HEPRĀI 5:4 - TÖHET LĪPÖRE (Re-edited) Bible (BSI)

⁴ Öt hĕng tak tarik kamë ineū-euṅre nöng kahangenre, höng yĕn havëtu anga-aṅ tö ngam Tēv, sā Āròn misī.

HEPRĀI 5:4 Referans Kwoze

MANEUTNYI 28:1

Kēten Āròn me-eṅ öp kahëm meh, tö yip kūön kikōnyö in ò, nö röhta nö in meh nö ṙā-ang in yip kūön Israĕl, hòṅ ò nö meukṙen Chu nö el chūök Kūönṙô, ang Āròn Nātap, Apihū inrē, Elīēsör, Itamār inrē, yip kūön Āròn.

KINṘEŪKÖ 16:40

Nö inköpkölōn yik kūön Israĕl, hòṅ yip aṅ tahëng, yip töt lamökngörit Āròn, nö öt haröhtöre nö föng lōpān nö i kūö ngam Mā Tēv; hòṅ ò nö öt sā Kōrah, tö yik hol inrē: sā ṙô ngam Mā Tēv nö vë-ekūö ò nö lökten in Môsös.

KINṘEŪKÖ 16:5

Ngaich vë-ekūö Kōrah anga-aṅ yik ṙôngö yik hol ò inrē, nö ngö ṙô, Ip peuheū an min ngam Mā Tēv nö hameuktö yip tarik re, ane inrē hameuktö yip töhet, ngaich hōten cha min Anga-aṅ nö yihtöre nö haröhtöre nö in Ò: anga-aṅ min öp katöllö Ò nö hōtu min tö Ò nö yihtöre nö haröhtöre nö in Ò.

2 KINṘÖTNGÖ 26:18

Ngaich cha-a nö sōten ök rācha Usiyā nö ngö ṙô tö ò, Öt la-en meh an Usiyā öm föng tötahūsa im Mā Tēv, tön la-en yip kūönṙô pöri kikōnyö kūön Āròn, yip tö ahetlöngö nö föng tötahūsa. Kunyī-inyre man ṙā-ang im töhet chūök; tön vaich mana, hö-ö an min inrē nö kumtö ineū-eu meh nö ṙā-ang im Mā Tēv.

1 KINṘÖTNGÖ 23:13

Kikōnyö kūön Amram: Āròn, Môsös inrē. Hakösīṙen ang Āròn nö ma-ahetlö nup tölngö töhet, hòṅ ò tö yip kikōnyö kūön ò inrē nö örheūheu nö föng tötahūsa i kūö ngam Mā Tēv, meukṙen ò inrē ṙônyö inkôlò inrē i minë-eny ò nö örheūheu.

T. YÔHAN 3:27

Ngaich sapṙô cha Yôhan nö ngö ṙô, Öt tarīkuvö tökô nö kahe-evö, yē e nö öt ṙamā-ang el halīöngö nö kine-eṅkūö ò.

KINṘEŪKÖ 16:35

Ngaich ök tameūyö nö teung ṙamā-ang im Mā Tēv, ngaich haṙāpngö yik tö nëtòng taneui anāi tarik kamëtö lôpān.

KINṘEŪKÖ 18:7

Ngaich më-eṅ tö yip kūön meh kikōnyö inrē nö hol meh öi haköp ngam chūök kūönṙô min i nup tökeuheūttöre im tahāklö, in u inrē nup lā ël ngam ranangkūö; meukṙen yī-ö min inrē: kē-ĕkūö yīö chin tö ngam chūök kūönṙô nö sā inlōnti mineukṙen: öp aṅ tahëng yamihtöre nö röhta kumpahaivah mīnö.

KINṘEŪKÖ 16:10

Ngaich anga-aṅ nö kēten meh öm röhta, ṙòkhöre inrē yip makalaha meh kikōnyö kūön Lēvī hol meh, ngaich hòng yī-ö inrē lukkenre öi hòṅ kūönṙô?

KINṘEŪKÖ 16:7

Chaplö aṅ u tö lōpān huṙöich i kūö ngam Mā Tēv: ngaich anga-aṅ min tarik öp katöllö ngam Mā Tēv, anga-aṅ min töhet: yahhen yin yī-ö hakôngenre kikōnyö kūön Lēvī:

LA-EN LĒVĪ 8:2

Kē-ĕ Āròn tö yip kikōnyö kūön ò inrē nö hol ò, tö nup inyut, töp tavī-i incham inrē, töp kōiny nuā inrē tökētu kūö tökööl, tö nup tönët nòng kōiny kūön sīṅp, töp kuvôkö tötaföhlöng rôtī;

KINṘEŪKÖ 3:3

Në nun minë-eny yik kikōnyö kūön Āròn, yik kūönṙô töhachāmö kui, yik töha-etlöng tö ò nö meukṙen i chūök Kūönṙô.

ESRĀ 7:5

Kikōnyö kūön Apīsuā, kikōnyö kūön Finehas, kikōnyö kūön Ēliasör kikōnyö kūön Āròn ök mākūö kūönṙô