HEPRĀI 3:1 - TÖHET LĪPÖRE (Re-edited) Bible (BSI)

¹ Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

HEPRĀI 3:1 Referans Kwoze

2 TIMÒTĪ 1:9

Ngam mahayööken, ngaich havëten hī nö im töhet la-en, öt asā nup la-en hī, sā ap lōn Ò pöri, ap inlōnti inrē, ngam kinë-eṅkūö hī in Kristū Yēsū misī, nöng örheūheu,

FILIPĪ 3:14

Iṙuhöröön kū-ö tö im tölngö, im raneushö,ngam invëkö aṅ tulöng im Tēv in Kristū Yēsū,

HEPRĀI 7:26

Ngam töngati mākūö kūön ṙô tö löngta nö in hī, töhet, öt tököölu, öt töchōchu, hakösiṙen tö tököölö fālen, tumlönglöngö tö minë halīöngö;

EFISÖS 4:1

Lökten chin chu-ö, tökē-ĕ töpôkūö ngam Mā, vë-ekūö yīö, öi löökö inlaha, lök im invëkö yīö, ngam invëkö yīö ngaich.

1 PĪTÖR 2:9

Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:

HEPRĀI 2:17

Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.

HEPRĀI 10:21

Ngaich hĕng tak ngam el patī ngam Tēv, mākūö kūönṙô;

EFISÖS 4:4

Höng hĕng an ngam alaha; hĕng ngam Töhet Fanöinylö; höng sā invëkö yīö inrē, im tö hĕng mineūka ngam invëkö yīö.

1 TÖSALÒNIKĒ 2:12

Hòṅ yīö lök im töhōḵov tö ngam Tēv, ngam mahavëten yīö im pūlngö Ò, kanôlò Ò inrē.

1 KÒRIN 9:23

Keūheūttöre vahīken chin kūö tölöök inhānga, hòṅ chu tönôlta in e.

2 TIMÒTĪ 2:7

Fēkö minë ṙô chu; kētö mikah meh an min ngam Mā i tökeuheūttöre.

1 TIMÒTĪ 6:12

Kiyung im tölöök kinyūngö aṅ im mikah, ṙapngötīre im tö-örheūheu-aṅ nômö, ngam chūök meh havëtu, ngaich me-eṅ inrē halööknyôre vë-eny re i kūö yip tömaṙôngö mameuk.

RŌMA 15:8

Tön ngö ṙô chin tö yīö, tö Kristū; nö vītu nö mameukṙen vē tö tunyīnyi, kūö kanô-en ngam Tēv, hòn haköpka minë kinlēḵngô, tö kētu nö i yik muvöhngö hī.

HEPRĀI 2:11

Pò cha nyöre tö ngam ma-ahethölö, tö cha inrē yip tö ahetlöngö nö ṙòkhöre no hĕng; angū-ö an lökten Ò nö öt sirōngkūö nö kisānuvö ṙô tö cha,

T. YÔHAN 20:21

Ngaich hēk Ang Yēsū nö ngö ṙô tö cha, Kumchikṙen yēḵ in yīö. Sā ngam Yöng nö tīnngen Chu, ngatī Chū-ö tīnngen yīö.

HAKAI 1:5

Yĕh lökten ngam Mā Tēv yip tömaṙôngö nö ngö ṙô: Ngëichkö minë talöököre yin.

Salmai 110:4

Chūökuṙô An ngam Tēv nö kilēḵngô re, öt hō nö havanrit el lōn re: tö örheūheu Man Me-eṅ kūönṙô, sā öp chöngö Melkisitēk.

NGAM LĪPÖRE KAHŪICH YŪT 1:1

Tīnngö sinlāmö ön Yūt, kūönkūö Yēsū Kristū, kahëm Yāköp, i yip töhavëka, hanāngen im Tēv Yöng, yip töhaköpka tö pòkūö Yēsū Kristū inrē:

HEPRĀI 3:14

Tön hamòlkūöre in tö Kristū, yĕi köptī tö ngam raneh inyönglen hī, öi kiṙapngö tīre söl ip manā-aṅ:

Isayā 1:3

Akahakūö ön ngòh kōiny nuā tö yōm re, akahakūö inrē ngòh köttö tö chūökre nö ip yōm re; hö-ö pöri Israĕl nö akahakūö, hö-ö vē tarik chu nö ngëicha.

1 TIMÒTĪ 6:2

A Cha-a inrē yip ṙāmātö ellōnre yöngṙen, un höhö lōn tö cha; nö pò cha nö hol; hökngen cha pöri nö summötlö alahare nö meukṙen cha, pò cha cha-a yip hamòl nö im inkôlò, nö ṙātö ellōre, hanāngen inrē. b Haköphöti man tö u, halēn inrē.

