HEPRĀI 5:9 - TÖHET LĪPÖRE (Re-edited) Bible (BSI)

⁹ Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

HEPRĀI 5:9 Referans Kwoze

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

HEPRĀI 2:10

Pò e nö tölöök nö in Ò, ngam tö amīnu tö taṙòkhöre, ngam löklen në taṙòkhöre inrē, nö kētö kūön nö maṙôngö nö im kanôlò, nö vītö ngam mahachöngten inyööken cha nö teungten nö lökten i kanihngen.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

HEPRĀI 9:12

Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

INLAHEN 5:32

Ihö in ameūkö u; ngatī inrē ngam Töhet Fanöinylö, ngam kahëtö ngam Tēv nö i yip hamang chöngö Ò.

1 PĪTÖR 1:22

Yĕh meuk tö yīö ngaich ahetlö yip ma-alahare im öt inhôngen ngam kanô-en i ngam töt höng tötöl hanāngen yīö tö holre, hāngenlōn tö höö löklö ellōnre nö kalēḵ:

TANĪ-ĔL 9:24

Sat afta i nup samyeūheu nö chöngö i inlahen yip tarik meh töngam töhet elpanam meh inrē nö kinhēutngen ngam fālen, tinahngö tökööl, inlām tö ötlanöökö inrē, kinëtö lanöökö inrē töt chanūhuvṙen inköpngö kūö ngam tömeūkö tö ngam pròfĕt inrē, inchāmö kui ngam tölngö töhet chūökö inrē.

HEPRĀI 11:8

Lökten i ṙinātö ellōn ang Aprahām nö hang, hē ò nö havëtu, nö chuh ik töhĕng chūökö, ök kahëḵ ò nö amin ò; kiröönngöre anga-aṅ ngaich, nöng öt akahakūö tö kū-öre.

2 TÖSALÒNIKĒ 1:8

Im töhūkūö tameūyö, kētö invahal nö in cha, yip töt akahakūö tö ngam Tēv, in cha inrē yip ma-ahôngen ngam tölöök inhangkö ngam Mā hī Yēsū:

RŌMA 2:8

In cha pöri yip töminôṙô, maha-ôngen ngam kanô-en, hamangṙô michūṙen; ngam lanīnö.

RŌMA 1:5

Ngam lökten hī teūngen ngaich tö inlōnti, töre inrē tanīnöṙô, im hināngö ngam mikah tö vē taṙòkhöre tarik, tö kūö ngam minënyö Ò:

2 KÒRIN 10:5

Tiṙōlngö nup chanöhlōn, nup tö hapōilöngö inrē nö lā-al ngam inkaha ngam Tēv, kēḵhöt nup lōn inrē nö inkövö im öt inhôngen Kristū;

RŌMA 15:18

Öt hòṅ ṙô-òv chin tö yô-òv, höng nup la-en Yēsū nö lökten in chu, kūö hanô-òṅ yip Tahëng mihëṅṙö, i ṙô, la-en inrē,

Isayā 50:10

Achīö ap in yīö töpa-ekūö tö ngam Mā Tēv, hamang ṙô ò inrē in yīö öi tarik ò, öi lamök el sinngūlö öi öt ëāṅvu, ngaich öi hayönglenre i minë-eny ngam Mā Tēv hayönglenre inrē im tēv re?

2 TIMÒTĪ 2:10

Lökten chin keūnö u nö kanihngen kūö yip tökatöllöngö, hòṅ cha nö teūngen tö ngam in yööken aṅ in Kristū Yēsūs nö hol tö ngam töt chanūhuv kanôlò.

RŌMA 10:16

Ngaich pöri cha-a nö öt ṙòkhöre nö hangihtöre tö ngam tölöök inhānga. Pò Isayā nö ngö ṙô, Mā: achīö öp ṙamātö ellōnre nö i ṙô ih?

RŌMA 6:17

Ha-öinyö pöri yēḵ ngam Tēv; pò yīö sin misī kūön ngam tökööl, vītu yī-ö ngaich töt maha-ôngen im ellōn, öi im insā ngam inköphöti, ngam ṙeūngö yīö ngaich ṙānyuvö;

HEPRĀI 2:3

Sitih öt kanô-òngvah öi min ayī-ö, yē hī öt kūöngenre tö töngatī ṙôken inyööken? Nuk tö ngaich nö urĕh sin misī nö lökten im Mā, nö ṙônyu ngaich hameuktu nö kô-en nö in hī tö cha yip hamang.

T. YÔHAN 19:30

Keuheūthëkūö Ang Yēsū tö ngam töhikīölhu vāin ngaich ngö ṙô Anga-aṅ, Keuheūten an nö ngaich. Sōntökūöre Anga-aṅ; ngaich kēḵngö ök ma-alahare.

