HEPRĀI 3:16 - TÖHET LĪPÖRE (Re-edited) Bible (BSI)

¹⁶ Achīö yik maharunnyö lanīnö, hē cha nö hang? Hö-ö, röh yik cha-a nö ṙòkhöre nö ṙā-ang Aikup tö tī Môsös?

HEPRĀI 3:16 Referans Kwoze

KINṘEŪKÖ 14:2

Ngaich ṙòkhöre yik kūön Israĕl nö hiṙeūtkôre nö lā-alkūö Môsös lā-alkūö Āròn inrē; ṙòkhöre ṙô yik tarik nö ngöṙô tö cha i lōn ngam Tēv öre misī öi kapah ip panam Aikup! hēk i lōn ngam Tēv öre misī öi kapah el inchōnngö!

KINṘEŪKÖ 14:30

Hö-ö yin yih min ing panam, ngam löknyötī Chu hachônglö këlre tö Chu min vīten yīö iyöng in e, höng Kalĕp ön min ngòh kikōnyö kūön Yēfuneh, Yôsuā inrē ngòh kikōnyö kūön Nön.

I. CHÖNGÖ 1:38

Yôsuā ngam kikōnyö kūön Nön, ngam i kūö yīö nö sökhaka, chuh in e an min anga-aṅ: ṙūöhöl alaha ò yin: tön anga-aṅ an min tötī-iv tö e nö amin Israĕl.

Salmai 78:17

Sön cha-a nöng irūhen nö köölö fālen nö in Ò: nö ahôngen ngam lamātulöng nö el tö nyalnyi.

KINṘEŪKÖ 26:65

Pò cha nö ngö elnang tö ṙô ngam Mā Tēv, Kapah yin min elinchōnngö ngaich öt hĕng tit aṅ in tö tö-ōtre, höng Kalĕp ök kikōnyö kūön Yĕfuneh, Yôsuā inrē ök kikōnyö kūön Nön.

KINṘEŪKÖ 14:38

Ōtren pöri nö aṅ ang Yôsuā ök kikōnyö kūön Nön, Kalĕp inrē ök kikōnyö kūön Yēfuneh nak mī-i yik tarik kumröönngöre nö ulāikö matre töm panam.

KINṘEŪKÖ 14:24

Höng Kalĕp ngòh tarik Chu, pò ò nö tahëngö aṅ in tö ma-alaha, ngaich keuheūtlöre nö tömrit Chu, anga-aṅ min tökētu tö Chu nö im panam ngam chahūhuh ò nö ngaich, ngaich yip kūön ò min nö hayōmö e.

KINṘEŪKÖ 14:4

Ngaich ngö ṙô cha-a tö höö, Tā-a töi vīlö yöngṙenre, tā-a inrē töi havan i Aikup.

KINṘEŪKÖ 14:11

Ngaich ngam Mā Tēv nö ngö ṙô tö Môsös, Irô-òten aich min vē tarik nö öt kūöngenre tö Chu? Irô-òten aich min inrē nö öt ṙātö ellōnre nö in Chu, nö ngaich nö pōyen nuk minkahngö tī Chu in cha?

Salmai 78:40

Ām heuh cha-a nö ahôngen Ò nö el inchōnngö nö: miṙivngölōn Ò inrē nö el tö nyalnyi!

YERIMIĀ 32:29

Yih yip min aṅ Kālti yip kumyung ngih elpanam ngaich föngtökūö ngih elpanam tö tameūyö,haṙāpngö e inrē, kumngöre tī tö nup patī tö-aṅhav uk tö nup tötahūsa tökētu nö in Pē-al tö-ôkö inrē tökētū töṙöstu nö I tahëng tēv nö inrunnyö tanāyö chu.

YERIMIĀ 44:3

Kūö nup ötlanöökö kahëken cha, harunnyö tanānyö chu, nö pò cha nö kiröönngöre nö föng tötahūsa lök la-en tahëng tēv inrē nup töt mikahkūö cha, öt rēhĕn cha-a, öt rēhĕn yī-ö öt rēhĕn yik yöng yīö.

YERIMIĀ 44:8

Kūöyòh öi harunnyö tanānyö chu i nup la-en minë kuntī yīö, föng tötahūsa i tahëng tēv im panam Aikup ngam chūök yīö yih iyöng öi hōten re rökiṙen ngaich vītöre rinôichngen nāichngen inrē in vē pumnāmö tarik ngih tumlat?

NGAM LĪPÖRE KAHŪICH YŪT 1:5

Hòṅ fēḵlen yīö chin pòrô yin ngaich tö-akahalōn tö në, tö tī ngam Mā Tēv nö hayööken yik tarik nö ṙā-ang ngam panam Aikup, ngaich unôichngöre nö fëlngö yik töt ṙamātö ellōnre.