HEPRĀI 5:7 - TÖHET LĪPÖRE (Re-edited) Bible (BSI)

⁷ Ök tö keuheūthëṙen nö kēḵlö nuk ṙôre vine-eṅlkui, hē ò nö tarik, nö kalēḵĕṙô nö peuiny, holtö makmat inrē, nö in Ò ngam tökô nö hayööken ò nö ṙā-ang im kinpaha, ngaich hāngö ṙô, chööḵnyö tö ök tölöök pinhe-eṅkūö,

HEPRĀI 5:7 Referans Kwoze

T. YÔHAN 17:1

Anū-ö në ṙô Yēsū; ngaich môklökūöre nö el halīöngö nö ngö ṙô, Kayöngö yih an ngam ṙētak. Hapōilö ngam Kūönre Man; hòṅ ngam Kūön nö hapōilen Meh.

T. MËTIV 27:46

Ngaich im tö lūöi köṅny ṙô, Yēsū nö pōitô nö hūḵa nö ngö ṙô Ēli; Ēli lama sapaktani, ngam tö ngö, Tēv Chu, Tēv Chu, Kūön yòh Öm ṙāngen Chu?

T. MĀKÖS 15:34

Ngaich im tö lūöi köṅny ṙô Yēsū nö pōitô, nö ngö ṙô, Ēli, Ēli, lāma sapaktānī; ngam tö ngö manah, Tēv Chu, Tēv Chu, kūöyòh Öm ṙāngen Chu?

HEPRĀI 12:28

Lökten, sā hī ngaich teūngen tö ngam pūlngö töt kanyinken, ta-a töi ha-öiny, hòṅ hī kētö ngam la-en ṙanāmölōn ngam Tēv holtö ṙanāmölōn, pinhe-eṅkūö inrē;

T. YÔHAN 11:35

Taṙēchköṅny mak mat ngaich Yēsū.

T. MËTIV 27:50

Ngaich pōitô Yēsū nö hūḵa, ngaich kēḵngö nômöre.

T. MĀKÖS 15:37

Ngaich Yēsū nö pōitô, ngaich kēngö nômöre.

Salmai 22:24

Pò ò nö öt höhölōn, ane inrē öt pa-ekūö tö kanihngen töhakihtuṙen: öt rēhĕn anga-aṅ nö hanyatngö kūöre tö ò; yē ò pöri nö havëken ò, hang anga-aṅ.

HEPRĀI 2:14

Pòn ngaich më nyīö nö nôlta nö im alaha, mahām inrē, ngaich ngatī Anga-aṅ inrē nö nôlta nö in e; pòn hòṅ lökten im kinpaha, nö harāinyngen ò ngam tö minhôiṅyuvö tö kinpaha, anga-aṅ ngam sī-ö;

T. LŪKÖS 23:46

Ngaich hē Yēsū nö pōitô nö ngö ṙô, Kayöngö eltī Meh tī Chin kētö ngòh ma-alahare. Keuheūthëṙô Anga-aṅ tö e, ngaich kapah.

Salmai 69:1

Ō Tēv, hayööken chu: tön meuthöt nup mak nö el nômö chu.

Isayā 53:11

Meuk ṙòng kanihngen an min nö ellōnre ngaich tööḵönglōn; lökten ngam in ò inkaha ngam tölöök min, ngam tarik chu, nö pōyen vahīten tö tölöök; ngaich anga-aṅ inrē min nö keun nup tökööl cha.

HEPRĀI 13:20

Ngam Tēv lanāmö an töngamuh, ngam mahavanlö ngam yöng tökiröng Yōm pököre nö ṙā-ang i yip tökapah, nö holtö mahām ngam tö-örheūheu kinlēḵngô, ngam Mā hī Yēsū.

