HEPRĀI 3:5 - TÖHET LĪPÖRE (Re-edited) Bible (BSI)

⁵ Ngaich kô Môsös nö kô-en, i nup patī ngam Tēv, nö sā mahalanṙen, nö inmeuktö nuk tövënyu tö unôichngöre;

HEPRĀI 3:5 Referans Kwoze

KINṘEŪKÖ 12:7

Öt ngatī ngam tarik Chu Môsös; anga-aṅ an tökô-en i tökeuheūttöre el patī Chu.

HEPRĀI 3:2

Ngam tökô-en nö in Ò, ngam tamölṙô, sā Môsös inrē misī nö el nup patī ngam Tēv:

MANEUTNYI 14:31

Ngaich yik aṅ Israĕl nö meuk ṙôkö ngam Mā Tēv i tī Ò tö yik aṅ Aikup: pa-ekūö ngaich yik tarik tö ngam Mā Tēv, ngaich chā-a nö ṙātö ellōnre nö i ngam Mā Tēv im tarik ò inrē Môsös.

Salmai 105:26

Tīnten ök tarik re Anga-aṅ ang Môsös: Āròn inrē nak katöllö Ò.

INLAHEN 28:23

Ngaich hē cha nö sakāmu ṙô tö ò, yihtöre cha-a nö in ò, nö el ök chūök ò, nö maṙôngö. Mikahtu elmat cha-a tö ò, eūkö ngam pūlngö ngam Tēv; löknyö im chöngö Môsös ṙô i nup ṙô yik pròfĕt inrē, anga-aṅ nö löktökūö peuheū, söl hatööm.

HEPRĀI 8:5

Ngam töng insā, nyat nup el halīöngö inrē, sā inköptö Môsös hē ò nö rultöre nö vī ngam inrūkui; pòn ngö ṙô anga-aṅ, Meuk man hòn ṙòkhöre nö vī-i nö sā ngam insōkngen meh ikui rôngö.

1 TIMÒTĪ 1:12

Ha-öinyö Ò chin ngam kamëtö kanô-òṅ chu, ngam Mā hī Kristū Yēsū, pòn kaheukten chu Anga-aṅ tökô-en, nö vīlen chu ing la-en Ò;

YÔSUĀ 1:2

Kapah ök tarik chu Môsös, yĕh lökten choholre, kuṙòh havāngngöre tö ngih Yôtön, më-eṅ ṙòkhöre inrē vē tarik, im panam kahëtö chu in cha, in më kūön Israĕl.

I. CHÖNGÖ 34:5

Lökten Môsös ök tarik ngam Mā Tēv nö kapah nö umuh im panam Mô-āp, sā ṙô ngam Mā Tēv.

HEPRĀI 9:24

Pò Kristū nö öt kuhēthötre nö el vahī kuntī töhet chūök, insāken ngam tökô-en; el haliöngö takô pöri, hameuktöre nö i kūö ngam Tēv, tö pòkūö hī.

RŌMA 3:21

Ngaich pöri töngamuh nö köhngen töm chöngö, nö hameuktu ngam lanöökö ngam Tēv, ngam chöngö an ameū-a tö më pròfĕt inrē;

T. YÔHAN 5:39

Chöh nup töhet līpöre yī-ö, pò yīö in u tö lōnre öi nômu tö tö-örheūheu-aṅ; anū-önun inrē ameūken Chu.

T. LŪKÖS 24:44

Ngaich ngö ṙô Anga-aṅ tö cha, Në nun ṙô Chu, ṙahônyö Chu in yīö, hē Chu ṙòngmö in yīö; tö u nö töhōtu nö keuheūtiṙen nup tökūichiyö nö im chöngö Môsös, i nup pròfĕt, ane inrē i nup salmai, nup inlahen Chu.

T. LŪKÖS 24:27

Ngaich rēhnyôre Anga-aṅ, nö ṙā-ang mat nup līpöre Môsös, yik pròfĕt inrē; nö ve-eny ṙô u nö in cha, tö inlahen Ò nö i nup töhet līpöre.

YÔSUĀ 8:31

Sā ṙô Môsös ök tarik ngam Mā Tēv nö tölṙô yik kūön Israĕl, sā kinūichngö e i mat ngam līpöre chöngö Môsös, öp tanöönglö töng kumëngṙòng ihong öp töt köötlöng tövët tö tarik: ngaich cha-a nö kētö töföngö tökētu nö im Mā Tēv, ane inrē kētö tökētu nö im lanāmö.