2 TÖSALÒNIKĒ 2:14

Ngam chūök yīö havëtu tö Ò lökten im inhānga tö ih, hinôtö tö teūngen tö kanôlò ngam Mā hī Yēsū Kristū.

2 TÖSALÒNIKĒ 1:11

Angū-ö chööḵnyö ih inrē örheūheu vë-elkui yīö, hòṅ ngam Tēv hī min nö kaheukten yīö tö hōḵov im invëkö yīö, ane inrē hateungngö nup taṙòkhöre lōn ngam lanöökö, nup taṙòkhöre inrē la-en ngam mikah, holtö kanô-òṅ:

1 TÖSALÒNIKĒ 5:27

Chūöku ṙô chin tö yīö, im Mā, tö ngih tökūchö līpöre nö vë-evkūö nö i hol nö ṙòkhöre.

KÒLÒSĪ 3:12

Sā takatöllöng töm Tēv, töhet, töhanghuṙen inrē; lökten yin hayutlöre tö miṙēlōn, neūkölōn, yanāichö: ṙanëmen, manöiyö:

KÒLÒSĪ 1:22

Nö i ngam alahare nö lökten im kinpaha, nö kēten yīö töhet töt mirūnu inrē, töt vinëku inrē öi i kūö Ò;

KÒLÒSĪ 1:12

Ha-öiny ngam Yöng, ngam vamīten hī tökô hamòl im amin yip töhet aṅ el hanātö.

2 KÒRIN 1:7

Köp an ngam maheūṅkkö ih in yīö, akah töheichlōn tö yīö ngatī inrē aṅ im inngëḵkö, sā yīö ngatī inrē hamòl i nup kanihngen.

1 KÒRIN 1:2

Löö im māṅ ngam Tēv i Kòrin, cha-a yip tö ahetlöngö nö in Kristū Yēsū, töhëtö-invëka, ṙòkhöre, hol tö yip mahavëkö mine-eny ngam Mā hī Yēsū Kristū, keuheūtngöre chūök, ngam Mā hī tö cha.

RŌMA 15:27

Hôṅ, tölöök an nö lōn cha; cha-a yip tö hötṙehevö nö in cha. Yē yip Tahëng mihëṅṙö nö hamòlkūö cha nö i nup aṅ i töhet, ngaich höteh cha angū-ö nö meukṙen cha tö nup aṅ ing panam chehen.

RŌMA 11:17

Yĕn haroh tum hang nup pak tö ohngö, ngaich me-eṅ öm töt harūklöng öm Ôliv, ngaich taptū öm in u, ngaich hamòl kūö u töm ṙĕh ngam kanôlò ngam òliv chōn.

RŌMA 9:24

Ihö, öi tö havëtu tö Ò, öt höng ṙa-ang i yip Yahūti, tön ṙā-ang i yip Tahëng mihëṅṙö inrē tarik?

T. YÔHAN 20:27

Ngaich ngö ṙô Anga-aṅ tö Tômös, Ṙēptö kuntīre man ihih; ngëichkö eltī Chu, ṙēptö tīre inrē, sëphöt tīre i elkël Chu. Um öt mikahavö; ṙātö ellōnre pöri.

HAKAI 2:15

Yĕh pöchö, vë-ekūö yīö chin, ngëicha yin löktökūö ngih sakāmö söl môkö inrē. Urēhĕkūö öp ihong nö ṙātu nö i kui öp töhĕng ihong ngam töhet chūök ngam Tēv: sitih tī öi hē e?

ISIKĪ-ĔL 18:28

Pò ò nö ngëicha ngaich havööngökūöre nö ṙā-ang im tökööl ngam kahëken ò, kô-en min anga-aṅ nö aṅ, öt kapah min anga-aṅ.

ISIKĪ-ĔL 12:3

Pò cha nö patī ma-ahôngen. Lökten, kūön tarik, halēnlö nup inyul chehenre man öm el inhötngö ngaich kiröönngöre i kūö cha tö sakāmö öm im inhötngö; kiröönngöre min me-eṅ i kūö cha sā tö-ahöti ṙāngö ngam chūök meh öm chuh i tahëng. Amahtuṙen yip min nö akaha elmat, pòrô cha-a nö ma-ahôngen.

Isayā 41:20

Hòṅ tarik nö meuk, nö akahalōn, nö ngëicha, ngaich holre nö akaha elmat, tö e nö ngam kël ngam Mā Tēv tötī-iv tö e, tö ngam Töhĕng Töhet inrē aṅ Israĕl nö vīten e.

Isayā 5:12

Ngaich hāp lūt inrē, tapret fanöö inrē, tö vāin inrē, in nup tökiröng nyinā-aṅ tö cha: hö-ö pöri cha-a nö kūötenre tö la-en ngam Mā Tēv, öt rēhĕn cha-a nö ngëichkö vahīṙen minë kuntī ò.

