HEPRĀI 6:18 - TÖHET LĪPÖRE (Re-edited) Bible (BSI)

¹⁸ Hòn lökten minë tö nët töthanṙīken, in u ngam Tēv nö öthōḵ nö minyôinyaṅ, Īnu ayī-ö tö tökalēḵ inruhul alaha, öi ma-afalkö innyatlöre öi ṙaptö tīre im mineūka tö ṙātu nö i kūö hī,

HEPRĀI 6:18 Referans Kwoze

KINṘEŪKÖ 23:19

Rö-ö an ngam Tēv nö tarik, nö töminyôinyaṅ; Ötrēhĕn nö kūön tarik, nö mahavöötö ellōnre: Keuheūtô Anga-aṅ, ngaich yòh öt kēken e hòng? Hēk ṙô-òv Anga-aṅ, ngaich öt hateungngö e hòng min?

TAITÖS 1:2

I mineūkkö ngam tö örheūheu-aṅ nômö, ngam ṙô ngam Tēv nö kilēḵngôre misī töt chanūhuvṙen;

1 SAMUĔL 15:29

Ane inrē ngam kumlēḵ Israĕl min nö öt minyôiny öt rēhĕn nö havöötö ellōnre; pò ò nö öt tarik, nö mahavöötö ellōnre.

2 TIMÒTĪ 2:13

Yē hī ayī-ö öt köpö kanô-en, köp Anga-aṅ nö kô-en! pòn ötkô Anga-aṅ nö mahangre.

RŌMA 3:4

Un ngatī yēḵ; hôṅ; hökngen ngam Tēv nö tökô-en; ṙòkhöre pöri tarik nö töminyôiny-aṅ; sā kinūichngö e nö ngö, Hòṅ meh kô-en i nup ṙô meh, ane inrē hòṅ meh mihôiṅ yē meh kahôka.

Salmai 46:1

Innyatlö hī an ngam Tēv, kumlēḵ inrē: tö röhta nö holṙen hē el kanihngen.

1 YÔHAN 1:10

Yē hī ötköölö fālen tö ṙôre, töminyôinyaṅ ngaich Anga-aṅ, tö tī hī; ngaich öt īnu ayī-ö tö ngam Ṙô Ò.

YÔSUĀ 20:3

Hòṅ öp famël tarik nö faltöre nö in e öp töt tamölngenre töt akahtenre inrē: ngaich anū-ö min nö in yīö nö innyatlö tö öp mahavahal vah mahām.

Isayā 51:12

Höng Chū-ö chin mahaṙamlōn meh; achīö öm me-eṅ töpa-ekūö tö töng kapah tarik tö kūö tarik töng sā kiyôp,

HEPRĀI 3:11

Im lanīnöre Chu-ö ngaich chūökuṙô, Tö cha nö öt ku- hēthötre nö im haneūheuṅ Chu.

1 TIMÒTĪ 1:1

Pôl, tanīnöṙô Kristū Yēsū, sā chöngö ngam Tēv mahayööken hī, Kristū Yēsū inrē maheūṅkkö hī;

RŌMA 3:25

Ngam tö töliṙen tö ngam Tēv nö inlāmö lökten im mikah im mahām Ò, nö hameuktö ngam lanöökö Ò, kūö invāngngö nuk tökööl tö, ngaich misī, nö i manöiyö ngam Tēv,

SAKARIĀ 9:12

Havantöre yin min im töngëḵ chūökö, yī-ö mameūka tökē-ĕ, ṙô-òv chin töngamuh tö chu min nëtö tī inmeh.

Isayā 64:7

Öt hĕng tak mahavëkö minë-eny meh öp mahachohköre nö ṙapngö tī re nö in meh; pò meh hanyatngökūöre tö ih, ngaich kēngen ih eltī nup öt lanöökö ih.

Isayā 56:4

Tön ngö ṙô An ngam Mā Tēv: yip kumkantöre mahaköpkö töhet sakāmö chu, nö atöllö nup kumchiklōn chu köptī inrē tö ngam kinlēḵngô chu:

INCHŌḴ-OṘÔ 4:13

Köptī tö inköphöti, un hökiṙen nö kiröönngöre; aṅten ò tön nômö meh an.

Salmai 110:4

Chūökuṙô An ngam Tēv nö kilēḵngô re, öt hō nö havanrit el lōn re: tö örheūheu Man Me-eṅ kūönṙô, sā öp chöngö Melkisitēk.

1 RĀCHA 2:28

Sölta ngaich ngam hināngö e nö in Yô-ap: pò Yô-ap nö havöötöre nö tömrit Atōnīyā, pòrô sin nö öt havöötöre nö tömrit Apsalem. Falngöre ngaich Yôap nö ik inrūkui ngam Mā Tēv, kiṙapngö tīre ngaich anga-aṅ nö i nuk sinrōl ök tahāklö.

1 YÔHAN 5:10

Ngòh ṙamātö ellōnre nö im Kūön ngam Tēv, īnu anga-aṅ tö ngam tö eūka nö in Ò. Ngòh töt ṙamātö ellōnre nö im Tēv, ngaich töminyôinyaṅ Anga-aṅ tö tī ò; pòn öt ṙātö ellōnre anga-aṅ nö im tö ngaich aheūkö ngam Tēv nö im Kūön Ò.

1 TIMÒTĪ 6:12

Kiyung im tölöök kinyūngö aṅ im mikah, ṙapngötīre im tö-örheūheu-aṅ nômö, ngam chūök meh havëtu, ngaich me-eṅ inrē halööknyôre vë-eny re i kūö yip tömaṙôngö mameuk.

