HEPRĀI 6:1 - TÖHET LĪPÖRE (Re-edited) Bible (BSI)

¹ Lökten ta-a ṙāngô hī tö ranehlö Kristū, iṙūöhöröön im tölngö sanīöpö; un ṙātu chūök röönti nö ṙā-ang i tökapah la-en, ngam mikah inrē tö kū-ötö im Tēv,

HEPRĀI 6:1 Referans Kwoze

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

2 KÒRIN 7:1

Kahōlö, ngaich in īnu tö në kinlēḵngô, lökten ta-a töi halööktö nup chanôichö ngam alaha, ma-alaha inrē, hateungtö ngam hanëtö i pinhë-eṅkūö töm Tēv.

INLAHEN 26:20

Ngaich öich ahangkö yip aṅ Tāmāskös urĕh, i Yerūsalem, keuheūtngöre chūök i panam Yūtā, i yip Tahëng Mihëṅṙö inrē; hòṅ cha nö havöötö ellōnre, havöötö kūöre inrē nö im Tēv; la-evṙen inrē tö nup la-en invöötö ellōn.

HEPRĀI 12:13

Hachip talöökö minë röön yīö, hòṅ ngam tö karòk nö öt patū-ui linkölngö, hòṅ ò pöri nö lööken.

T. MËTIV 21:32

Pò Yôhan nö yih nö in yīö, nö im talöökö tölöök; ngaich rö-ö yī-ö ṙātö ellōnre in ò. Ngaich pöri vē mahamūl ṙāi kinëhöt chehen, tö vē tötkôlò kikānö inrē, nö ṙātö ellōnre nö in ò. Ngaich yī-ö, hē yīö meūkö e, öt rēhĕn havöötö ellōnre unôich; hòṅ yīö ṙātö ellōnre in ò.

HEPRĀI 7:11

Yĕn teungten öre nö lökten in Lēvī ngam la-en kūönṙô (pòn el katòh yik tarik nö teūngen tö ngam chöngö), asuhtöre lōn öi ayī-ö tö tahëng kūönṙô öi hōklöre öi lökngörit Melkisētĕk, öi öt lökngörit in Melkisētĕk, öi öt kaheuktu öi lökngörit in Āròn?

EFISÖS 4:12

Nö inteungten yip töhet, nö im la-en mineukṙen; nö minānlö ngam alaha Kristū inrē.

T. YÔHAN 12:44

Ngaich pōitô Yēsū, nö ngö ṙô, Ngòh ṙamātö ellōnre nö in Chu, öt ṙātö ellōnre nö in Chu, tön im tamīnten Chu.

T. YÔHAN 5:24

Tökô-ò ṙô Chin tö yīö, Ngòh hamang ṙô Chu ane inrē ṙamātö ellōnre nö im tamīnngen Chu, nômuvö anga-aṅ tö ngam tö-örheūheu-aṅ; öt yihtöre inrē nö im ötinkôlò; chööḵngö ngam kinpaha pöri; nö im nômö.

T. MËTIV 3:2

Havöötö ellōnre yin; tön röhta an ngam pūlnga ngam halīöngö.”

1 TIMÒTĪ 3:16

Kiröng an ngam öt mikahkūö aṅ im lanöökö, öt kilka nö ṙô; Anga-aṅ ngam tö hameuktu nö im alaha, hameuktu nö ma-alaha nö tölöök, meūkö tö ma-ahānga, ahangka i vē tarik, in Ò nö ṙātö ellōnre vē aṅ ngih panam, kēḵlöngö im kanôlò.

2 KÒRIN 7:10

Pò ngam tölöök miṙivlōn nö vītö invöötö ellōn nö im inyööken, ngam tötkumtö miṙivlōn: tī tö kinpaha an ngam miṙivlōn ngih panam.

2 TIMÒTĪ 2:19

Köp pöri nö sökhak ngam rööntö machööḵlö ngam Tēv, kintāntu aṅ in tö ngih, Akahakūö an ngam Mā tö cha yip tarik Ò: ane inrē, Hökngen cha nö kē-ĕngre nö ṙā-ang im ötlanöökö,

INLAHEN 20:21

Hameukhömat yip Yahūti chin, Tahëng Mihëṅṙö inrē tö ngam invöötö ellōn tökū-ötö im Tēv, ngam mikah inrē im Mā hī, Yēsū Kristū.

INLAHEN 11:18

Ngaich hē cha nö hāngö u, ṙangôre cha-a nö ngö ṙô, Ngaich Ang chĕi ngam Tēv nö kē-ĕkūö vē Tahëng mihëṅṙö tö invöötö ellōm im nômö.

INLAHEN 3:19

Lökten yin havöötö ellōnre, havantöre inrē; hòṅ nup tökööl yīö nö sīchiyö, hòn ṙāngö i kūö ngam Mā Tēv nö yih öp ṙētak munfōvö.

T. YÔHAN 14:1

Uh yin röingö ellōn. Ṙātö ellōn re yin im Tēv; in chu inrē.

T. MĀKÖS 6:12

Ngaich kiröönngöre cha-a; ngaich haköptö tarik nö havöötö ellōnre.

T. MĀKÖS 1:1

Ranehnyö ngam tölöök inhangkö Yēsū Kristū, ngam Kūön ngam Tēv.

T. MËTIV 4:17

Hēten tö e, Yēsū nö rĕhtenre nö mikahaten, nö ngö ṙô, “Havöötö ellōnre yin; tön röhta an ngam pūlngö ngam halīöngö.”

