HEPRĀI 4:6 - TÖHET LĪPÖRE (Re-edited) Bible (BSI)

⁶ Lökten meuk yēḵ tö e nö ōtngöre tö yip yô-òv min nö kuhēthötre nö umuh, ngaich cha-a yip tö ahangka tö ngam tölöök inhānga misī öt kôhöt nö kuhēthötre, kūö minôṙô.

HEPRĀI 4:6 Referans Kwoze

T. MËTIV 21:43

Lökten Chin ngö ṙô tö yīö. Kē-ĕyö an min ngam pūlngö ngam Tēv, nö ṙā-ang in yīö; ngaich kētu min nö i yip tahëng tarik, yip kamëtö ṙòng.

HEPRĀI 4:2

Pò hī ngaich kô ahanga misī tö tölöök inhānga, sā cha cha-a inrē: ngaich pöri ngam ṙô töhānga, nö öt kanôlòvö tī tö cha, pò u nö öt mūlta nö lökten im mikah nö in yip hamang.

INLAHEN 28:28

Akahalōn yin yēḵ, lökten tö e, ngih inyööken aṅ im Tēv, nö söömi nö i Tahëng Mihëṅṙö tarik; ngaich cha-a min nö hang.

HEPRĀI 4:9

Lökten nö ōtre haneūheuṅ yip tarik ngam Tēv.

KALATĪ 3:8

Ngaich ngam töhet līpöre nö urĕh tö mat, tö ngam Tēv nö halööklö vē Tahëng mihëṅṙö tarik nö lökten im mikah, urĕh nö ahangkö ngam tölöök inhānga nö in Aprahām, nö ngö ṙô, In meh yin min vē taṙòkhöre tarik nö tökôlò.

Isayā 65:15

Ṙāngö ngam minë-eny re man min in yip katöllö chu nö ranôichngen, ngaich fëli min me-eṅ tö ngam Mā Tēv; ngaich pöri min yip tarik ò nö kaheūkö minë-eny tö ò tö tahëng.

KINṘEŪKÖ 14:31

Vē kun kūöṅnö pöri kūön yīö, vē pôḵ fanël tö ṙô yīö, haruklöng yin min tö Chu, ngaich cha-a min nö akahakūö töm panam ngam sahōḵo yīö.

KINṘEŪKÖ 14:12

Aṅtī tö invah Chin min tölëlngökūö chökṙen cha, ṙā-aiṙen inrē cha-a nö amīnu, vīlen meh Chin ane inrē tömötlö kulēḵ tö cha.

1 KÒRIN 7:29

Kahōlö, ngih pöri ṙô chu, cheūta ön ngih ṙētak, töngamuhöten, yip tö pihövö, nöng sā töt pihövö.

HEPRĀI 4:11

Lökten ta-a töi hakūötenre kuhēthötre, hòn öt tarīku tö fukta nö sā yip aṅ minôṙô.