HEPRĀI 6:19 - TÖHET LĪPÖRE (Re-edited) Bible (BSI)

¹⁹ Ngam in hī, nö sā sanumti ngam nômö mineūka, hĕnghöre tö kô-en, tököp inrē, mameuthöt inrē nö el ngam lātulēt ranangkūö;

HEPRĀI 6:19 Referans Kwoze

Salmai 43:5

Ō me-eṅ nômö chu, kūöyòh öm haṙivlōn, kūöyòh öm ötṙēm lātuhēt in chu? Im Mā Tēv man meūka tön ṙòngmö löknyu ṙô chin min ha-öinyan tökūö ngam la-nööken i kūö Ò.

LA-EN LĒVĪ 16:15

Ngaich anga-aṅ min nö ṙatnyö likeun öp pököre tökētu kūö tökööl, öp kūö tökööl yip tarik, ngaich kēhöt öp mahām ò nö lā ël öp ranangkūö, ngaich sā tīre anga-aṅ tök mahām ök kōiny nuā ngati tī anga-aṅ tök mahām ò, kichenyö e nö i kui ök anūichö miṙēlōn, i kūö ngam anūichö miṙēlōn inrē:

LA-EN LĒVĪ 16:2

Ngaich ngö ṙô ngam Mā Tēv tö Môsös, Vë-ekūö öp kahëm re man Āròn, hòṅ ò nö öt yih nöng örheūheu nö el ngam töhet chūök nö lā ël ngam ranangkūö i kūö ngam anūichö miṙēlōn, ngam i kūö ngam kasòng chöngö; hòṅ ò nö öt kapah: tön meūkö chin min el taṙul i kui ngam anūichö miṙēlōn.

HEPRĀI 9:7

El ngam innëtö pöri höng hĕng tak ngam mākūö kūön ṙô, hĕng heuh i töhĕng samyeūheu, rö-ö nö öt holtö mahām, öp kahëtö ò tö pòkūöre, kūö fālen yip tarik ò inrē:

HEPRĀI 9:3

Ngaich lā-uk ök innët ranang, ök inrūkui tökaheūkö nö Töhet kūö nup töhet;

T. MËTIV 27:51

Ngaich ök tananglö ël ök töhet chūök nö nët tit nö takaich, löktökūö latulöng, söl lataṙeū; kayīna ngaich ngam tumlat; larakköṅny inrē nuk ihong.

KÒLÒSĪ 3:1

Yē yīö ngaich hachohlöngö hol Kristū, chöh nup lamātulöng yin, i chūök Kristū nö ūichhaka, nö lahāmö ngam Tēv.

Salmai 42:11

Ō më-eṅ nômö chu, kūöyòh öm haṙivlōn? Kūöyòh öm ötṙēm latuhēt in chu: Im Tēv man meūka; tön ṙòngmö löknyuṙô chin ha-öinyan tö kūö ngam lanööken i kūö Ò.

2 TIMÒTĪ 2:19

Köp pöri nö sökhak ngam rööntö machööḵlö ngam Tēv, kintāntu aṅ in tö ngih, Akahakūö an ngam Mā tö cha yip tarik Ò: ane inrē, Hökngen cha nö kē-ĕngre nö ṙā-ang im ötlanöökö,

INLAHEN 27:29

Ngaich pa-ekūö īhö tö lanönhötre, öi lökhöt kui ihong; fënö sahumngö cha-a ngaich tö sanumti nö lā rit; ngaich rūttö peuheū.

RŌMA 4:16

Angū-ö an lökten e nö aṅ im mikah, hòṅ e nö sā ngam inlōnti; pòn hōtu ngam kinlēḵngô kūön; rö-ö nöng in ò ngam mi-im chöngö, tön in ò inrē ngam mi-im mikah Aprahām, ngam yöng hī ṙòkhöre;

INLAHEN 27:40

Ngaich rökngö nuk sanumti cha-a; ngaich nö ṙāngö u nö el mai; luhlö nyanëk nuk kanëḵritlö cha-a inrē; ngaich kū-ötö kuyāyö.

Isayā 28:16

Lökten an ngam Mā Tēv nö ngö ṙô, Yĕh meuk, ngaich chin ṙātö ihong rööntö machööḵlö Sīyôn, tö kalaha nganëḵeṅ ihong, töpōiṙāi ihong sinkeukngö nö tököp: öp ṙamātö ellōnre min öt kunrātuṙen.

Isayā 12:2

Yĕh meuk, inyööken chu an ngam Tēv; hayönglenre chin, ngaich öthō min pa-ekūö: kumlēḵ chu an tinkökö chu inrē ngam Mā Tēv Yavē; inyööken chu an inrē nö vītenre.

HEPRĀI 4:16

Ta-a lökten töi ṙūöhtöre holtö öt pinhë-eṅkūö im kantēra inkôlò, hòṅ hī teūngen tö neūkölōn, ngaich kôtökūö tö inkôlò nö holṙen hē el hanāṅten.

EFISÖS 2:6

Ngaich hachohlen hī hol Ò, ngaich ha-ūichlen hī hol Ò el halīöngö, in Kristū Yēsū:

Salmai 42:5

Ō më-eṅ nômö chu, kūöyòh öm ūngölōn, Kūöyòh öm ötṙēm lātuhēt in chu? Im Tēv man meūka; tön ṙòngmö löknyuṙô chin Ha-öinyan tö-kūö ngam lanööken i kūö Ò.

1 KÒRIN 15:58

Lökten, yī-ö hol chu, haköpöre yin, ui hanlöinyken: örheūheu ṙūölö ngam la-en ngam Tēv, akahatöhechlōn tö ngam la-en yīö, im Mā Tēv, nö öt chanök alaha.

Salmai 39:7

Mā, suh papkeh ahökkö chu? In meh ap maheūṅkkö chu.

SAKARIĀ 9:12

Havantöre yin min im töngëḵ chūökö, yī-ö mameūka tökē-ĕ, ṙô-òv chin töngamuh tö chu min nëtö tī inmeh.

INLAHEN 23:6

Hē Pôl nö meuk yik Satuki nö hĕng lā, hĕng lā yik Feresī inrē, ngaich ngö ṙô anga-aṅ tö yik kamhôṅka, Feresī chin kòl chu-ö, kūön Feresī inrē. Kūö mineūkkö ngam invanlö tö kapah chin kahòkkaṙen.

RŌMA 4:18

Ngam mi-im mineūka ngaich ṙātö ellōnre im mineūka, pòn hōtu anga-aṅ nö yöng tö ṙōl mihëṅṙö tarik, sā ngam tö ngaich misītö eūka, Ngatī yip kūön meh min.

RŌMA 5:4

Ngam manöiyö, tī tö inmeukten inrē, tī tö mineūka;

1 KÒRIN 13:13

Töngamuh pöri nö ngöhöre yēḵ ngam mikah, mineūka, hanāngenlōn, anū-ö tölūö; ngam hanāngenlōn pöri tö möthë tö u.

KÒLÒSĪ 1:27

Yip chūök lōn ngam Tēv, tö mikahtulōn tö ṙôken kanôlò ngam lanöökö ngam öt mikahkūö sin nö i yip Tahëng mihëṅṙö, ang Kristū, ngam mineūkkö kanôlò:

1 PĪTÖR 1:3

Tökôlò an yēḵ ngam Tēv, ane inrē Yöng, ngam Mā hī Yēsū Kristū ngam tö sā ṙôkö öp neūkölōnre nö kayôḵnyen hī im tö aṅ mineūka, lökten i invanlö Yēsū Kristū nö ṙā-ang i tökapah,