1 YÔHAN 4:12

Öt hĕng tak ngaich nö hĕng heuh nömeuk ngam Tēv; yē hī ayī-ö kö hāngenlōn tö höö, i yöng in hī ngam Tēv; ngaich hateungtuṙen ngam hanāngenlōn hī tö Ò.

1 PĪTÖR 1:21

Yī-ö lamökten in Ò ṙātö ellōnre im Tēv, ngam mahachohlen Ò nö ṙā-ang i tökapah, ngaich kētö kanôlò Ò; hòṅ ngam ṙinātö ellōn yīö tö ngam mineūka inrē, nö im Ṭev.

YĀKÖP 1:4

Ngaich hökngen ngam manöiyö nö hateungngö ngam la-enre, hòṅ yīö öi teungten, öt hanātuṙen i tökeuheūttöre.

HEPRĀI 11:6

Ötkô angū-ö nö ṙanāmölōn nö in Ò, yĕn öt īnu tö ngam ṙinātö ellōn: pò ò ngòh yamihtöre nö im Tēv nö hòṅ ṙātö ellōnre tö Ò nö töngatī, tö Ò inrē nö rameushen cha yip chamöhan.

KÒLÒSĪ 4:12

Salāmö yin tö Epafaras, ngam aṅ in yīö, kūön Kristū töhakövö, örheūheu panītnyi nö im vinë-eṅkūötēv töpòkūö yīö, hòṅ yīö teungta sanöklö, ngaich keuheūttöre minkahtölōn i nuplōn ngam Tēv.

KÒLÒSĪ 1:28

Ngam ahangkö ih, fēḵlö taṙòkhöre tarik, haköptö taṙòkhöre tarik i nup mikah, hòṅ ih kētö taṙòkhöre tarik nö teung nö in Kristū;

EFISÖS 2:5

Pòrô hē hī ngaich kapah kūö tököölre, ha-aṅhaṅ hī Anga-aṅ hol Kristū lökten inlōnti yin ngaich hayöökaṙen,

1 PĪTÖR 5:10

Ngam Tēv, lökten taṙòkhöre inlōnti, ngam mahavëten yīö im tö-örheūheu kanôlò, in Kristū, Anga-aṅ min mahateungten yīö haköpö yīö, hangëken yīö inrē; unôichrit yīö rahëchtaṙen kihngen.

EFISÖS 2:1

Ngaich yī-ö ha-aṅhaṅ, hē yīö ngaich kapah, kūö tinölngenre, tökööl inrē,

1 KÒRIN 13:10

Hē yanihihh ngam töteung pöri, ngaich chuhngöre min ngam tö hĕng lā.

INLAHEN 17:30

Hökiṙen an sin ngam ṙētak ötmikah, tö ngam Tēv; ngaich pöri Anga-aṅ töngamuh nö chönguvö tö tarik nö keuheūtngöre chūök nö havöötö ellōnre.

INLAHEN 2:38

Ngaich ngö ṙô Pītör tö cha. Havöötö ellōnre yin vōkö inrē, yī-ö ṙòkhöre, i Minë-eny Yēsū Kristū, nö inṙēlö nup tökööl yīö, ngaich yī-ö min teūngen tö ngam inlōnti aṅ i ngam Töhet Fanöinylö.

T. MËTIV 7:25

Ngaich chahūköti ngam kumṙah, chalô ngam mak; kalēḵ ngam kuföt, nö fööngö ngam patī. Ngaich öt fukngö; pò e nö i kui ihong, chūök rööntö machööḵlö.

T. MËTIV 5:48

Lökten yin yēḵ, yī-ö öi öthāṅten, sā ngam Yöng yīö el halīöngönö töthāṅten.

INCHŌḴ-OṘÔ 4:18

Öp kanröönö tölöök pöri sā minlīlö peuheū, öp töyanglöre yanāngö inrē söl ip sakāmö.

1 TIMÒTĪ 6:19

Hachūökngö hanöngre nö el sök, nö tö köp nö rööntö machööḵlö, hanöng öp yamih ṙētak, hòṅ cha nö kiṙapngötīre nö im nömô, ngam nômö nö kô-en.

T. LŪKÖS 6:48

Sā öp tarik an, öp vamī-il patīre öp tö aṙū-utī nö ul: vī-iti tö rööntö machööḵlö nö i kui ihong. Ngaich yĕn ṙööingö, ngaich ngam mak nö pavkö kaha ngam patī; ngaich nö ötkô nö kiyinkö e; pò e nö kôlò inulti.

SAKARIĀ 12:10

Ngaich chū-ö min ṙöstö kui ngam patī Tāvit, ṙöstö kui yip aṅ Yērusalem inrē tö ngam ma-alaha inkôlò vine-elkui inrē; ngaich cha-a min nö hatīönkö kūö ò öp tösāpi tö cha: ngaich cha-a min nö haṙivhen ò, sā öp töhaṙivlōn töp töng hĕng maneuk kūön re kikōnyö, ngaich min inrē nö kiröngö miṙivlōn tö ò, sā kinröngö miṙivlōn tö lanòhre.

T. MËTIV 21:29

Ngaich ngö ṙô anga-aṅ, nö sapṙô ò, Sōḵ chin. Unôichngöre pöri anga-aṅ nö havöötö ellōnre; ngaich kiröönngöre.

1 KÒRIN 2:6

Ṙô tö mikah inri i yip töteungten; rö-ö pöri nö mikah aṅ ing panam, öt rēhĕn nö aṅ i yip mahayöng ngih panam, nup yamih nö im ranö-ö.

KÒLÒSĪ 3:14

Hayutlöre tö hanāngenlōn nö lātulöng tö taṙòkhöre, ngam tanaptö taneungten.