HEPRĀI 3:6 - TÖHET LĪPÖRE (Re-edited) Bible (BSI)

⁶ Sā kūön pöri Kristū nö im patī ngam Tēv, ngam tö patī-ivö tö hī, yē hī haköptīre tö öt pinyū-uṙô im ineū-euṅ, ngam maheūṅkkö hī inrē, nö köp söl ip manā-aṅ.

HEPRĀI 3:6 Referans Kwoze

2 KÒRIN 6:16

Sitih hanô-òṅ ngam töhet chūök ngam Tēv tö ngam insā tēv? Pò hī ayī-ö töhet chūök ngam tö aṅ Tēv; sā ngam Tēv nö ngö ṙô, Iyöng in cha chin min, lök in cha inrē, ngaich tarik chu min cha-a.

1 KÒRIN 3:16

Öt akahalōn öi yī-ö, tö yīö töhet chūök ngam Tēv, ngaich ngam Töhet Fanöinylö ngam Tēv nö i yöng in yīö?

1 PĪTÖR 2:5

Yī-ö inrē, sā tö-aṅ ihong, öi mānlöngö i ngam aṅ i töhet patī, öi töhet, mameukṙen, öi kētö aṅ i töhet tökētu, töhōḵov tö ngam Tēv lökten Yēsū Kristū.

HEPRĀI 10:35

Uh yin lökten kavalngö ngam inyönglenre, ngam tö kumtö tö kiröng raneushö.

HEPRĀI 6:11

Hōten yīö in kö pētngen hameuktö töngatī, im kanô-en mineūka, söl ip manā-aṅ:

1 KÒRIN 6:19

Hēk, öt akahalōn öyih tö ngam alaha yīö nö töhet chūök ngam Töhet Fanöiylö ngam mi-in yīö, ngam in yīö ngaich aṅ im Tēv?

HEPRĀI 10:23

Ta-a, töi haköpngöre im vinënyö ngam mineūka, öi öthanlöinyken; tön tökô-en An ngam kumlēḵngôre.

HEPRĀI 4:11

Lökten ta-a töi hakūötenre kuhēthötre, hòn öt tarīku tö fukta nö sā yip aṅ minôṙô.

HEPRĀI 3:14

Tön hamòlkūöre in tö Kristū, yĕi köptī tö ngam raneh inyönglen hī, öi kiṙapngö tīre söl ip manā-aṅ:

INMEUKHÖMAT 3:11

Yih chin ka-euitö yihih: köptī man tö nup mi-in re nö ngaich, hòn öt hĕng tak kamëḵ ngam sapīöv meh.

HEPRĀI 4:14

Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.

HEPRĀI 1:2

Ngaich ve-ekūö hī, i manā-aṅ në sakāmö, nö lökten im Kūön Ò, ngam tī Ò nö tö-amīnuvö tö në taṙòkhöre. Anga-aṅ talöökö tī Ò nö vīlö në panam.

1 TIMÒTĪ 3:15

Hòṅ meh akahalōn, yē chu öt hēḵen yih, tö inlahen tarik nö el ngam patī ngam Tēv, ngam Māṅ ngam tö-aṅ Tēv, ngam machööḵlö, röön tö ngam kanô-en inrē.

KÒLÒSĪ 1:23

Yē yīö ngati urāta im mikah, ultöre ngaich köp inrē, ngaich öt ṙuhöyö tö ngam mineūka ahang yīö aṅ im tölöök inhānga, ngam tö ngaich misī nö ahangnyu nö i në taṙòkhöre tövīlöngö elkatòh ngam halīöngö; ngam lökten chu chu-ö Pôl, vītu mameukṙen.

T. MËTIV 10:22

Surīkhu yin min tö taṙòkhöre tarik, töpòkūö Minë-eny Chu. Ngòh tököp pöri, nö söl ip manā-aṅ, anga-aṅ min töhayöökaṙen.

1 TÖSALÒNIKĒ 5:16

Örheūheu ṙāmölōn;

RŌMA 15:13

Ngam Tēv mineūka an yēḵ, mahatööḵngen yīö tö ṙanāmölōn, kumchikṙen inrē, im ṙinātö ellōn: hòṅ yīö ṙuhölre im mineūka, lökten i minhôiṅyö ngam Töhet Fanöinylö.

T. MËTIV 24:13

Ngòh tö köp pöri nö söl ip manāngen, hayöökaṙen min anga-aṅ.

INMEUKHÖMAT 2:25

Haköptīre pöri yī-ö, hanöng saha yanīhih chu, tö nup in yīö.

