HEPRĀI 6:10 - TÖHET LĪPÖRE (Re-edited) Bible (BSI)

¹⁰ Rö-ö an ngam Tēv nö tötlöök, nö tövaichngö tö la-en yīö ngam hanāngenlōn inrē, hameuktö yīö lā i mine-eny Ò, tī yīö meukṙen yip töhet, ṙòngmö meukṙen inrē.

HEPRĀI 6:10 Referans Kwoze

T. MËTIV 10:42

Ngòh töhĕng tak kahe-ekūö min tö vē kun kūöṅnö tö tö-ufov mak, nö pò ò nö mahaköp; tökô-ò ṙô Chin tö yīö, Öt löhlö ap min tö raneushöre.”

HEPRĀI 13:16

La-evṙen pöri tö tölöök, meukṙen inrē, un vaichngö: pò në töngatī tökētu nö ṙanāmölōn ngam Tēv.

KALATĪ 6:10

Ta-a lökten, töi lök i tölöök i taṙòkhöre tarik, isaha hī löktuṙen, möthë lōn tö vē aṅ patī ngam mikah.

INLAHEN 10:4

Ngaich haköpmatre anga-aṅ nö ngëichken ò; ngaich ngö ṙô, tö pinhe-eṅkūöre, Mā! Asuāpa? Ngaich ngö ṙô anga-aṅ tö ò, Söllö nup ṙô meh ve-ekūötēv, nup tī meh inrē inlōnti, nö inköpkölōn nö i kūö ngam Tēv.

1 TÖSALÒNIKĒ 1:3

Öt ṙākö kanöpölōnre töm la-en yīö aṅ im mikah, ngam vahīken yīö inrē aṅ im mikah, ngam manöiyö inrē aṅ im mineūka, im Mā hī Yēsū Kristū, i kūö ngam Tēv hī, Yöng inrē;

KÒLÒSĪ 3:17

Ngaich yē nup töng vahīṙen yīö, i ṙô, i la-en inrē, vīken u nö ṙòkhöre nö i minë-eny ngam Mā Yēsū, ha-öiny ngam Tēv Yöng lökten in Ò.

INCHŌḴ-OṘÔ 14:31

Ngòh tamṙam yāich tarik maha-āichngen ngam Vamīlen ò, ameū an pöri anga-aṅ ngam tö aṙē-ĕvlōn tö yāich.

1 TIMÒTĪ 6:18

Hòṅ cha nö lök i tölöök, hòṅ cha nö kôlò nö i nup tölöök la-en, hòṅ cha nö höngöre nö michööḵ, hōḵ nö haṙūötken;

T. MĀKÖS 9:41

Yĕn hĕng tak min kamëtö òk yīö tö mak, nö pò yīö aṅ in Kristū; tökô-òṙô Chin tö yīö, Öt hōḵ öp min nö löhlö tö raneushöre.

RŌMA 12:13

Meukṙen öt kanôlò yip töhet; kētöre im inṙūötken.

INLAHEN 11:29

Ngaich yik mahaköp, nö kö i kanô-òṅre, nö hòṅ tīnngö mineūken yik holre mī-iyöng Yūtā.

KALATĪ 5:13

Pò yīö, kahōlö, havëtu im ṙinānyö; un kēka ngam ṙinānyö yīö nö i lōn ngam alaha, lökten im hanāngenlōn, kö kamūönkūö höö.

INCHŌḴ-OṘÔ 19:17

Mahaṙūönghökūö ngam Mā Tēv an ngam tö aheūkölōn tö yāich, ngaich anga-aṅ min nö havantö öp tī ò nö in ò.

INLAHEN 10:31

Kòrnēli; hāngö nup ṙô meh ve-ekūö Tēv; söllö inrē nup inlōnti tī meh, nö inköpkölōn nö i kūö ngam Tēv.

T. YÔHAN 13:20

Tökô-ò ṙô Chin tö yīö, Ngòh hamôḵòṅ tahīntö chu, hōḵen Chu anga-aṅ, ngòh hamôḵen Chu, hōḵo ngam tamīnten Chu.

