HEPRĀI 6:13 - TÖHET LĪPÖRE (Re-edited) Bible (BSI)

¹³ Hē ngam Tēv nö kinlēḵngôre nö in Aprahām, pòn öt tö kiröṅngu chūök ṙô Anga-aṅ, chūökṙô tore pöri Anga-aṅ,

HEPRĀI 6:13 Referans Kwoze

T. LŪKÖS 1:73

Ngam ṙô Ò nö kilēḵngôre nö in Aprahām; ök yöng hī.

MAIKA 7:20

Ngaich me-eṅ min hameuktö ngam kanô-en re in Yāköp, ngam miṙēlōn meh inrē in Aprahām, ngam kinlēḵngô meh chūökuṙô i yip muvöhngö ih löktökūö i nuk misī sakāmö.

YERIMIĀ 22:5

Yē meh pöri min öt hòṅ hang në ṙô, chūöku ṙô chin in re, ṙô ngam Mā Tēv, tö ngih patī min nö vītöre nö öt aṅhaṅvkūö.

Isayā 45:23

In re ṙô chin chūökuṙô, ngaich ök ṙô nö ṙā-ang elvāng chu im lanöökö, ngaich öt havan min, hòṅ ṙòkhöre në kui kinmônö nö simtöre nö in chu, ṙòkhöre inrē litāk nö chūökuṙô min.

ISIKĪ-ĔL 32:13

Keuheūtngöre vah tī chin min tö nup töṙeūla in ò holre tö nup töpōyen mak; öthēk min röön tarik nö hakihten cha, öt rēhĕn kunröön töṙeūla min nö hakihten cha.

YERIMIĀ 49:13

Pò chu chūökuṙô in re, ṙô ngam Mā Tēv, tö Pòsra min nö pinhë-eṅkūö, nāchngen, töpiyāyi, rinôichngen inrē; ṙòkhöre nup elpanam ò min nö urāḵngen nö ötkôlò.

MANEUTNYI 32:13

Köpölōn tö Aprahām, Isāk, Israĕl inrē, yik tarik meh, yik chūök ṙô meh inrē kilēḵngôre, öm ngö ṙô tö cha, Ṙūölö ṙôken ngam kūön meh chin min sā taneūsömat ngam halīöngö, ngaich keuheūtlöre min ngih panam ngih ṙô chu nö kētu min tö chu ip kūön meh, ngaich cha-a min nö amin tö e nö örheūheu.

I. CHÖNGÖ 1:8

Yĕh meuk, i kūö yīö tī chin tö ngam panam: kuṙòh amīnu yin ngaich tö ngam panam ngam ṙô ngam Mā Tēv nö kilēḵngôre nö in yik yöng yīö, in Aprahām, in Isak, in Yāköp inrē, nö kētö e nö in cha in yip kūön cha inrē unôichrit cha.

YERIMIĀ 44:26

Lökten hang ngih ṙô ngam Mā Tēv, ṙòkhöre yī-ö aṅ Yūtā mī-iyöng im panam Aikup: Yĕh meuk chūöku ṙô chin im tökiröng minë-eny chu, ṙô ngam Mā Tēv tö ngam minë-eny chu min nö, öt ngöhören nö hachohka tö elvāng töng sitih tarik aṅ Yūtā nö im panam Aikup, nö ngö ṙô, Sā ngam Mā Tēv nö tö-aṅ.

KALATĪ 3:15

Kahōlö, sā ṙô tarik chin ṙô-òv: Pòrô öre angū-ö nöng kinlēḵngô tarik, ngaich yē e pöri nö haköpiyö öt hĕng tak tö kô nö hachökngö alaha e hēk, tapnyö e.

KALATĪ 3:18

Yē ngam amin nö aṅ im chöngö, ngaich öt aṅ im kinlēḵngô angū-ö. Löö in Aprahām tī pöri ngam Tēv nö kētöre, lökten im kinlēḵngô.

1 KINṘÖTNGÖ 16:16

Ngam kinlēḵngô vahīten ò in Aprahām, ngam töchūöku kinlēḵngô ò in Isāk,