HEPRĀI 3:17 - TÖHET LĪPÖRE (Re-edited) Bible (BSI)

¹⁷ In chīö Anga nö fën anāi samyeūheu nö kunyahaṅlōn? Röh Ang nö in cha, yik tököölö fālen, yik tö hulalhak alaha nö elinchōn?

HEPRĀI 3:17 Referans Kwoze

KINṘEŪKÖ 14:29

Fuk el ngih el inchōn nup min kupah alaha yīö; ṙòkhöre inrē yip tökaheuklöng in yīö, sā ap ṙôken yīö ṙòkhöre, löktökūö tönët anāi samyeūheu ṙēti söl tulöng yip mihiṙeūtkôre nö lā-alkūö Chu.

KINṘEŪKÖ 14:22

Kūö yip tarik pöri nö ṙòkhöre yip töngaich nö meuk kanôlò Chu, nuk aṅ in chu inrē minkahngö, nuk tī Chu i Aikup el inchōn inrē, söntenre pöri nö kalāha Chu söm heuh nö ngaich, öt hang ṙô Chu inrē;

NGAM LĪPÖRE KAHŪICH YŪT 1:5

Hòṅ fēḵlen yīö chin pòrô yin ngaich tö-akahalōn tö në, tö tī ngam Mā Tēv nö hayööken yik tarik nö ṙā-ang ngam panam Aikup, ngaich unôichngöre nö fëlngö yik töt ṙamātö ellōnre.

KINṘEŪKÖ 14:28

Ngö ṙô man tö cha, Ngö ṙô an ngam Mā Tēv, Sā Chu Öich tö-aṅ, sā ṙô yīö tö elnang Chu, ngatī tī Chū-ö min tö yīö:

KINṘEŪKÖ 14:37

Cha-a yik tarik tökapah nö i kūö ngam Mā Tēv, tökūö ök tölëngökūö invah.

Salmai 95:10

Fën anāi samyeūheu rô-òten chin harivlōn i ngih tumköl chap: ngaich öich ngö ṙô, Tarik yin tövāchö kū-ö ellōn; öt akahakūö yin tö në talöökö chu.