HEPRĀI 4:12 - TÖHET LĪPÖRE (Re-edited) Bible (BSI)

¹² Pò ngam ṙô, ngam tö-aṅ, nö panyôta inrē, mööḵlö kaneūtö inrē tö tö-āṅngöre keūtö fël, tafūni tī inrē tö ranangkūö ngam nômö töm ma-alaha, tö nup tanap u nyöre aṅ el tangëḵ, veut inrē nö akah nup lōn, tanutö ellōn inrē.

HEPRĀI 4:12 Referans Kwoze

YERIMIĀ 23:29

Röh öng ngam ṙô chu nö sā tameūyö, ṙô ngam Mā Tēv, sā mūngöre inrē öp lumkuk ihong nö kaṙöp?

Isayā 55:11

Ngatī min ngam ṙô chu ṙameū-eung elvāng chu: öt havantöre nö in chu nöng ötkūmuṙen, hateungngö öp lōn chu pöri min angū-ö, ngaich kôlòṙen nö in öp tinīnngöre tö chu.

EFISÖS 6:17

Kēḵ ngam inyööken nö sapīöv; ngam sanët ngam Töhet Fanöinylö inrē, ngam ṙô ngam Tēv.

Salmai 119:130

Kētö hanātö an ngam kanaknyö ṙô Meh: kētö mikah elmat töt akaha inrē.

1 PĪTÖR 1:23

Pò yīö hēk ngaich fötnyu, öt aṅ im töchahū-uyö kulöl, aṅ im töt chahū-uyö pöri lökten im ṙô ngam Tēv, ngam tö aṅ, tö köp inrē.

Isayā 49:2

Ngaich vī elvāng chu anga-aṅ nö sā tökeut tachôi, elnyat kël re tī anga-aṅ nö hayunngen chu; ngaich vī-i chu anga-aṅ öich chòk töfaṙëcha alaha, halinngen chu anga-aṅ el chūök chòk:

INMEUKHÖMAT 1:16

Sat nuk taneūsömat, aṅ eltī Ò lāhāmö: ngaich lökyö elvāng Ò, hĕng nòng ök tö-āṅlā keūtö sanët ngaich nuk arëkūö Ò nö sā yanāngö mat ngam tavūöi yĕn ip kumlēḵre.

1 TÖSALÒNIKĒ 2:13

Angū-ö an chööḵnyö ih öt ṙākôre ha-öiny ngam Tēv, pò yīö hē yīö kēḵ ngam ṙô inhānga in ih, ngam ṙô ngam Tēv, ngaich hōḵo e yī-ö, nö öt ṙô tarik, sā ṙô ngam Tēv pöri, nö im kanô-en, ngam mahalöinyköre nö in yīö öi ṙamātö ellōnre.

YERIMIĀ 17:10

Chöh kuilōn chin chū-ö Mā Tēv kalah ngam fanöinylö inrē, öich kö kē-ĕkūö tarik sā nup talöökö ò. Sā öp ṙòng nup vahīṙen ò.

RŌMA 1:16

Pò chu öt sirōngkūö tö ngam tölöök inhānga: pò e nö minhôiṅyö ngam Tēv im inyööken, nö in cha nö ṙòkhöre yip ṙamātö ellōnre; i yip Yahūti urĕh, i yip Krīk inrē.

Salmai 149:6

Elvāng cha nup yēḵ nöinyö ngam Tēv: eltī cha inrē öp tö āṅngöre keūtö sanët;

INMEUKHÖMAT 19:15

Ngaich löknyö elvāng Ò nö meutnyi öp tökeut sanët, pòn hōtu Anga-aṅ nö aṅtīten tö ò nö fang vē pumnāmö tarik; ngaich hayöngö cha min Anga-aṅ nö aṅtī tö vët tinkung: ngaich Anga-aṅ nö röön öp kinrān vāin, öp tanānyö lanīnö ngam Tökeuheūttöre chöngö Tēv.

EFISÖS 5:13

Ṙòkhöre nun në tövëka nö hameuktu nö el hanātö. Ngam hanātö an mahameuktö u.

T. LŪKÖS 8:11

Ngih öng kòl inlahen ngam inchōḵoṙô, Ngam kulöl an, ṙô ngam Tēv.

Salmai 139:2

Akahalōn Man tö anūichngö chu, chanôhòlchu inrē: marôvat Me-eṅ Öm akah ellōn chu.

T. YÔHAN 6:51

Chū-ö Chin tö-aṅ Ròtī, yamônti ṙā-ang el halīöngö. Yē öp tarik nyamā ngih Ròtī, örheūheu min nö aṅ. Alaha Chu an ngam kahëtö Chu min Ròtī, nö nômö ngih panam.

Isayā 11:4

Holtö lanöökö pöri min ang-aṅ nö akah fālen yāich, ṙōngö tī inrē anga-aṅ nö vëkö töyāichö ellōn ing panam: chökṙen ngih panam min anga-aṅ nö aṅtī tö öp tinkung elvāng ò, fëlngö tötlöök inrē nö aṅtī tö unhômö nup minuh ò.

Salmai 45:3

Ō më-eṅ tökalēḵ, nyëktö ngam sanëtre man i takeunre: ngam ineū-euṅ meh, minā-aṅ meh inrē.

INMEUKHÖMAT 19:21

Ngaich yik chööḵ nö kumpaha tö kūö sanët Ò öp amūichhak nö i uk kōra, ök sanët lamöknyö elvāng Ò nö meutnyi: ngaich ṙòkhöre nuk chehechōn nö tööḵngen tö alaha cha.

