HEPRĀI 6:4 - TÖHET LĪPÖRE (Re-edited) Bible (BSI)

⁴ I inlahen cha yip tö ngaich nö hĕng heuh inhatlö elmat, tö ngaich nö kalahlöngkūö tö aṅ elhalīöngö inlōnti, vītu inrē nö hamòl ngam Töhet Fanöinylö,

HEPRĀI 6:4 Referans Kwoze

T. MËTIV 5:13

“Yī-ö yin sāl ngih panam; yē ngam sāl pöri nö chuhu kumchik, isuh lökten öng min nö haṙeihu? Öt hēngö kanôlò an; höng tökavāli pöri, nö elkahôiṙen, ngaich rööntukui tö tarik.

T. YÔHAN 15:6

Yĕn hĕng tak ngòh tötngöh nö in Chu, fāngi anga-aṅ nö sā pak, ngaich nyangngö; hamūlö ngaich, kavalhötvö nö i kūö tameūyö; ngaich ṙāpngö.

EFISÖS 2:8

Pò yīö kūö inlōnti ngaich hayöökaṙen lökten mikah; rö-ö nö aṅ in yīö angū-ö: aṅ im Tēv an inlōnti:

T. YÔHAN 3:27

Ngaich sapṙô cha Yôhan nö ngö ṙô, Öt tarīkuvö tökô nö kahe-evö, yē e nö öt ṙamā-ang el halīöngö nö kine-eṅkūö ò.

HEPRĀI 10:32

Fēkö nuk misī sakāmö, unôichrit yīö ngaich mikahtu elmat, ngam chūök yīö hökngenre tökiröngö kanihngen;

T. MËTIV 12:45

Kiröönngöre ngaich anga-aṅ, ngaich sat tak ngahôṅ tö holre tö sī-ö, tö mööḵlö ötlanöökö tö ò. Kuhēthötre cha-a, ngaich iyöng umuh; ngaich ngam mana-aṅ lāinyngen ngam tarik, nö höichngen tö ngam mu-urĕh, ngatī, an min inrē, i ngih tötlöök tūmö.

KALATĪ 3:2

Hòṅ akahalōn chin tö ngih in yīö. Teūngen öi tö ngam Töhet Fanöinylö lökten i tī ngam chöngö, hēk lökten i hināngö ngam mikah?

2 TIMÒTĪ 2:25

Holtö inyāichngö halöök tö talöökö yip mahaṙahngöre; hòn amahtuṙen ngam Tēv nö kētö invöötö ellōn cha, nö inkaha ngam tökô-en,

1 YÔHAN 5:16

Yĕn tarīku mameuk ngam holre nö köölö fālen, tö ngam töt mī-im kinpaha tökööl, havë-a Anga-aṅ, ngaich ngam Tēv min nö kē-ĕkūö Ò tö nômö cha, yip töt köölö fālen tö ngam mī-im kinpaha. Mī-im kinpaha ap umuh tökööl: rö-ö nö angu-ö havëkö ò tö ṙô chu.

HEPRĀI 2:4

Hol cha inrē ngam Tēv nö eū-a, lökten i minkahngö, pinngangkūö inrē, lökten i tö ṙōlkangen minhôiṅyö inrē, lökten i nup inlōnti tī ngam Töhet Fanöinylö inrē, nö sā ap kanahang lōn Ò.

1 TIMÒTĪ 4:14

Un mëchi ap inlōnti in meh, ngam tö kētu nö in meh lökten im ṙô, nö holtö ṙinëptö el kui tö yip Pisköp nö holtö yip tanīnöṙô.

INLAHEN 11:17

Yē ngam Tēv nö kē-ĕkūö cha tö ngam inlōnti, nö sā tīre nö in hī, hē ranehten hī ṙātö ellōnre im Mā Yēsū Kristū; achīö öich chū-ö tö kô tahngö ngam Tēv?

EFISÖS 4:7

Kö kahĕng tak in ayī-ö kē-ĕvkūö tö ngam inlōnti, sā ṙôken tī Kristū nö kētö e nö in hī.

EFISÖS 3:7

Angū-ö lökten chu vītu mameukṙen, sā ngam inlōnti inlöngten aṅ im Tēv, ngam kine-ekūö chu, sā la-en ngam minhôiṅyö Ò.