T. MËTIV 17:5

Ṙònghöichṙô Anga-aṅ, ngaich kahultukui cha-a tök töyang taṙul; ngaich ngö ök ṙô, lamöktö el ök taṙul, Hanāngenlōn Chu Ön ngòh; nö Kūön Chu; in Ò Chin ṙāmölōn takô. Hang ṙô Ò yin.

SAKARIĀ 6:15

Ngaich cha-a min yip tömarôvat nö yih ngaich mānlö ngam töhet chūök ngam Mā Tēv, ngaich akahalōn yī-ö min tö ngam Mā Tēv yip tömaṙôngö nö tīnten chu nö in yīö. Ngaich teungtökūö angū-ö min, yē yīö min haṙēmngenre hangṙô ngam Mā Tēv ngam Tēv yīö.

Isayā 45:22

Havantöre in chu, hòṅre hayöökaṙen, ṙòkhöre aṅ manā-angkūö ngih tumlat: tön chū-ö chin Tēv, öt tahënguvö.

Salmai 51:6

Yĕh meuk, hōtö tökô-en man lātuhēt: ngaich vīten chu min më-eṅ akahakūö tö mikah lā im tönyatngö.

NGAM LĪPÖRE KAHŪICH YŪT 1:21

Haköpöre yin im hanāngenlōn ngam Tēv, meūkkö ngam neūkölōn aṅ Mā hī Yēsū Kristū im nômö tö örheūheu-aṅ.

1 YÔHAN 5:20

Akahalōn ayī-ö inrē, tö ngam Kūön ngam Tēv nö yih, ngaich nö kētö mikahlōn hī inrē, öi akahakūö töm kanô-en, im Kūön Ò Yēsū Kristū. Anga-aṅ ön ngòh tökô-en Tēv, Nômö inrē tö-örheūheu-aṅ.

HEPRĀI 11:40

Meukṙen hī an ngam Tēv tö tölöök tīre nö in hī, öl yip cha-a nö teungten, pò hī ayī-ö ṙòngmö köhngen.

2 TÖSALÒNIKĒ 2:16

Ngaich an nö hakôtenre ngam Mā Yēsū Kristū, ngam Tēv Yöng hī inrē, ngam töhāngenlōn tö hī, nö kē-ĕkūö hī tö ngam tötchanūhuvṙen inṙamlōn, ngam tölöök mineūka inrē nö lökten im inlōnti,

INLAHEN 3:15

Ngaich fëlngö ngam löknnyö nômö, ngam tö hachohlöng nö ngaich tö ngam Tēv; ihö in ṙòkhöre mameūkö e.

T. LŪKÖS 13:32

Ngaich ngö ṙô Ang-aṅ tö cha; Kuṙòh; ngö ṙô yin tö ngam am aṅ el-inchōn. Yĕh meuk, ahōng sī-ö Chin, ane inrē halanken invah tötaheui, huṙöich inrē im linūöi sumkam Chu-ö min teungten.

Isayā 49:6

Ngö ṙô anga-aṅ, töhöhövṙen an angū-ö tö meh öm tarik chu mahachohlö miyöngö Yāköp, mahavantö ngam töma-īṅlöng ang Israĕl; kēten meh chin min öm ëāṅvö i yip pumnāmö tarik, hòṅ ngam inyööken aṅ in chu nö sölngö i manā-angkūö ngih tumlat.

Salmai 51:8

Vīten chu hang ṙanāmölōn: hòṅ në tangëḵ, në likölngö meh nö ṙāmölōn.

Salmai 45:17

Vīten ngam minë-eny meh chin min nö inköpkölōn i tumkölchap tarik: lökten min yip tarik nö örheūheu nö ha-öinyö meh.

INLAHEN 4:12

Öt tahëngu chūök inyööken; pòn öt rēhĕn nö tahëng Mine-eny, elkatòh ngam halīöngö, tö kētu nö i tarik öp löklen hī hayöökaṙen.

Isayā 55:3

Asītö elnang re yin, yihtöre inrē in chu; hangihtöre hòṅ ngam nômö yīö nö aṅ; hòṅ vīten ngam töt chanuhuvṙen kinlēḵngô chin in yīö, ngam kanöpö chu, ngam tökô-en hanāngenlōn chu inrē tö Tāvit.

FILIPĪ 2:12

Lökten, kahōlö, sā yīö ngaich öt ahôngen, öt höng yē chu in, tön möthë yē chu rö-ö, vīlö inyöökenre yin, holtö pinhe-eṅkūö, kinchëyöre inrē;

HEPRĀI 1:14

Röh yip cha-a nö ṙòkhöre nö mameukṙen ngam Tēv, tīntu nö tö la-evṙen tö pòkūö cha yip tö amīnu min tö inyööken?

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.