HEPRĀI 4:14 - TÖHET LĪPÖRE (Re-edited) Bible (BSI)

¹⁴ Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.

HEPRĀI 4:14 Referans Kwoze

HEPRĀI 9:24

Pò Kristū nö öt kuhēthötre nö el vahī kuntī töhet chūök, insāken ngam tökô-en; el haliöngö takô pöri, hameuktöre nö i kūö ngam Tēv, tö pòkūö hī.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

HEPRĀI 10:23

Ta-a, töi haköpngöre im vinënyö ngam mineūka, öi öthanlöinyken; tön tökô-en An ngam kumlēḵngôre.

HEPRĀI 9:12

Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

HEPRĀI 6:20

In e nö sā mu-urĕh Ang Yēsū nö kuhēthötre tö pòkūö hī, ngaich nö örheūheu nö mākūö kūönṙô sā ngam chöngö Melkisētĕk.

EFISÖS 4:10

Ngam yamônti, Anga-aṅ An, ngam yamônlö inrē nö lātulöng töm halīöngö, hòṅ Ò nö hatööḵöl në taṙòkhöre töre.

RŌMA 8:34

Achīö ang anga-aṅ min töt mahakôlò; Kristū Yēsū an ngam tö kapah; hôṅ ngam tö hachohlöngö nö ṙā-ang yip tö kapah, ngam lahāmö ngam Tēv, ngam vame-elkui hī inrē.

HEPRĀI 3:14

Tön hamòlkūöre in tö Kristū, yĕi köptī tö ngam raneh inyönglen hī, öi kiṙapngö tīre söl ip manā-aṅ:

HEPRĀI 2:17

Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.

HEPRĀI 10:12

Anga-aṅ pöri tö kinheūṅtenre nö kētö ngam töng hĕng tökētu töpòkūö tökööl, ūichngöre ngaich örheūheu nö lahāmö ngam Tēv;

HEPRĀI 8:1

Ngih ön yöngkūö ngam kahòkkö hī: aṅhaṅv-in in tö mākūö kūönṙô ngam amūichngöre nö lahāmö ngam kantēra ngam Rācha el minë el halīöngö.

INLAHEN 1:11

Yī-ö tarik aṅ Kelelī; kūöyòh öi höng sökhaka, hatīönkö el halīöngö? Ngatī yanihih ön ngòh Yēsū min, ngam tö kēḵlöngö nö el halīöngö, nö ṙā-ang in yīö, sā mat yīö meūkan nö yônlö nö el halīöngö.

HEPRĀI 1:8

Ngö ṙô pöri Anga-aṅ töm Kūön, Höng tö örheūheu an ngam kantēra Meh, Ō Tēv; ngam tinkung ngam lanöökö an, tinkung ngam pūlngö Meh.

INLAHEN 3:21

Ngam kahëḵ ngam halīöngö, hanöng saha inlööktö nup taṙòkhöre, nup ṙô ngam Tēv, nö löktö elvāng yik töhet pròfĕt Ò, hēten tö ranehlö ngih panam.

T. LŪKÖS 24:51

Ṙònghöichṙen Anga-aṅ nö hakôlò cha, ngaich chaṙēviṙen nö in cha, ngaich kēḵlöng Anga-aṅ nö el halīöngö.

T. MĀKÖS 16:19

Ngaich ngam Mā Yēsū nö kēḵlöngö nö el halīöngö, tö kinheūṅtö ṙô Ò tö cha; ngaich ūichngöre nö lahāmö ngam Tēv.

HEPRĀI 2:1

Lökten in hòṅ mötlö kumlēḵlōn, öi hakūötö kūöre tö nuk tö ngaich ahangre, hòṅ hī öt amahaiṙen hëmngö ṙā-ang in u.

T. MĀKÖS 1:1

Ranehnyö ngam tölöök inhangkö Yēsū Kristū, ngam Kūön ngam Tēv.

T. MËTIV 4:3

Ngaich yihtöre ngam kamlah, ngaich ngö ṙô tö Ò, “Yē Meh Öm Kūön ngam Tēv, tölṙô në ihong Man yēḵ, nö vīngöre nö ròti.”

2 KÒRIN 9:13

Ngaich cha-a nö hapōilö ngam Tēv i inmeuktö ngih mineukṙen nö öt inhôngen inlööknyô yīö, tö ngam inhangkö Kristū, ngam kanô-en ellōn yīö inrē nö tī-iv nö in cha i taṙòkhöre inrē;

2 KÒRIN 12:2

Akahakūö chin tök hĕng tak tarik in Kristū, fënsīön hang samyeūheu ngaich öt akahalōn chin, yĕn im alaha; hēk, yĕn öt im alaha, öt akahalōn chin: akahalōn An ngam Tēv Anga-aṅ tö kēḵlöngö nö el ngam linūöyö halīöngö.

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

HEPRĀI 6:6

Ngaich pitūḵngöre, ötkô cha-a nö tumfömlöngö nö hēk nö im invöölö ellōn; pò cha nö harātö ngam Kūön ngam Tēv nö tumfömlö tīre nö in re, lingānyen Ò ngaich nö im sinrōngkūö.

HEPRĀI 7:3

Öt mahakūöntu tö kikōnyö, öt kamyôḵnyu, öt lökngurit, öt rēhĕn nö ranehlu nuk sakāmö, öt rēhĕn nômö nö manānguṙen, vītu pöri sā Kūön ngam Tēv köp nö kūönṙô nö iṙūöhen.

HEPRĀI 10:29

Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?

1 PĪTÖR 3:22

Ngam lahāmö ngam Tēv nö ngaich, yônlö nö el halīöngö; ma-ahānga, chöngö, minhôiṅyö inrē ngaich nö tumṙeūtu tö Ò.

ISIKĪ-ĔL 46:10

Yē cha nö kuhēthötre, hol cha min öp kūön rācha nö kuhēthötre; yē cha inrē nö kunyī-inyre,