1 KÒRIN 4:2

Hēk hōtu yin vē yōm nö tötmichūṙen.

INLAHEN 7:37

Anga-aṅ ön ngòh Môsös tö ngö ṙô, nö i yik kūön Israĕl, Hĕng tak vahīlö An min ngam Tēv tö pròfĕt, nö aṅ in yīö; nö tö sā chu.

T. LŪKÖS 12:42

Ngaich ngö ṙô ngam Mā, Achīö ap rih, öp tökô-en tö-akaha inrē yōm chehen, öp töhamālöng tö ngam mā nö i patī ò, nö kameḵeṅkūö cha tö nya-aṅkūö ip hē nyina-aṅ?

T. MËTIV 25:21

Ngaich ngö ṙô ngam mā tö ò, Töteūngen man; tö-akaha, tökô-en mahalanṙen. Ngaich man kô-en i tö rahëchyen; hamālöng man ngaich tö chu, i në töpōyen chehen. Hanôltöre man ngaich i ṙanāmölōn ngam mā meh.

T. MËTIV 24:45

Achīö öp öre tökô-en, tö-akaha inrē, mahalanṙen, öp mahayōm nup aṅ patī öp yöngṙenre, ngaich ha-aṅlen cha ip ṙētak?

YÔSUĀ 8:33

Ṙòkhöre yik aṅ Israĕl, tö yik minṙöinylen yöngkūö kumyung inrē, tö yik ma-akah fālen cha inrē, nö sökhaka nö lök lāhih tök kasòng lök lāhī-a inrē nö urēhĕkūö yik kūönṙô yik Lēvī, yik kameun ök kasòng chöngö ngam Mā Tēv, tö yik aṅ tahëng, nö sā tökayôḵnyu nö i patī; ròngti tö cha i kūö ök rung Kerisim, ròngti inrē tö cha nö i kūö öp rung Ēpôl; sā tinöölô cha tö Môsös ök tarik ngam Mā Tēv, nö hōten cha nö urĕh nö hakôlò yik Israĕl.

YÔSUĀ 1:15

Hanöng saha tī ngam Mā Tēv nö kētö haneūheu hol yīö, sa tī ò nö ngaich nö in yīö, ngaich cha-a inrē nö kē ngam panam aminre ngam kahëtö ngam Tēv yīö ngam amin yīö, ngaich hayōmö e, ngam kahëtö Môsös nö in yīö ök tarik ngam Mā Tēv lamuh tö Yôtön lā löklö ngam tavūöi.

YÔSUĀ 1:7

Höng hangëḵeṅre më-eṅ um pa-ekūö inrē, haköpkö ngam chöngö la-evṙen asā-a e nö ṙòkhöre ngam tinöölô meh tö Môsös ök tarik chu: um havööngö kūöre tö e lahāmö hēk la tavē, hòṅ meh teunglen ip töng kū-ö meh kirööngöre.

I. CHÖNGÖ 3:24

Ō Mā Tēv, möl man rĕhtenre hameukhömat ngòh tarik re tö ṙôköre, ngam tökalēḵ kël meh inrē: öp yòh öp tēv el halīöngö hēk ing panam, nö tökô nö sā la-en meh, tö sā minë mihôinyö la-en meh inrē?

NAHIMIĀ 9:14

Ngaich më-eṅ inrē mikahtölōn cha tö ngam töhet sakāmö ngaich kētö minë chöngö inchöngten inrē nö lökten ik tarik meh Môsös nö chöngö.

MANEUTNYI 40:16

Ngaich ngati tī ang Môsös: sā nup tinöölô ò nö ṙòkhöre tö ngam Mā Tēv, ngati tī anga-aṅ.

HEPRĀI 1:1

Ṙōlkangen inlaha, ṙōlheuh inrē, ngam Tēv misī nö ve-ekūö yik muvöhngö hī, lökten i yik pròfĕt;

HEPRĀI 3:4

Pòn kö hĕng tak mamānlö në patī töp yô-òv; ngam Tēv pöri vamī-iṅl në taṙòkhöre.

INMEUKHÖMAT 15:3

Ngaich tikökṙôre cha-a tö tinkökö Môsös, ök tanölöṙô ngam Tēv, tinkökö ngam pököre inrē, nö ngö ṙô, Tökiröng, ane inrē pinngangkūö nun në vahīṙen Meh, Ō Mā Tēv, Tökeuheūttöre Chöngö; lanöökö, kanô-en inrē, minë talöökö meh, Me-eṅ Rācha vē pumnāmö tarik.