HEPRĀI 3:7 - TÖHET LĪPÖRE (Re-edited) Bible (BSI)

⁷ Lökten ṙô ngam Töhet Fanöinylö nö ngö, Yē yīö min hang ṙô Ò töngamuh,

HEPRĀI 3:7 Referans Kwoze

HEPRĀI 3:15

Isaha e nö ṙòngmö ngö, Yē yīö min hang ṙô Chu tönga- muh, Uh yin hangëḵngö el- lōnre, sā hē ök inrunnyö lanīnö.

Isayā 55:3

Asītö elnang re yin, yihtöre inrē in chu; hangihtöre hòṅ ngam nômö yīö nö aṅ; hòṅ vīten ngam töt chanuhuvṙen kinlēḵngô chin in yīö, ngam kanöpö chu, ngam tökô-en hanāngenlōn chu inrē tö Tāvit.

INMEUKHÖMAT 3:20

Yĕh meuk, sökhak chin ikūö inkūp, öich kurönga: yĕn tarīku hamang ṙô chu, ngaich löpnyökūö ngam inkūp, ngaich kuhēthötre chu-ö min in ò, ngaich holkūö ò min nyā, holkūö chu anga-aṅ inrē.

HEPRĀI 4:7

Hēk inrē Anga-aṅ nö halöök hē tö hĕng sakāmö, nö ngö ṙô nö in Tāvit, nö unôichrit tö ngirô-angen, Tötaheui, nö sā ṙinô-òiny e nö lā urĕh nö ngaich, Yē yīö min hang ṙô chu tö taheūi, uh yin hangëḵeng ellōnre.

T. YÔHAN 10:27

Hang ṙô chu, nun në pököre Chu; akahakūö Chū-ö inrē tö u: tömrit Chu anū-ö inrē,

Salmai 81:13

Ō hang ṙô chu yin öre vē tarik chu: hòṅ lök el talöökö chu ang Israĕl!

HEPRĀI 3:13

Halēnö höö pöri kaheuk sakāmö, i rô-òten e nö tötaheui; hòn öt hĕng tak tö yīö tö hangëḵeyö im inchīlö aṅ im tökööl:

T. MËTIV 17:5

Ṙònghöichṙô Anga-aṅ, ngaich kahultukui cha-a tök töyang taṙul; ngaich ngö ök ṙô, lamöktö el ök taṙul, Hanāngenlōn Chu Ön ngòh; nö Kūön Chu; in Ò Chin ṙāmölōn takô. Hang ṙô Ò yin.

Salmai 81:11

Hö-ö pöri vē tarik chu nö hang ṙô chu: sōḵ tö chu inrē ang Israĕl.

T. YÔHAN 10:3

Anga-aṅ tölöpnyukūö tö ngam yōm inkūp; hang ṙô ò minë pököre: minënyu ṙô anga-aṅ inrē, nö havëkö minë pököre ò, ngaich hachōḵoiny u.

T. YÔHAN 5:25

Tökô-ò ṙô Chin tö yīö, Yih an ngam ṙētak, ihih an töngamuh; hē vē tökapah min nö hang ṙô ngam Kūön ngam Tēv; ngaich cha-a yip hamang nö aṅ min.

Isayā 55:6

Chöh ngam Mā Tēv isaha ò nö ṙòngmö kôti, havëken ò isaha ò nö ṙòngmö röhta:

T. YÔHAN 10:16

Kēḵngö nômöre Chin kūö në pököre. Pökörevö Chin tö tahëng; nup töt aṅ ngih kiteūm. Anū-ö nup inrē hachōkūö Chu, ngaich hang ṙô Chu min anū-ö; ngaich hĕng kiteūm nö elkatòh ngam töhĕng tak Yōmpököre.

Mumkahten 9:10

Nup la-en kanôtökūö kuntī meh, mā-anyre me-eṅ umuh hēk lōn, hēk inkaha, hēk mikah el Chūök Tökapah, öp chahūhu meh.

2 PĪTÖR 1:21

Pòn öt ṙô-òvö tö hĕng nö yih nö lökten i lōn tarik: lökten im Tēv pöri tarik nö ṙô-òv, pòn halöinyka tö ngam Töhet Fanöinylö.

2 SAMUĔL 23:2

In chu ṙô ngam Fanöinylö ngam Mā Tēv, i rōi litāk chu inrē ngam ṙô ò.

HEPRĀI 9:8

Hameuktö ngih ngam Töhet Fanöinylö, tö ngam talöökö el ngam töhet chūök nö öl nö hameuktu i saha ngam raneh inrūkui nö sökhaka;

T. MËTIV 22:43

Ngaich ngö ṙô Anga-aṅ tö cha, Sitih pöri Tāvit nö ngö ṙô, nö hachōḵnyu ṙô töm Töhet Fanöinylö; Mā, nö ngö tö Ò;

INCHŌḴ-OṘÔ 27:1

Un eū öp huṙöich, tön tö akahalōn man tö kumṙen öp sakāmö.

INLAHEN 28:25

Ngaich hē cha nö öt hōḵen höö, ngaich kiröönngöre cha-a, ngaich ngö ṙô Pôl nö unôich, kô-òṙô an ngam Töhet Fanöinylö, nö lökten in Isayā, ök pròfĕt, nö i yik muvöhngö yīö, nö ngö ṙô,

T. MĀKÖS 12:36

Tö Tavit nö ngö ṙô, nö lökten im Töhet Fanöinylö, Ngö ṙô An ngam Mā, tö ngam Mā chu, Ūichngöre Man lahāmö Chu, hanöng saha tī Chu vītö yip tökunyahaṅ elmat tö Meh nö ranöönö röön Meh.

INLAHEN 1:16

Kahōlö; tö hòṅ keuheūtiṙen ṙô an ngam Töhet Līpöre, ngam ṙô ngam Töhet Fanöinylö nö urĕh nö löknyö elvāng Tāvit, tö inlahen Yūtā, ök mahachōkūö yik kameḵeṅ Yēsū.

INLAHEN 8:29

Ngaich ngö ṙô ngam Töhet Fanöinylö tö Filip, Kūṙòh; ṙūötöre man im inröl.

HEPRĀI 10:15

Eū-a an inrē ngam Töhët Fanöinylö nö in hī, nö ngö ṙô,