HEPRĀI 6:14 - TÖHET LĪPÖRE (Re-edited) Bible (BSI)

¹⁴ Nö ngö ṙô, Kô-en chin min hakôlò meh tö inkôlò, ṙūölö ṙôngö meh chin min inrē i ṙinūölö.

HEPRĀI 6:14 Referans Kwoze

Ranehlö 22:17

Im inkôlò Chin hakôlò meh, i ṙinūöhöl ṙôken Chin öich ṙūölö ṙôken ngam kūön meh sā taneūsömat ngam halīöngö ane inrē sā kuyāyö ngam kūö mai; hayōm kūö inkūp yip tökunyāha elmat an min ngam kūön meh:

I. CHÖNGÖ 1:10

Maṙôngö tī an ngam Mā Tēv tö yīö ngam Tēv yīö, yĕh meuk, ngaich yin töngamuh sā minë taneūsömat ngam halīöngö tö ṙôngöre.

NAHIMIĀ 9:23

Ngaich më-eṅ ṙūölö ṙôngö yik kūön cha nö sā taneūsömat ngam halīöngö, ngaich kēten cha më-eṅ ip panam öp ṙô meh i yip yöng cha chūök cha nö kuhēthötre nö kē-ĕ e nö amin re.

MANEUTNYI 32:13

Köpölōn tö Aprahām, Isāk, Israĕl inrē, yik tarik meh, yik chūök ṙô meh inrē kilēḵngôre, öm ngö ṙô tö cha, Ṙūölö ṙôken ngam kūön meh chin min sā taneūsömat ngam halīöngö, ngaich keuheūtlöre min ngih panam ngih ṙô chu nö kētu min tö chu ip kūön meh, ngaich cha-a min nö amin tö e nö örheūheu.

Ranehlö 17:2

Vītö ngam kinlēḵngôre Chin min ihôi Chu tömeh inrē, siṙaklötīre inrē ṙūölö ṙòken meh.

Ranehlö 48:4

Ngaich ngöṙô tö chu, Yĕhmeuk, vīlen meh Chin mikūönlö, ṙūölö ṙôken meh inrē, vīlen meh Chin min inrē tömaṙôngö öm tarik; ngaich Chū-ö min kētö ngih panam ip kūön meh, unôichrit meh, nö töt chanūhuvṙen nö amin.

Ranehlö 22:16

Inre ṙô Chin kilēḵngôre, ngöṙô ngam Mā Tēv, pò meh ngaich tī tö e, ngaich ötma-iṅ ngam kikōnyö kūön meh, töng hĕngmaneuk kūön meh kikōnyö.

I. CHÖNGÖ 1:8

Yĕh meuk, i kūö yīö tī chin tö ngam panam: kuṙòh amīnu yin ngaich tö ngam panam ngam ṙô ngam Mā Tēv nö kilēḵngôre nö in yik yöng yīö, in Aprahām, in Isak, in Yāköp inrē, nö kētö e nö in cha in yip kūön cha inrē unôichrit cha.

KALATĪ 3:18

Yē ngam amin nö aṅ im chöngö, ngaich öt aṅ im kinlēḵngô angū-ö. Löö in Aprahām tī pöri ngam Tēv nö kētöre, lökten im kinlēḵngô.

1 PĪTÖR 3:9

Un havahlöng töchōich tö töchōich, hēk ötlinëkô tö ötlinëkô; asaha pöri tö tölöök ṙô, tön angū-ö an invëkö yīö, hòṅ yīö amīnu tö inkôlò.