā-aṅ nômö öp töhaṙivlōn tö tökööl re.

HEPRĀI 6:10

Rö-ö an ngam Tēv nö tötlöök, nö tövaichngö tö la-en yīö ngam hanāngenlōn inrē, hameuktö yīö lā i mine-eny Ò, tī yīö meukṙen yip töhet, ṙòngmö meukṙen inrē.

KALATĪ 5:6

Pòn öt kanôluṙô nö in Kristū nö rēhĕn ngam tunnyinyngö, ötrēhĕn ngam töt tunnyinyngö mikah pöri tö tī-iv lökten im hanāngenlōn.

INLAHEN 11:18

Ngaich hē cha nö hāngö u, ṙangôre cha-a nö ngö ṙô, Ngaich Ang chĕi ngam Tēv nö kē-ĕkūö vē Tahëng mihëṅṙö tö invöötö ellōm im nômö.

2 KÒRIN 7:1

Kahōlö, ngaich in īnu tö në kinlēḵngô, lökten ta-a töi halööktö nup chanôichö ngam alaha, ma-alaha inrē, hateungtö ngam hanëtö i pinhë-eṅkūö töm Tēv.

2 KÒRIN 12:19

Ngaich in höng vamë-eny fālenre tö lōn yīö öi in yīö. I kūö ngam Tēv ṙô in ṙôten Kristū. Kahōlö, ṙòkhöre nun nö inruk yīö.

1 PĪTÖR 2:11

Kahōlö; hōten yīö chin yī-ö kumröönngöre ane inrē töt aṅhih, ṙāngö nup lōn alaha, nup kumyung nö lā-al ngam ma-alaha.

2 PĪTÖR 3:1

Kahōlö, innëtö līpöre ön ngih töngamuh kahūichtö chu in yīö; i mat u nö nëtre öich harunlö nup tökô-en ellōn yīö, i finëlö yīö;

1 YÔHAN 2:7

Kahōlö, öt kūichtö tufömngöre chin chöngö in yīö, tön höng ngam höteh ngam in yīö nö ngaich hēten tök raneh: ngam höteh chöngö, angū-ö an ṙô ahang yīö ngaich.

NGAM LĪPÖRE KAHŪICH YŪT 1:3

Kahōlö, i panītnyöre chin kūichhöti in yīö, tö inlahen ngih inyööken tarik; hòṅ kūichhöti chin in yīö, hōten yīö chin i tölngöre, laklö ngam mikah, ngam töng hĕng heuh kinëti nö ngaich nö i yip töhet.