HEPRĀI 4:2 - TÖHET LĪPÖRE (Re-edited) Bible (BSI)

² Pò hī ngaich kô ahanga misī tö tölöök inhānga, sā cha cha-a inrē: ngaich pöri ngam ṙô töhānga, nö öt kanôlòvö tī tö cha, pò u nö öt mūlta nö lökten im mikah nö in yip hamang.

HEPRĀI 4:2 Referans Kwoze

1 TÖSALÒNIKĒ 2:13

Angū-ö an chööḵnyö ih öt ṙākôre ha-öiny ngam Tēv, pò yīö hē yīö kēḵ ngam ṙô inhānga in ih, ngam ṙô ngam Tēv, ngaich hōḵo e yī-ö, nö öt ṙô tarik, sā ṙô ngam Tēv pöri, nö im kanô-en, ngam mahalöinyköre nö in yīö öi ṙamātö ellōnre.

HEPRĀI 11:6

Ötkô angū-ö nö ṙanāmölōn nö in Ò, yĕn öt īnu tö ngam ṙinātö ellōn: pò ò ngòh yamihtöre nö im Tēv nö hòṅ ṙātö ellōnre tö Ò nö töngatī, tö Ò inrē nö rameushen cha yip chamöhan.

HEPRĀI 3:12

Kahōlö, haṙēmngenre yin, hòṅ e nö öt chūöku nö ellōn yīö ngam tötlöök ellōn, öt ṙinātö ellōnre, i pintūḵngöre ṙā-ang im Tö-aṅ Tēv:

1 TIMÒTĪ 4:8

Pò ngam inrūnö ngam alaha nö öt pōyen kanôlòkūö, kôlòkūö pöri ngam lanöökö tö tökeuheūttöre, īnu tö ngam kinlēḵngô nômö ing töngamuh, ngam yamih min inrē.

RŌMA 2:25

Pòn kô nö kôlò tī ngam tunnyinyngö yē meh öm tö la-evṙen tö aṅ im chöngö; yē meh pöri pumyāingö ngam chöngö; ngaich ngam tunnyinyngö meh nö vīngöre nö öt tunyinyngö.

INLAHEN 13:46

Ngaich hēk nā Pôl, nāṅ Parnöpas, nö hakôḵnyôre, nö ngö ṙô, Tö hòṅ urĕh an ngam ṙô ngam Tēv nö vënyu nö in yīö. Ngaich pöri yī-ö sōḵo e, ngaich an havöötökūöre i vē tahëng mihëṅṙö tarik.

YĀKÖP 1:21

Lökten ṙāngö nup taṙòkhöre töchōich, ane inrē nup chööḵṙen ötlanöökö, hayāichngöre kēḵ ngam ṙô ngam töteūichtu nö ellōn yīö, ngam tökò nö hayööken nômö yīö.

HEPRĀI 4:6

Lökten meuk yēḵ tö e nö ōtngöre tö yip yô-òv min nö kuhēthötre nö umuh, ngaich cha-a yip tö ahangka tö ngam tölöök inhānga misī öt kôhöt nö kuhēthötre, kūö minôṙô.

1 KÒRIN 13:3

Yē chu öre keuheūttö inlānenre öich ha-aṅhaṅl yāich. Yē chu öre hökngen ngih alahare nö föngi; öt īnuvö pöri tö hanāngenlōn, öt kôlò chū-ö tö kūö e.

1 PĪTÖR 1:12

In cha nö hameuktu angū-ö, öt höng meukṙen cha-a tö u, tön meukṙen yīö, tö u nup tövënyu töngamuh nö in yīö, nö löktö i ṙô yip ma-ahangkö ngam tölöök inhānga nö in yīö, lökten im Töhet Fanöinylö tö tīntu nö ṙā-ang el halīöngö: nup lōn yip ma-ahānga nö hòṅ meuk.

1 TÖSALÒNIKĒ 1:5

Pò ngam tölöök inhānga kum ih nö öt yih nö in yīö im ṙô, tön im minhôiṅyö inrē im Töhet Fanöinylö, im töpōyen nyanatlö inrē; sā mikahlōn yīö ngaich, tö inlahen ih öi tarik, öi hameuktöre in yīö tö pòkūö yīö.

KALATĪ 3:8

Ngaich ngam töhet līpöre nö urĕh tö mat, tö ngam Tēv nö halööklö vē Tahëng mihëṅṙö tarik nö lökten im mikah, urĕh nö ahangkö ngam tölöök inhānga nö in Aprahām, nö ngö ṙô, In meh yin min vē taṙòkhöre tarik nö tökôlò.

KALATĪ 4:13

Akahalōn yin, tön kūö öt kumlēḵen ngam alaha, öich ahangkö ngam tölöök inhānga in yīö la-eurĕh:

INLAHEN 3:26

Pò ngam Tēv nö vīlö ngam Kūönre, ngaich tīnten Ò nö urĕh nö in yīö, nö hakôlò yīö nö havööngökūö yīö, ṙā-ang i nup tökööl yīö.

I. CHÖNGÖ 1:32

Sönngenre yī-ö i ngih öt ṙātö ellōnre i ngam Mā Tēv ngam Tēv yīö,

RŌMA 3:3

Pòyòh yĕn rēvre töt mikahavö? Ngaich ngam hanāten cha hòng nö im mikah, nö öt kanôlòvö tī tö ngam kanô-en ngam Tēv?

KALATĪ 3:2

Hòṅ akahalōn chin tö ngih in yīö. Teūngen öi tö ngam Töhet Fanöinylö lökten i tī ngam chöngö, hēk lökten i hināngö ngam mikah?