HEPRĀI 4:1 - TÖHET LĪPÖRE (Re-edited) Bible (BSI)

¹ Ta-a lökten töi pa-ekūö, hòn öt amahaiṙen nö hĕng hang tak in yīö töhāṅten tö e, ngam kinlēḵngô, nö ṙā-ai nö kuhēthötre im haneūheuṅ Ò.

HEPRĀI 4:1 Referans Kwoze

HEPRĀI 12:15

Milēt mat hòn öt tarīku tö hāṅten tö ngam inlōnti aṅ im Tev, hòn öt sīöplö nup ṙĕh kumnyahṙen nö hakihten yīö, ngaich pōihangen tī tö töchōich;

HEPRĀI 4:11

Lökten ta-a töi hakūötenre kuhēthötre, hòn öt tarīku tö fukta nö sā yip aṅ minôṙô.

HEPRĀI 4:9

Lökten nö ōtre haneūheuṅ yip tarik ngam Tēv.

INCHŌḴ-OṘÔ 28:14

Tökôlò ön ngòh tarik ngòh tö-örheūheu nö pa-ekūö töm Mā Tēv; ngòh mahangëḵngö ellōn re pöri fuk el kanihngen min.

HEPRĀI 13:7

Köpölōn tö cha yip mahayöngö yīö, yip tö ṙôtö ṙô ngam Tēv nö in yīö; ngëichngö ngam Tēv nö in yīö; ngëichngö ngam löklö nômö cha, asīnkö ngam ṙinātö ellōn cha.

2 TIMÒTĪ 2:13

Yē hī ayī-ö öt köpö kanô-en, köp Anga-aṅ nö kô-en! pòn ötkô Anga-aṅ nö mahangre.

1 KÒRIN 10:12

Lökten hökngen ngòh tököp tölōnre, nö haṙēmngenre, hòn öt fukngö!

RŌMA 11:20

Hòṅ; kūö ngam öt ṙinātö ellōn cha-a nö lirākiyö, ngaich me-eṅ sökhaka im mikahre. Un tulöngö ellōn, pa-ekūö pöri.

RŌMA 3:23

Pòn ṙòkhöre nö köölö fālen, ngaich hāṅten tö kanôlò ngam Tēv;

YERIMIĀ 32:40

Vīten kinlēḵngô chin min in cha nö töt chanūhuvṙen, hòṅ chu öt havööngökūöre tö tölöök la-en in cha; kēhĕt ellōn cha chin min inrē tö pinhë-eṅkūö cha tö chu, hòṅ cha nö öt havööngökūöre tö chu.

KINṘEŪKÖ 14:34

Sā tūmö nup sakāmö yīö ulāikö matre töm panam, nuk sakāmö töfën anāi, hĕng samyeūheu i töhĕng sakāmö, yī-ö min keun nuk tököölre, öi fën anāi samyeūheu, ngaich akahalōn yī-ö min tö Chu havanrit ngam kinlēḵngôre.

HEPRĀI 12:25

Meūkö e yin, ui sōḵen ngam tö takaka ṙô. Pò cha, yē cha nö kôḵòngvah, hē cha nö sōḵ tö ò, ngam mahatūitö elnang cha nö ing panam, kôḵòngvah min ayī-ö öi möthë, öi mahavööngö kūöre tö Ò ngam mahatūinyôre nö ṙā-ang elhalīöngö:

HEPRĀI 3:11

Im lanīnöre Chu-ö ngaich chūökuṙô, Tö cha nö öt ku- hēthötre nö im haneūheuṅ Chu.

INCHŌḴ-OṘÔ 14:16

Ṙēmen ngòh tö-akaha tarik havööngökūö re inrē tö ngam tötlöök, ngòh tö kulō-ovö pöri kavalngö sinôtöre öt chumkūöṙen inrē.

1 SAMUĔL 2:30

Lökten an ngam Mā Tēv, nö ngö ṙô, ngam Tēv Israĕl, Kô-en chin ṙô-òv tö ngam patī meh, patī ngam yöng meh inrē, öich hōten u nö örheūheu nö lök i kūö chu: ngaich pöri töngamuh nö ngö ṙô ngam Mā Tēv, Marôvat an yēḵ tö chu; milēḵṙen chin min tö cha yip tömilēḵṙen tö chu, ngaich acha-a yip tömināch tö chu nö kūöṅnen hananghuṙen min.

T. MËTIV 24:48

Yē ò pöri nö tötlöök nö mahalanṙen, ngaich ngö ṙô nö ellōnre, Aṅhāṅtö yihihre öp mā chu;

INLAHEN 3:19

Lökten yin havöötö ellōnre, havantöre inrē; hòṅ nup tökööl yīö nö sīchiyö, hòn ṙāngö i kūö ngam Mā Tēv nö yih öp ṙētak munfōvö.

2 KÒRIN 6:1

Vë-ekūö yīö in, ihö tö la-evṙen hol Ò, ui höng tötöl kēḵ ngam inlōnti aṅ im Tēv.

KALATĪ 5:4

Tököhngen yin ngaich tö Kristū, yī-ö tö hòṅ halööklöngö lökten im chöngö, sukngöre yin ngaich ṙā-ang im inlōnti.