HEPRĀI 5:5 - TÖHET LĪPÖRE (Re-edited) Bible (BSI)

⁵ Ngatī Kristū nö öt hapōilöre im ineū-euṅ nö vīlöngö nö mākūö kūönṙô, tön Anga-aṅ ngam vamë-eṅ kūö Ò: Me-eṅ man Kūön chu, I ngih sakāmö öm lökngörit chu:

HEPRĀI 5:5 Referans Kwoze

Salmai 2:7

Hòṅ vë-eny ngam chöngö chin: Ngö ṙô an ngam Mā Tēv tö chu, Kūön chu Man më-eṅ: löknyö in chu man i ngih sakāmö.

T. YÔHAN 8:54

Ngaich sapṙô cha Yēsū, nö ngö ṙô, Yē Chu eū-eure, höng tö rö-ö ngam ineū-euṅ Chu. Ngam Yöng Chu An ameū-euṅ Chu, ngam Tēv yīö, tö ṙô yīö.

HEPRĀI 1:5

Öpyòh ṙöng öp ṙung ma-ahānga, ṙô Ò nö ngö ṙô, Me-eṅ man Kūön Chu: i ngih sakāmö man Öm lökngörit Chu, ngaich hēk, Yöng Ò Chin min; kūön Chu min anga-aṅ inrē.

T. YÔHAN 7:18

Ngòh töng ṙô töre, lamukkenre nö hòṅ eū-eu. Ngòh lamukkö ineū-euṅ ngam tamīntöre, anga-aṅ tökô-en; öt īnu anga-aṅ tö michūṙen.

INLAHEN 13:33

Tö tī ngam Tēv nö hateungngö e, in hī ayī-ö kūön cha, i tī Ò nö hachohlen Yēsū; sā kinūichngö e inrē nö im innëtö Salmai, nö ngö Me-eṅ Man Kūön Chu; i ngih sakāmö Man Öm lökngörit Chu.

RŌMA 8:3

Pò ngam öt kanô-òṅ nö la-en ngam chöngö, nö kūö e nö öt kalēḵen lökngen ngam alaha, tīnhöti ngam Tēv tö ngam Kūönre nö sā inlahen tarik tö īnu tö tökööl ngaich öthakôlò ngam tökööl nö im alaha:

HEPRĀI 1:1

Ṙōlkangen inlaha, ṙōlheuh inrē, ngam Tēv misī nö ve-ekūö yik muvöhngö hī, lökten i yik pròfĕt;

MAIKA 5:2

Me-eṅ pöri, Petlihem Efrata, öm tökūöṅnö in yip tököṅnyu i Yūtā, hĕng tak ap min lamöknyö in meh nö yih nö in chu nö mahayöngö Israel; ṙameū-eung i tö misī ap kinröngö ò, nö ṙameū-eung im töt chanūhuvṙen.

T. YÔHAN 3:16

Tölngö hanāngenlōn An ngam Tēv töng panam, tön uroh nö kēngö ngam töng hĕng maneuk Kūönre; pòn sōtu vē ṙamātö ellōnre nö in Ò, nö ötkôlò; hōtu pöri ngam nômö tö-örheūheu-aṅ nö in cha.

HEPRĀI 2:17

Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

HEPRĀI 5:10

Kaheūkö tö ngam Tēv nö mākūö kūönṙô sā chöngö Melkisētĕk.