INMEUKHÖMAT 18:20

Ha-öinyngövah ò, me-eṅ halīöngö, yī-ö inrē töhet, yī-ö tanīnöṙô, yī-ö pròfĕt inrē; pò ngam Tēv nö kahòklö kui yīö nö in ò.

INMEUKHÖMAT 17:14

Ngaich cha-a vē min nö kiyung nö lā-al ngam pököre, ngaich mihôiṅ min ngam pököre, tö cha, pòn Anga-aṅ Mākūö vē mā, ane inrē Rācha kūö vē rācha; ngaich cha-a min inrē yip hol Ò nö mihôiṅ, yip töhavëtu, tökatöllöng, tökô-en inrē.

1 YÔHAN 1:3

Ngam maheuṅk ih, ahang ih inrē, vë-eny nang yīö ihö, hòṅ yīö inrē hanôltöre in ih. Hol ngam Yöng, ngam Kūön Ò inrē, Yēsū Kristū, ngam innôlö hī.

1 PĪTÖR 5:10

Ngam Tēv, lökten taṙòkhöre inlōnti, ngam mahavëten yīö im tö-örheūheu kanôlò, in Kristū, Anga-aṅ min mahateungten yīö haköpö yīö, hangëken yīö inrē; unôichrit yīö rahëchtaṙen kihngen.

1 PĪTÖR 5:1

Lökten chin halēn yip mahaköphöti in yīö, chu-ö hamòl cha mahaköphöti, ane inrē mameuk kanihngen Kristū, chu-ö inrē hamòl im kanôlò tö hameuktu min:

1 PĪTÖR 3:5

Pòn ngatī inlahen misī yik töhet kikānö inrē, yik mameūka nö im Tēv, hanyöṅtöre, nö tumṙeūtöre tö yik pihöre:

HEPRĀI 9:11

Ngaich pöri Kristū nö yih, nö mākūö kūönṙô nup tölöök yamih, löktö el ngam tömötlö ṙôkö, taneungta inrē inrūkui, öt vahī kuntī, öt rēhĕn nö aṅ ngih tövīlöngö.

HEPRĀI 6:20

In e nö sā mu-urĕh Ang Yēsū nö kuhēthötre tö pòkūö hī, ngaich nö örheūheu nö mākūö kūönṙô sā ngam chöngö Melkisētĕk.

EFISÖS 3:6

Tö vē Tahëng mihëṅṙö nö hol nö tö-amīnuvö, hol nö tūmö ngam alaha hol nö michöḵö tö ngam kinlēḵngô in Kristū Yēsū, lökten im tölöök inhānga.

1 KÒRIN 10:17

Yĕh meuk, tö hī öi tömaṙôngö, höng hĕng ròtī, hĕng alaha; pò hī ṙòkhörekūö tö ngam tö hĕng ròtī!

T. YÔHAN 17:3

Ngih ön nômö tö-örheūheu-aṅ, ngam mikahkūö cha tö Meh, Öm tökô-en Tēv; akahakūö inrē tö ngam tahīntö Meh, Yēsū Kristū.

INLAHEN 1:15

Lohten nö hēngòng nët anāi yik tömaṙôngö nö hamūlöre; hē e Pītör nö söklöre nö ellōn cha, ngaich ngö ṙô tö cha,

2 KÒRIN 9:13

Ngaich cha-a nö hapōilö ngam Tēv i inmeuktö ngih mineukṙen nö öt inhôngen inlööknyô yīö, tö ngam inhangkö Kristū, ngam kanô-en ellōn yīö inrē nö tī-iv nö in cha i taṙòkhöre inrē;

HEPRĀI 3:12

Kahōlö, haṙēmngenre yin, hòṅ e nö öt chūöku nö ellōn yīö ngam tötlöök ellōn, öt ṙinātö ellōnre, i pintūḵngöre ṙā-ang im Tö-aṅ Tēv:

HEPRĀI 7:28

Pò ngam chöngö nö vī-il mākūö kūönṙô tö öt kumlēḵen; vīlö kūön pöri ngam ṙô aṅ im chūök ṙô, ngam tinömken ngam chöngö, nö örheūheu nö töteungten.

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

HEPRĀI 10:19

Lökten in ngaich kuhēthötre, höltö inyönglen, ël ngam töhet chūök, lökten i mahām Yēsū,

HEPRĀI 10:23

Ta-a, töi haköpngöre im vinënyö ngam mineūka, öi öthanlöinyken; tön tökô-en An ngam kumlēḵngôre.

HEPRĀI 13:22

Ve-ekūö yīö pöri chu-ö, kahōlö, kēḵ ngam ṙô inlēnö yin: tön ṙōl milôhò tī chin kūichtö ṙô in yīö.