HEPRĀI 4:16 - TÖHET LĪPÖRE (Re-edited) Bible (BSI)

¹⁶ Ta-a lökten töi ṙūöhtöre holtö öt pinhë-eṅkūö im kantēra inkôlò, hòṅ hī teūngen tö neūkölōn, ngaich kôtökūö tö inkôlò nö holṙen hē el hanāṅten.

HEPRĀI 4:16 Referans Kwoze

EFISÖS 3:12

Ngam chūök hī ötpinhe-eṅvkūö, ane inrē yih im inyönglen, lökten ngam mikah hī in Ò.

HEPRĀI 7:25

Lökten inrē Anga-aṅ nö kô nö öt chöḵöv tī nö hayööken cha yip ṙamūötöre nö im Tēv nö lökten in Ò, pòn örheūheu Anga-aṅ nö aṅ, nö vë-elkui cha.

HEPRĀI 13:6

Lökten hī holtö nyanatlö öi ngö ṙô, Ngam Mā Tēv an hamòlṙen chu; öt pa-ekūö chin min, töp tī öp tarik min tö chu.

1 PĪTÖR 2:10

Yī-ö tö rö-ö sin misī tarik, ngaich pöri öi tarik ngam Tēv töngamuh: töt teūngen sin tö inṙē-ĕl, ngaich pöri teūngen töngamuh tö inṙē-ĕl.

EFISÖS 2:18

Pò hī lökten in Ò, lökhötvö, im Yöng, im Töhet Fanöinylö.

HEPRĀI 7:19

(Pò ngam chöngö nö öt vahītuṙen tö töteungten) ane inrē kumtö öp tö ēhten mineūka nö in e, ngam löktö hī ṙūöhtöre im Tēv.

LA-EN LĒVĪ 16:2

Ngaich ngö ṙô ngam Mā Tēv tö Môsös, Vë-ekūö öp kahëm re man Āròn, hòṅ ò nö öt yih nöng örheūheu nö el ngam töhet chūök nö lā ël ngam ranangkūö i kūö ngam anūichö miṙēlōn, ngam i kūö ngam kasòng chöngö; hòṅ ò nö öt kapah: tön meūkö chin min el taṙul i kui ngam anūichö miṙēlōn.

HEPRĀI 9:5

I kui e nak kërupim nö yanöṅtö, hanyattö kui ök anūichö neūkölōn; ötkô in töngamuh milētṙô eūken u.

Isayā 27:11

Ngaich yē nup pak umuh nö nyangngö, ngaich cha-a min nö likölngö u; yih min yip kikānö, ngaich föngtökūö u; pò cha nö tarik töt akahaṙa; lökten anga-aṅ öp vamī-i cha nö öt aheūkölōn min tö cha, anga-aṅ inrē öp vamī-i cha min nö öt hameuktö miṙēlōn nö in cha.

1 KINṘÖTNGÖ 28:11

Ngaich ang Tāvit nö kē-ĕkūö ök kūönre Sòlòmön tö insā vinī-i ök rittūi ök tempöl, tö nuk patī e chūök rupīö e, lātulöng urôhò e, la-ël inrē tökiröng urôhö, urôhò ap anūchö miṙēlōn inrē;

HEPRĀI 3:6

Sā kūön pöri Kristū nö im patī ngam Tēv, ngam tö patī-ivö tö hī, yē hī haköptīre tö öt pinyū-uṙô im ineū-euṅ, ngam maheūṅkkö hī inrē, nö köp söl ip manā-aṅ.