HEPRĀI 6:11 - TÖHET LĪPÖRE (Re-edited) Bible (BSI)

¹¹ Hōten yīö in kö pētngen hameuktö töngatī, im kanô-en mineūka, söl ip manā-aṅ:

HEPRĀI 6:11 Referans Kwoze

HEPRĀI 3:6

Sā kūön pöri Kristū nö im patī ngam Tēv, ngam tö patī-ivö tö hī, yē hī haköptīre tö öt pinyū-uṙô im ineū-euṅ, ngam maheūṅkkö hī inrē, nö köp söl ip manā-aṅ.

2 PĪTÖR 1:10

Lökten, kahōlö, haṙūöttökūöre öi vīten ngam invëkö yīö, kintöllö yīö inrē, nö köp.

HEPRĀI 3:14

Tön hamòlkūöre in tö Kristū, yĕi köptī tö ngam raneh inyönglen hī, öi kiṙapngö tīre söl ip manā-aṅ:

HEPRĀI 10:22

Ta-a, töi ṙūöhtöre, holtö tökô-en ellōn, i inkahngen töm mikah; kichënyö nup ellōn hī, inhôngö nup tötlöök kui lōn; söichö inrē në alaha hī tö töhet mak.

INMEUKHÖMAT 2:26

Anga-aṅ ngòh tömihôiṅ, anga-aṅ ngòh mahaköp nup vahīṙen chu inrē nö söl ip manā-aṅ, anga-aṅ min tökē-ĕvkūö tö chu tö chöngö nö ikui vē tarik:

1 YÔHAN 3:14

Akahalōn in tö hī ngaich chööḵngö ngam kinpaha, öi im nômö: pò hī hāngenlōn tö yip holre.

2 PĪTÖR 3:14

Lökten, kahōlö, yĕh meūköre öi höngö u anū-ö, haṙūöttökūöre hòṅ yīö min kôti im lanāmö, öi öt mirūnuvö, öt chnôichu inrē ikūö Ò.

1 PĪTÖR 1:21

Yī-ö lamökten in Ò ṙātö ellōnre im Tēv, ngam mahachohlen Ò nö ṙā-ang i tökapah, ngaich kētö kanôlò Ò; hòṅ ngam ṙinātö ellōn yīö tö ngam mineūka inrē, nö im Ṭev.

2 TÖSALÒNIKĒ 3:13

Kahōlö, uh pöri yī-ö uhāngöreṙen i tölöök la-en.

RŌMA 15:13

Ngam Tēv mineūka an yēḵ, mahatööḵngen yīö tö ṙanāmölōn, kumchikṙen inrē, im ṙinātö ellōn: hòṅ yīö ṙuhölre im mineūka, lökten i minhôiṅyö ngam Töhet Fanöinylö.

Isayā 32:17

Lanāmö min öp la-en ngam lanöökö; ṙanëmen öp tī ngam lanöökö inyönglen inrē nöng örheūheu.

1 TÖSALÒNIKĒ 4:10

Pò yīö kô ngatī ngaich i holre yip aṅ Makētonī. Kahōlö, halēnö yīö pöri īhö, ṙuhölre, hēkökūöre;

1 TÖSALÒNIKĒ 1:5

Pò ngam tölöök inhānga kum ih nö öt yih nö in yīö im ṙô, tön im minhôiṅyö inrē im Töhet Fanöinylö, im töpōyen nyanatlö inrē; sā mikahlōn yīö ngaich, tö inlahen ih öi tarik, öi hameuktöre in yīö tö pòkūö yīö.

KÒLÒSĪ 1:5

Ngaich yin hāngö e, lökten i ṙô ngam tölöök inhānga kanô-en;

FILIPĪ 3:15

Lökten, ta-a töi ngatī lōn, i tumtaka töteungten; yē yīö harīkngöre lōn i nup tahëng, hameuktu min angū-ö tö ngam Tēv nö in yīö:

KALATĪ 6:9

Ta-a inrē, ui uhā-en i tölöök vahīṙen: tön ip tölöök ṙētak in min hamūl, yē hī öt cheingö.

1 KÒRIN 15:58

Lökten, yī-ö hol chu, haköpöre yin, ui hanlöinyken: örheūheu ṙūölö ngam la-en ngam Tēv, akahatöhechlōn tö ngam la-en yīö, im Mā Tēv, nö öt chanök alaha.

1 KÒRIN 13:13

Töngamuh pöri nö ngöhöre yēḵ ngam mikah, mineūka, hanāngenlōn, anū-ö tölūö; ngam hanāngenlōn pöri tö möthë tö u.

T. MËTIV 24:13

Ngòh tö köp pöri nö söl ip manāngen, hayöökaṙen min anga-aṅ.

1 YÔHAN 3:19

In e in akahalōn tö hī aṅ im kanô-en, hatöḵöng ellōnre ayī-ö min inrē i kūö Ò,

KÒLÒSĪ 2:2

Hòṅ cha nö haṙamkalōn, ngaich mūlhenhöö cha-a im hanāngenlōn, i nup kanôlò ngam nyanatlö ngam mikah, hòṅ cha nö akahakūö tö ngam öt mikahkūö sin aṅ im Tēv in Kristū,

KÒLÒSĪ 1:23

Yē yīö ngati urāta im mikah, ultöre ngaich köp inrē, ngaich öt ṙuhöyö tö ngam mineūka ahang yīö aṅ im tölöök inhānga, ngam tö ngaich misī nö ahangnyu nö i në taṙòkhöre tövīlöngö elkatòh ngam halīöngö; ngam lökten chu chu-ö Pôl, vītu mameukṙen.

RŌMA 12:8

Hēk anga-aṅ ngòh mahalēn, im inlēnö; ngòh ma-alōnhöti, un maiṅtīre nö alōnhöti; anga-aṅ ngòh mahayöng, hol tö ṙanëmenre: anga-aṅ ngòh mahameuktö neūkölōn, hol tö kumchik ellōn.

KALATĪ 5:5

Pò hī lökten im Töhet Fanöinylö, i ngam mikah hökkö ngam mineūka ngam inlöökö.

T. LŪKÖS 1:1

Pòn maṙôngö yik tö ngaichtī nö kūich inlahen nuk töngaichngen kinheūṅti nö in hī.

YÔSUĀ 7:3

Havantöre cha-a ngaich nö in Yôsuā, ngaich ngö ṙô tö ò, Uh yin më tarik nö ṙòkhöre nö kiröönngöre; höng hökngen yip tönët hēk lūöi köny pöri tarik nö kiröönngöre nö kiyūngö Ai; un ṙòkhöre yip tarik nö la-evṙen nö umuh; tön höng öt ṙôkenvö yip.