HEPRĀI 6:12 - TÖHET LĪPÖRE (Re-edited) Bible (BSI)

¹² Hòṅ yīö öt ṙahata, asīnken cha pöri yik tö amīnu tö minë kinlēḵngô, lökten i mikah, manöiyö inrē.

HEPRĀI 6:12 Referans Kwoze

HEPRĀI 13:7

Köpölōn tö cha yip mahayöngö yīö, yip tö ṙôtö ṙô ngam Tēv nö in yīö; ngëichngö ngam Tēv nö in yīö; ngëichngö ngam löklö nômö cha, asīnkö ngam ṙinātö ellōn cha.

HEPRĀI 10:36

Öp tö köp öp manöiyö töt ṙanāngen nö in yīö, hòṅ yīö teūngen tö ngam kinlēḵngô, yē yīö ngaich teūngen tö lōn ngam Tēv.

1 YÔHAN 2:25

Ngih ön yih kinlēḵngô, ngam tökilēḵĕyö nö in hī, angū-ö ngam nômö tö-örheūheu-aṅ.

RŌMA 12:11

Im panëtngen, un ṙahata; kalēḵĕ ellōn lök la-en ngam Mā;

HEPRĀI 5:11

In Ò nup ṙô ih nö pōyen, kihngen vine-eny manah, kūö yīö ṙahata elnang hang.

2 PĪTÖR 1:10

Lökten, kahōlö, haṙūöttökūöre öi vīten ngam invëkö yīö, kintöllö yīö inrē, nö köp.

YĀKÖP 1:3

Akahtöheichlōn tö ngam kinlaha ngam mikah yīö nö tītö manöiyö.

HEPRĀI 12:1

Lökten in ayī-ö inrē, ta-a, ṙā-ngö nup sanānngenre, ngam tökööl inrē tö lööṙen nö havīlen hī, öi meūköre havīlöngö tö tökiröngen taṙul, yip ameū-a, ngaich ta-a inrē, töi fal asōl, ngam insōlö töṙātu nö i kūö hī.

HEPRĀI 1:14

Röh yip cha-a nö ṙòkhöre nö mameukṙen ngam Tēv, tīntu nö tö la-evṙen tö pòkūö cha yip tö amīnu min tö inyööken?

RŌMA 4:12

Yöng cha inrē yip tö tunyīnyi, röön höng yip tö tunyīnyi, tön yip lamök el talöökö ò inrē, nö im mikah ngam yöng hī Aprahām, ngam mikah ò hē ò nö öl nö tunyīnyi.

RŌMA 2:7

I yip mahamöiyöre i tölöök la-en; nö chöh kanôlò, ineū-euṅ, töt chinhūngu inrē, in cha ngam nômö tö örheūheu aṅ:

YERIMIĀ 6:16

Ngö ṙô an ngam Mā Tēv: Söklöre yin el talöökö, ngëicha inrē, ngaich havëkö ngam hötṙen talöökö, ngam tölöökö, ngam tölöök talöökö, ngaich lök in e, ngaich chöh haneūheu nômö yīö. Ngö ṙô pöri cha-a, Hö-ö in hòṅ lök in e.

INCHŌḴ-OṘÔ 18:9

Ngòh töhā-en nö i la-en re hanöng kisānö ò an ngam tumṙōlhanga.

INMEUKHÖMAT 13:10

Yĕn tarīku lamā im inkövö, chuh im inkövö min anga-aṅ: yĕn tarīku min tö aṅtī tö sanët nö fël, nyahaṅ tö sanët min anga-aṅ nö fëli. In e an ngam manöiyö ane inrē ṙinātö ellōn yip töhet.

HEPRĀI 11:33

Yik tö mihôiṅ tö pūlngö lökten i ṙinātö ellōn re, öt atöltuṙen i kinṙôka, teūngen tö kinlēḵngô, haköpngö kūö elvāng lāyön,

HEPRĀI 6:15

Ngatī, pītnyöre nö i manöiyö, teūngen ngaich anga-aṅ tö ngam kinlēḵngô.

2 TÖSALÒNIKĒ 1:4

Lökten in ineū-euṅv in yīö, el nup patī ngam Tēv, pò ngam manöiyö yīö, mikah yīö i nup taṙòkhöre ötinkôlò yīö, kanihngen inrē, nup kaheun yīö;

T. LŪKÖS 8:15

Nup me-el tölöök tumlat, cha-a yip tölöök, tökô-en ellōn, hamang ngam ṙô, haköpngöre ngaich, ip manööyö, ngaich nö ṙônguvö.

T. MËTIV 22:32

Chu-ö Chin Tēv Aprahām, Tēv Isāk, Tēv Yāköp inrē. Rö-ö an ngam Tēv nö Tēv yip tökapah, tön Tēv yip tö aṅ.

INCHŌḴ-OṘÔ 15:19

Sīöplö ël tö töchökhu ngam talöökö töṙahata, ngam kanröönö töchiplö pöri nö töṙā-a ël tökiröng talöökö.

INCHŌḴ-OṘÔ 13:4

Yāla an ngam nômö tö ṙahata, öt taneūnguṙen pöri, kôlò mineukten pöri ngam nômö töpētngen.

INCHŌḴ-OṘÔ 12:24

Hayöng an min ngam kël ngòh tö pētngen, kētuṙen pöri min ngam tö ṙāhata nö i tökalēḵ la-en.

1 TÖSALÒNIKĒ 1:3

Öt ṙākö kanöpölōnre töm la-en yīö aṅ im mikah, ngam vahīken yīö inrē aṅ im mikah, ngam manöiyö inrē aṅ im mineūka, im Mā hī Yēsū Kristū, i kūö ngam Tēv hī, Yöng inrē;

T. LŪKÖS 16:22

Ngaich kapah ngam yāich tarik, ngaich kē-ĕyö tö yip ma-ahānga nö i kūö Aprahām.

T. MËTIV 25:26

Ngaich ngö ṙô öp mā, nö sap ṙô ò, Me-eṅ tötlöök, tö ṙahata mahalanṙen; akahalōn man tö chu, kēḵ ṙòng töt taheūichre, hamūl töt pirātre inrē.

Sòlòmön 1:8

Yē meh öt akahakūö, Ō tölngö tövai aṅ in yip kikānö, tömkö röön nup sīṅp, ha-āṅlö nup kūön inrē i nup rūkui öp yōm sīṅp.

INCHŌḴ-OṘÔ 2:20

Lökten man hòṅ lök el talöökö tarik tölöök haköp ngam kanröönö tölöök inrē.

INCHŌḴ-OṘÔ 28:10

Anga-aṅ ngòh mahalō-ongkūö töchiplö nö el talöökö tötlöök suktöre min nö el anūlö öp ahul ò; ngòh töt fāluṙen pöri amīnu min tö tölöök.

INCHŌḴ-OṘÔ 26:14

Takīöka ap inkūp nö i nup tinkīök re ngatī ngòh töṙahata nö el chaman re.