1 TIMÒTĪ 3:16

Kiröng an ngam öt mikahkūö aṅ im lanöökö, öt kilka nö ṙô; Anga-aṅ ngam tö hameuktu nö im alaha, hameuktu nö ma-alaha nö tölöök, meūkö tö ma-ahānga, ahangka i vē tarik, in Ò nö ṙātö ellōnre vē aṅ ngih panam, kēḵlöngö im kanôlò.

Isayā 49:8

Ngö ṙô An ngam Mā Tēv, Sapṙô meh chin ik töhō-ov ṙētak, holṙen meh chin ik sakāmö inyööken: haköpken meh chin ngaich kēten meh öm kinlēḵngô in vē tarik, öm mahaköpngö ngam panam ngaich michööḵ ngam töngasngö panam nö amin;

LA-EN LĒVĪ 2:2

Ngaich kētö e anga-aṅ nö in yip Kūönṙô yip kikōnyö kūön Āròn: ngaich anga-aṅ min nö kēḵ nö in e hĕng mi-eltī-i töfaṙëcha atra, töp tavī-i inrē nö holtö nup lōpān; ngaich föngö angū-ö min töp Kūönṙô nö ël ngam tahāklö nö inköpkölōn, tökētu i kūö tameūyö, nö löö im Mā Tēv nö tötahūsa:

2 YÔHAN 1:7

Pòn maṙôngö nö ngaich yik mahachīl, nö chuh ing panam, cha-a yik töt mahalööknyôre tö Yēsū Kristū nö yih nö tarik. Anga-aṅ ön ngòh mahachīl, töminyôiny Kristū inrē.

1 YÔHAN 4:3

Ṙòkhöre vē mamahngen Kristū, nö öt aṅ im Tēv: acha-a yin vē ma-alaha ngam töminyôiny Kristū. Öp tö hāngö tö yīö nö yih, ngaich öp nö ha-eheten nö ing panam.

KALATĪ 4:4

Hē sanölta ngam ṙētak pöri, tīntö ngam Kūönre ngam Tēv, kayôḵnyu tö kikānö, kayôknyu nö elkatòh ngam chöngö;

T. YÔHAN 11:42

Akahalōn Chin tö Meh tö-örheūheu hang ṙô Chu; kūö vē tömaṙôngö pöri samökhaka, nö havīlen Chu, Öich ngatī ṙô; hòṅ cha nö ṙātö ellōnre tö Chu öich tīntu tö Meh.

RŌMA 8:3

Pò ngam öt kanô-òṅ nö la-en ngam chöngö, nö kūö e nö öt kalēḵen lökngen ngam alaha, tīnhöti ngam Tēv tö ngam Kūönre nö sā inlahen tarik tö īnu tö tökööl ngaich öthakôlò ngam tökööl nö im alaha:

Isayā 53:3

Töt hakūökaṙen an tösō-ovö inrē tö tarik; tarik miṙivlōn an, tö-īnu inrē tö miṙivlōn; sā öp töhĕng tak an inrē chūök tarik nö hanyatngö kūö re öt hakūökaṙen anga-aṅ rö-ö ayīö inrē hāngen tö ò.

Salmai 88:1

Ō Mā Tēv, ngam Tēv, inyööken chu: peuheū, harap ṙô chin peuinyhökūö Meh.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

HEPRĀI 10:5

Lökten hē Ò nö yih nö ing panam, ngö ṙô Anga-aṅ, Ötlōnu Man tö tökētu: alaha pöri öp tö halēnö tö Meh nö pòkūö Chu.

HEPRĀI 10:10

Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

HEPRĀI 11:7

Lökten i ṙinātö ellōn ang Nō-a, nö hatūinyu elnang töm Tēv tö nuk tö-öl nö meūkö, lökten im tölöök pinhe-eṅkūö nö akahaiṙen, halēn ök chōng nö inyöölen yik aṅ patī ò; lökten in e anga-aṅ nö ve-eny ngih panam nö ötkôlò, ngaich vītu nö tö-amīnu tö ngam lanöökö ngam tö sā ngam ṙinātö ellōn.