RŌMA 15:5

Kē-ĕkūö yīö an yēḵ ngam Tēv tö manöiyö, ṙanāmölōn inrē, öi hēngö ellōn in höö, sā lōn Kristū Yēsū.

HEPRĀI 11:7

Lökten i ṙinātö ellōn ang Nō-a, nö hatūinyu elnang töm Tēv tö nuk tö-öl nö meūkö, lökten im tölöök pinhe-eṅkūö nö akahaiṙen, halēn ök chōng nö inyöölen yik aṅ patī ò; lökten in e anga-aṅ nö ve-eny ngih panam nö ötkôlò, ngaich vītu nö tö-amīnu tö ngam lanöökö ngam tö sā ngam ṙinātö ellōn.

1 TÖSALÒNIKĒ 1:10

Hökkö ngam Kūön Ò nö ṙā-ang elhalīöngö, ngam hachohlö Ò nö ṙā-ang i yip tökapah, Ang Yēsū, ngam ṙamānyen hī nö ṙā-ang im yamih lanīnö.

KÒLÒSĪ 1:27

Yip chūök lōn ngam Tēv, tö mikahtulōn tö ṙôken kanôlò ngam lanöökö ngam öt mikahkūö sin nö i yip Tahëng mihëṅṙö, ang Kristū, ngam mineūkkö kanôlò:

KÒLÒSĪ 1:23

Yē yīö ngati urāta im mikah, ultöre ngaich köp inrē, ngaich öt ṙuhöyö tö ngam mineūka ahang yīö aṅ im tölöök inhānga, ngam tö ngaich misī nö ahangnyu nö i në taṙòkhöre tövīlöngö elkatòh ngam halīöngö; ngam lökten chu chu-ö Pôl, vītu mameukṙen.

T. LŪKÖS 2:25

Hĕng taka ök umuh tarik i Yerūsalem, Sumōn ök minënyö ò; tötmichūṙen ök anga-aṅ, ane inrē tö pa-ekūö tö ngam Tēv hamöngkökūö öp inṙamlōn Israĕl; īnu anga-aṅ tö ngam Töhet Fanöinylö.

T. MËTIV 24:35

Chuhngöre ngam halīöngö, ngih panam inrē; öt chanuhuvṙen pöri në ṙô Chu.

Isayā 27:5

Hēk inrē hökngen ò nö kiṙapkö ngam kumlēḵ chu hòṅ ò nö vī lanāmö nö in chu; hôṅ, hökngen ò nö vī lanāmö nö in chu.

Ranehlö 19:22

Ka-eūyen man in e afalngöre; tön ötkô Chin kahëkuṙen hanöngsaha meh yih umuh. Lökten ngam el panam nö kaheūkö minë-eny nö Sōār.

HEPRĀI 7:21

Pò cha nö ngaich nö kô-en nö vīlöngö nö kūönṙô nö öt kinlēḵnguṙô: kilēḵngôre pöri nö lökten in Ò ngam tö ngö ṙô tö ò, Kilēḵngôre an ngam Mā, ngaich öthōḵ nö havanritre, Kūönṙô man me-eṅ tö-ör- heūheu;

HEPRĀI 3:6

Sā kūön pöri Kristū nö im patī ngam Tēv, ngam tö patī-ivö tö hī, yē hī haköptīre tö öt pinyū-uṙô im ineū-euṅ, ngam maheūṅkkö hī inrē, nö köp söl ip manā-aṅ.

KÒLÒSĪ 1:5

Ngaich yin hāngö e, lökten i ṙô ngam tölöök inhānga kanô-en;

FILIPĪ 2:1

Lökten yĕn ingëḵkuvö in Kristū, yĕn inṙāmulōn aṅ im hanāngenlōn, yĕn innôluvö aṅ im Töhet Fanöinylö, yĕn neūkölōnvö, miṙēlōn inrē,

T. MËTIV 3:7

Ngaich hē Yôhan nö meuk yik tömaṙôngö aṅ i yik Feresī, aṅ i yik Satuki inrē, nö yihtöre nö hòṅ vōkö; ngaich ngö ṙô anga-aṅ tö cha, “Yī-ö kūön pēch; achīö ap hamôten yīö falgöre, tö ngam yamih lanīnö?

INCHŌḴ-OṘÔ 3:18

Chōn nômö an nö in cha yip kumṙapngö tīre nö in ò; yip tököpti tö ò kaheūkö nö töṙāmölōn.

Salmai 62:8

Yī-ö tarik, hayönglenre in Ò örheūheu: hōngnyö vōknyö ellōn re i kūö Ò, innyatlö hī An ngam Tēv.

RŌMA 5:5

Öt sumrōngngökūö an ngam mineūka; pò ngam hanāngenlōn ngam Tēv nö ngaich nö pirāti nö ellōn hī, lökten im Töhet Fanöinylö, ngam tö kētu nö in hī.

HEPRĀI 6:17

In e ngam Tēv nö hòṅ pōyen tī nö hameukhöti nö i yip tö amīnu tö ngam töt hanṙīken inlēnö aṅ in Ò, lökten Anga-aṅ nö haköpngö nup kinlēḵngôre.

HEPRĀI 7:19

(Pò ngam chöngö nö öt vahītuṙen tö töteungten) ane inrē kumtö öp tö ēhten mineūka nö in e, ngam löktö hī ṙūöhtöre im Tēv.