NAHIMIĀ 5:19

Köpölōn tö ngam tölöök tī chu in vē tarik, Ō Tēv chu.

2 TIMÒTĪ 4:8

Töngamuhöten ap sapīöv lanöökö nö ṙātu hinöngken chu, tökētu min tö ngam Mā nö in chu ip sakāmö angū-ö; ngam töt atöltuṙen kamhôṅka; öt höng chū-ö, tön ṙòkhöre cha-a inrē, yip tö hāngenlōn ip mineūkö Ò.

2 KÒRIN 9:1

I mineukṙen yip töhet pöri, öt kunsīkten tī chin kūichhöti in yīö;

YERIMIĀ 18:20

Invahal tötlöök öng ngam tötlöök? Ngaich yin yih nö ul anūlö ngih nômö chu. Köpölōn tö chu sökhaka i kūö meh öich ṙô tö tölöök in cha, öich havööngökūö ngam lanīnö meh nö ṙā-ang in cha.

NAHIMIĀ 13:31

Ngaich chū-ö meukten ngòh tökētu, i nuk töhalēnglöng ṙētak, nuk lanòhlòng chōn inrē. Ō Tēv chu, köpölōn tö chu örheūheu.

NAHIMIĀ 13:22

Ngaich chū-ö tölṙô yik Lēvi öich hōten cha nö ahetlöre ngaich yih nö aṅtö kūö inkūp, haköpkö ngam anôilö sakāmö inrē nö töhet. Ō Tēv chu, köpölōn inrē tö ngih nö in chu, aṙēlen chu inrē sā ṙôken öp tököp hanāngenlōn Meh.

I. CHÖNGÖ 32:4

Ngam Ihong, töteung ap la- en ò: Pòn ṙòkhöre nup talöökö ò nö inkaha fālen: Tēv kanô-en an öt aṅhāṅv-in inrē tö tötṙong, Tölöök an töchip inrē.

1 YÔHAN 1:9

Yē hī pöri vë-eny tököölre, aṙēlöng min nup tökööl hī ahetlöngö ayī-ö i nup taṙòkhöre chanôchöre; pò ngam Tēv nö tökô-en takô.

Salmai 20:3

Köpölōn tö nup tökētu tö meh: hō-o nup töföngö kahëtö meh;

KALATĪ 5:6

Pòn öt kanôluṙô nö in Kristū nö rēhĕn ngam tunnyinyngö, ötrēhĕn ngam töt tunnyinyngö mikah pöri tö tī-iv lökten im hanāngenlōn.

MANEUTNYI 1:20

Ngaich ngam Tēv nö löökö tī nö in nak lamāich; ṙūölöre ṙôngö yik tarik, kalēḵlöre inrē.

Mumkahten 11:1

Kavalngö nyā-aṅkūö re man el minë mak, tön kôtökūö man min tö e unôichrit töṙōl sumkam.

YERIMIĀ 31:16

Ngö ṙô an ngam Mā Tēv: Ṙāngôre man peuiny, ṙāngö makmat re inrē i mat re; tön reushu ap min la-en meh, ṙô ngam Mā Tēv, ngaich cha-a min nö havantöre nö ṙā-ang i panam yip tökunyaha elmat.

HEPRĀI 10:32

Fēkö nuk misī sakāmö, unôichrit yīö ngaich mikahtu elmat, ngam chūök yīö hökngenre tökiröngö kanihngen;

T. MËTIV 20:7

Ngaich ngö ṙô cha-a tö ò, Kūö tö rö-ö tarik ngamöönken ih. Ngaich ngö ṙô anga-aṅ tö cha, Kuṙòh; kiröönngöre yin yī-ö inrē, el öp panô-òṅ chu.

T. MËTIV 25:17

Ngatī inrē ngam tönëtö kahëḵ, ngaich nëtö taneūngen.