HEPRĀI 4:15 - TÖHET LĪPÖRE (Re-edited) Bible (BSI)

¹⁵ Pò hī öt īnu tö mākūö kūönṙô, tö ngam töt hōḵ nö öt akahaiṙen nö lūölka tö öt kumlēḵen hī: tö ngaich pöri Anga-aṅ nö kalaha nö keuheūttöre lā-a löktö, nö sā hī, öt īnu pöri tö tökööl.

HEPRĀI 4:15 Referans Kwoze

2 KÒRIN 5:21

Ngam töt akahakūö tö tökööl, ngaich pòkūö hī Anga-aṅ nö vītu nö kööl; hòṅ hī vītu lanöökö ngam Tēv in Ò.

1 YÔHAN 3:5

Ngaich akahalōn yī-ö tö Kristū nö hameuktu nö kamëngö tökööl; öt īnu An Anga-aṅ tö tökööl.

1 PĪTÖR 2:22

Ngam tötköölö fālen: öt rēhĕn nö löknyuvö elvāng tö minyôinyaṅ.

HEPRĀI 7:26

Ngam töngati mākūö kūön ṙô tö löngta nö in hī, töhet, öt tököölu, öt töchōchu, hakösiṙen tö tököölö fālen, tumlönglöngö tö minë halīöngö;

HEPRĀI 4:14

Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.

HEPRĀI 5:2

Ap tökô nö ṙēmen nö keun öt mikah, lanô-òngkūö inrē, pò ò anga-aṅ inrē nö havīlöng tö öt kumlēḵen;

T. YÔHAN 8:46

Achīö öp tö yīö, vamënyö tökööl in Chu? Yē Chu Öich kô-ò ṙô, kūöyòh öi öt ṙātö ellōnre in Chu?

Isayā 53:9

Holtöṙah tötlöök anga-aṅ tö tī cha nö el anūlö holtö tarik pöri tökôlò im kinpaha ò, pòrô anga-aṅ nö öt chökhuṙen öt rēhĕn nö aṅhav elvāng tö inchīlö.

T. LŪKÖS 22:28

Yī-ö yin töng ngöhöre hol Chu, i nup kanihngen Chu.

T. LŪKÖS 4:2

Kalaha Anga-aṅ nö fën anāi tum sumkam tö ngam sī-ö; höng öt nya-aṅvkūö Anga-aṅ hē e. Keuheūthëṙen angū-ö, ngaich kapahare Anga-aṅ.

HŌSĪ 11:8

Sitih tī öich min ṙā-ang tīre tö meh, Ifrēm! Sitih tī öich min ṙānyen meh, Israel! Sitih tī öich min vīten meh, sā Atmah! Sitih tī öich min ha-ūichlen meh, sā Sepōim! Havāng Hötre ap ellōn chu nö in chu, holre nup miṙēlōn chu nö hūlö kūö.

MANEUTNYI 23:9

Uh man hakihten öp tarik aṅ tahëng: tön akahalōn man tö ellōn tarik aṅ tahëng, pò meh misī aṅ tahëng öm ip panam Aikup.

T. MËTIV 12:20

Öt ohngö tī Öp min tö tökaṙöp tafūyu; öt rēhĕn nö nyangngö tī tö tötafūna lul tameūyö; hanöng saha tī Ò nö kētö kanô-en nö im minhôiṅyö.

T. MËTIV 4:1

Ngaich Yēsū nö hachōkoi tö ngam Töhet Fanöinylö, nö elinchōnngö, nö kalaha tö ngam sī-ö.

RŌMA 8:3

Pò ngam öt kanô-òṅ nö la-en ngam chöngö, nö kūö e nö öt kalēḵen lökngen ngam alaha, tīnhöti ngam Tēv tö ngam Kūönre nö sā inlahen tarik tö īnu tö tökööl ngaich öthakôlò ngam tökööl nö im alaha:

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.