INMEUKHÖMAT 2:18

Löö ip Ma-ahānga aṅ ip māṅ i Taitiriā ngötī kūich; Në nun ṙô ngam Kūön ngam Tēv, ngam tö mātu tö tösā tameūyö, nup kunröön Ò inrē tösā tö ayānga mās:

2 TÖSALÒNIKĒ 2:16

Ngaich an nö hakôtenre ngam Mā Yēsū Kristū, ngam Tēv Yöng hī inrē, ngam töhāngenlōn tö hī, nö kē-ĕkūö hī tö ngam tötchanūhuvṙen inṙamlōn, ngam tölöök mineūka inrē nö lökten im inlōnti,

RŌMA 5:2

Ngam lökten hī löktu i ngih inlōnti chūök hī sökhaka, kūö ngam mikah; ta-a inrē töi ṙāmölōn im mineūkkö kanôlò ngam Tēv.

Salmai 2:12

Hāmkūö ngam kikōnyö nyīö hòn öt līn, ngaich öt pala-aiṙen min yī-ö el talöökö: pòn hūlökūö min öp lanīnö ò nö ka-eūyen. Tökôlò yip cha-a mahayönglenre nö in ò.

1 PĪTÖR 1:8

Ngam hanāngenlōn yīö, öi höng öt meūkan, ngam chūök yīö pōyen ṙanāmölōn tö ngam töt vanënyen tötööḵlö kanôlò, pòrô yī-ö töngamuh öt meūkan, sön höng ṙātö ellōnre:

KALATĪ 6:9

Ta-a inrē, ui uhā-en i tölöök vahīṙen: tön ip tölöök ṙētak in min hamūl, yē hī öt cheingö.

RŌMA 11:22

Yĕh ngëichkö lanöökö, ane inrē ṙôkö chanökhutī ngam Tēv: ṙôkö chanökhutī, in cha yip tö fukngö, in meh pöri ngam lanöökö ngam Tēv, yē meh haköpöre im lanöökö Ò: ngatī min me-eṅ ṙāliyö.

T. MËTIV 16:18

Ngö ṙô Chin inrē tö meh, tö meh öm Pītör; I kui ngòh ihong tī Chin min vīlö ngam māṅ Chu; ngaich minë inkūp ngam chūök tökapah nö öt kò min tö e.

RŌMA 12:12

Ṙāmölōn im mineūka; möi im kanihngen; iṙuöhen köp im vinë-eṅkūötēv;

KALATĪ 6:10

Ta-a lökten, töi lök i tölöök i taṙòkhöre tarik, isaha hī löktuṙen, möthë lōn tö vē aṅ patī ngam mikah.

EFISÖS 3:12

Ngam chūök hī ötpinhe-eṅvkūö, ane inrē yih im inyönglen, lökten ngam mikah hī in Ò.

HEPRĀI 4:16

Ta-a lökten töi ṙūöhtöre holtö öt pinhë-eṅkūö im kantēra inkôlò, hòṅ hī teūngen tö neūkölōn, ngaich kôtökūö tö inkôlò nö holṙen hē el hanāṅten.

HEPRĀI 6:18

Hòn lökten minë tö nët töthanṙīken, in u ngam Tēv nö öthōḵ nö minyôinyaṅ, Īnu ayī-ö tö tökalēḵ inruhul alaha, öi ma-afalkö innyatlöre öi ṙaptö tīre im mineūka tö ṙātu nö i kūö hī,

HEPRĀI 7:19

(Pò ngam chöngö nö öt vahītuṙen tö töteungten) ane inrē kumtö öp tö ēhten mineūka nö in e, ngam löktö hī ṙūöhtöre im Tēv.

HEPRĀI 10:19

Lökten in ngaich kuhēthötre, höltö inyönglen, ël ngam töhet chūök, lökten i mahām Yēsū,

HEPRĀI 10:21

Ngaich hĕng tak ngam el patī ngam Tēv, mākūö kūönṙô;

HEPRĀI 11:1

Ngam ṙinātö ellōn an mahameuktö nup tö meūkka, mahameuktö nup töt meūkö.

1 PĪTÖR 4:17

Tön yih an ngam ṙētak kinṙôka nö rĕhlöngö nö el patī ngam Tēv: yē e pöri nö rĕhlöngö nö in hī, ngaich sitih manāngen min yip ma-ahôngô ngam tölöök inhangkö ngam Tēv?

INMEUKHÖMAT 2:26

Anga-aṅ ngòh tömihôiṅ, anga-aṅ ngòh mahaköp nup vahīṙen chu inrē nö söl ip manā-aṅ, anga-aṅ min tökē-ĕvkūö tö chu tö chöngö nö ikui vē tarik:

ISIKĪ-ĔL 46:10

Yē cha nö kuhēthötre, hol cha min öp kūön rācha nö kuhēthötre; yē cha inrē nö kunyī-inyre,