INLAHEN 10:45

Ngaich yik tö tunyīnyi, yik ṙamātö ellōnre, nö uṙeh, yik hamòlröön Pītör; pò ngam inlōnti aṅ im Töhet Fanöinylö, nö hōngtu nö i më tahëng mihëṅṙö tarik.

INLAHEN 8:20

Ngö ṙô Pītör tö ò, Anòngngen meh, nun yēḵ minë rupīö meh nö ötkôlò; pò meh tö lōnre teūngen tö ngam inlōnti aṅ im Tēv, nö ṙāitö rupīö.

T. YÔHAN 6:32

Lökten Yēsū nö ngö ṙô tö cha, Tökô-ò ṙô Chin tö yīö, Rö-ö ök nö Môsös kamëtö nya-aṅkūö yīö, nö ṙā-ang el, halīöngö; tön ngam Yöng Chu kamëtö ngam tökô-en nya-aṅkūö, aṅ el halīöngö.

KINṘEŪKÖ 24:3

Kē öp inchōḵo ṙô re ngaich anga-aṅ, ngaich ngö ṙô, Ngö ṙô öp Pēlām öp kikōnyö kūön Pī-ōr, Öp tarik inrē öp tölöpnyukūö mat nö ngö ṙô:

KALATĪ 3:5

Lökten Anga-aṅ ngam mameukṙen yīö tö ngam Töhet Fanöinylö, la-en tö nup pinngangkūö inrē nö in yīö, lökten i tī ngam chöngö ang, hēk, lökten i hināngö ngam chöngö ṙöng?

INLAHEN 15:8

Eūken cha inrē ngam Tēv, ngam tö akahalōn; tö ellōn; i tī Ò nö kē-ĕkūö cha tö ngam Töhet Fanöinylö, sā tī Ò nö in hī ayī-ö.

T. YÔHAN 4:10

Ngaich ngö ṙô Yēsū, nö sapṙô ò, Yē meh akahalōn tö ngam tö ngö ṙô inrē, tö meh, Kētö òk Chu man, havë-a öre me-eṅ in Ò; ngaich kô-òren Anga-aṅ nö kē-ĕkūö meh tö tö-aṅ mak.

2 TIMÒTĪ 4:14

Pōyen tī ap Aleksantör, ap ramöm mās, tö töchōich nö in chu: kē-ĕkūö ò an min ngam Mā, tö tösā nuk la-en ò:

RŌMA 1:11

Tön paṙūtalōn chin hòṅ meukkūö yīö, pò chu hòṅ kētö ngam inlōntö ma-alaha in yīö, hòṅ yīö köp;

2 KÒRIN 4:4

Yip tö tilupi ellōn, tö öp tēv ngih panam, töt ṙamātö ellōnre, pòn sōtu nö malīlöng nö in cha, ngam hanātö ngam kanôlò Kristū, ngam insā ngam Tēv.

2 KÒRIN 4:6

Yĕh meuk, tön ngam Tēv tö ngö ṙô, Yang an min ngam hanātö nö elsinngūlö, ngam töyang nö ellōn hī, nö kētö hanātö ngam inkaha ngam kanôlò ngam Tēv, nö i kūö Yēsū Kristū.

EFISÖS 1:18

Ahatlöngö elmat ngam mat ngam ellōn yīö, hòṅ yīö akahalōn tö ngam maheūṅkköre im invëtö yīö, tö kanôlò ngam kanôlò, ngam amin Ò i yip töhet,

LA-EN LĒVĪ 13:55

Ngaich ngëicha min ngam Kūönṙô, unôichrit sinöichngö öp invah: ngaich yē ngam invah nö öt haṙī-ingre elmat, öt parāti inrē tökuvīö ana; föngngö e min më-eṅ i kūö tameūyö: tö-ūn ana, yĕn pòrô ngam nganānyö kui nö el chalòngkui hēk lā māl;

LA-EN LĒVĪ 14:43

Ngaich yē ngam invah nö hēk nö yih, ngaich larukköiny nö el ngam patī, unôichrit ò nö kēḵnyö nuk ihong, unôichrit e inrē nö hapānö;