INMEUKHÖMAT 2:16

Lökten havöötö ellōnre; yĕn rö-ö, ka-eūyen chu-ö min yih, ngaich kiyung min chu-ö lā-al cha, aṅtī töp sanët aṅ elvāng chu.

HEPRĀI 13:7

Köpölōn tö cha yip mahayöngö yīö, yip tö ṙôtö ṙô ngam Tēv nö in yīö; ngëichngö ngam Tēv nö in yīö; ngëichngö ngam löklö nômö cha, asīnkö ngam ṙinātö ellōn cha.

INLAHEN 4:31

Hē cha nö keuheūtô nö ve-ekūötēv, ngaich ök chūök cha nö hamūlöre, nö kayīna; ngaich ṙòkhöre cha-a nö tööḵlö tö ngam Töhet Fanöinylö; ngaich ötpa-ekūö nö ṙôtö nup ṙô ngam Tēv.

INLAHEN 2:37

Ngaich hē cha nö hāngö e, ngaich lòkngöre ellōn cha-a; ngaich ngö ṙô tö Pītör, tö yik tahëng inrē tanīnöṙô, Kahōlö; Sitih öi min?

INMEUKHÖMAT 2:23

Fëlngö yip kūön ò chin min aṅtītö kinpaha; ngaich ṙòkhöre në māṅ min nö akahalōn tö chu, öich chū-ö anga-aṅ, chamöh elkilpong, el fanöinylö inrē; kö kē-ĕkūö yīö min chu-ö tö tösā nup vahīṙen yīö.

INMEUKHÖMAT 20:4

Ngaich meuk nup kantēra chu-ö, ūichngöre cha-a ngaich nö ël u, ngaich kē-ĕvkūö cha-a tö kinṙôka; ngaich chū-ö meuk nup nômö cha yip tö röki likeun tö kūö vinënyö Yēsū, kūö ngam ṙô ngam Tēv inrē, acha-a inrē yip töt samlām ngam töṙeūla, ötrēhĕn töp insā ò, öt kēḵ ngam minkahngö inrē nö i mālre, i këlre inrē, ngaich cha-a nö aṅ, ngaich hol Kristū nö hayöng, hĕng köṅny samyeūheu.

1 TÖSALÒNIKĒ 5:23

Hòṅ ngam Tēv lanāmö nö keuheūtlöre tī nö ahetlen yīö: haköpka nup inrē yēḵ nö tumre ma-alaha, nômö, alaha yīö inrē, nö öt vinëku ip yanihih ngam Mā hī Yēsū Kristū:

2 KÒRIN 4:2

Ṙāngö nuk tö hanyāti pöri ihö sumrōngkūö, öt lök i huneū-en tö tötlöök, öt rēhĕn michīl, ṙapkö ngam ṙô ngam Tēv, lökten i inmeuktö ngam kanô-en pöri, öi kētöre el kuilōn tarik, i kūö ngam Tēv,

INCHŌḴ-OṘÔ 5:4

Ip lā-unôich pöri anga-aṅ nö angū-öṅvö tö chōn tö-angūövö, keut sā tö-aṅlākūö sanët.

YĀKÖP 1:18

Pò e nö lōn Ò, nö kētö nômö hī, i ngam ṙô kanô-en, hòṅ hī ayī-ö, sā ranehlòng vahī-il Ò.

Mumkahten 12:11

Sā tölòkngörekūö nup ṙô tö-akahaṙa, sā kīny inrē tö köpökūö nup töhamūlö ṙô tökētu ip yōm pököre tö hĕng tak.

2 KÒRIN 2:17

Pò hī öt sā tömaṙôngö, hachōichngö ṙô ngam Tēv, im kanô-en pöri: sā aṅ im Tēv pöri, ṙô tö aṅ in Kristū ihö i kūö ngam Tēv.

Salmai 110:2

Löknyö Siyôn tī An min ngam Mā Tēv nö söömtö öp tinkung kumlēḵ Meh: hayöng Man ellōn yip tökunyaha elmat tö Meh.

1 KÒRIN 1:24

Kristū pöri minhôiṅyö ngam Tēv, mikah ngam Tēv inrē, in cha yip töhavëtu, hēnghöre Yahūti, Krīk inrē.

INLAHEN 5:33

Hē cha pöri nö hāngö e, ngaich cha-a nö ṙatngöre ellōn, ngaich hòṅ fëlngen cha.

T. YÔHAN 12:48

Ngòh samôḵen Chu, öt hōḵo në ṙô Chu inrē, hĕng öp kamhòkken ò, ngih ṙô ṙahônyö Chu, angū-ö min kamhòkken ò, ip manā-aṅ sakāmö,

INLAHEN 7:38

Anga-aṅ an mī-i yik māṅ nö el-īnchōn, holtö ök ma-ahānga vame-eṅkūö ò, nö i kui ap Rôngö Sīnāi; kamëḵ ngam tö aṅ ṙô, nö kē-ĕkūö hī.

EFISÖS 5:26

Pòn hòṅ ahetlö e, ngaich nö ahëtö e nö husöich tö ngam mak holtö ngam ṙô,

HEPRĀI 6:5

Kalahlöngkūö nö ngaich tö ngam tölöök ṙô ngam ṙēti inrē yamih,

KAMHÔKA 3:16

Vī sanëtre ngaich ang Ēhöt tök tö-āṅngöre keūtö, töhĕng sukmôngö rôta; hīötlen ò ngaich anga-aṅ nö el inyut ò i lāhāmötakeun ò.