HEPRĀI 2:9 - TÖHET LĪPÖRE (Re-edited) Bible (BSI)

⁹ Ngaich pöri ayī-ö meūkö Ò, ngam tövītu misī nö lātaṙūḵ hö-ö tö më ma-ahānga, Ang Yēsū, tö kanôlò, ineū-euṅ inrē, pòn hōtu nö lökten im inlōnti aṅ im Tēv, Anga-aṅ nö kalah kinpaha, nö pòkūö tarik.

HEPRĀI 2:9 Referans Kwoze

INMEUKHÖMAT 5:9

Ngaich tikökṙôre cha-a tö tufömngöre tinkökö nö ngö ṙô, Tökô Man Me-eṅ kamëḵ ngam līpöre, Öm ṙòngnyö minë inpanngö inrē: pò meh tö fëli, ngaich ṙāitī tö ök mahāmre Öm kö havahtö vē miyöngö, minathö ëlô, tarik, tömaṙôngö tarik inrē, nö im Tēv,

1 YÔHAN 2:2

Anga-aṅ An inlāmö nup tökööl hī; öt höng kūö nup tökööl hī tön nup tökööl ngih panam nö ṙòkhöre.

RŌMA 5:18

Ngaich sā lökten im tö hĕng tak tö köölö fālen ngam kinṙôka nö yih nö i taṙòkhöre tarik nö öt inkôlò.

INLAHEN 2:33

Ngaich yih töngamuh nö hapōilöngö nö lāhāmö ngam Tēv; ngaich nö teūngen tö ṙô ngam Yöng, nö kilēḵngôre tö ngam Töhet Fanöinylö; ṙösten Ò Anga-aṅtöngamuh, ngam maheuṅk yīö, ahang yīö inrē.

T. YÔHAN 3:16

Tölngö hanāngenlōn An ngam Tēv töng panam, tön uroh nö kēngö ngam töng hĕng maneuk Kūönre; pòn sōtu vē ṙamātö ellōnre nö in Ò, nö ötkôlò; hōtu pöri ngam nômö tö-örheūheu-aṅ nö in cha.

2 KÒRIN 5:15

Kūö tö maṙôngö Anga-aṅ nö kapah, pòn sōtu yip tö aṅ nöng kanahngenre nö ha-aṅhare, in Ò pöri ngam pòkūö cha nö kapah, ngaich choholre nö hēk.

HEPRĀI 10:5

Lökten hē Ò nö yih nö ing panam, ngö ṙô Anga-aṅ, Ötlōnu Man tö tökētu: alaha pöri öp tö halēnö tö Meh nö pòkūö Chu.

RŌMA 5:8

Kētö ngm hanāngenlōnre pöri ngam Tēv nö in hī i saha hī ṙòngmö tötlöök, ngaich kapah Kristū tö pòkūö hī.

T. YÔHAN 1:29

Im huṙöich anga-aṅ meūkö Yēsū nö yihtöre nö in ò; ngaich ngö ṙô, Yĕh meuk, ngam pököre ngam Tēv, ngam kamëḵngö tökööl ngih panam.

T. YÔHAN 12:32

Ngaich Chū-ö yē Chu hatamlöngö, ṙā-ang el tumlat, Öich tūöktö taṙòkhöre tarik nö in re.

HEPRĀI 7:25

Lökten inrē Anga-aṅ nö kô nö öt chöḵöv tī nö hayööken cha yip ṙamūötöre nö im Tēv nö lökten in Ò, pòn örheūheu Anga-aṅ nö aṅ, nö vë-elkui cha.

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

1 PĪTÖR 1:21

Yī-ö lamökten in Ò ṙātö ellōnre im Tēv, ngam mahachohlen Ò nö ṙā-ang i tökapah, ngaich kētö kanôlò Ò; hòṅ ngam ṙinātö ellōn yīö tö ngam mineūka inrē, nö im Ṭev.

HEPRĀI 8:3

Pòn kö vīlöngö vē mākūö kūönṙô nö hĕnghöre kētö inlōnti nup tökētu inrē: lökten ön ngòh mākūö kūönṙô inrē nö hòṅ kahëtuvö.

1 TIMÒTĪ 2:6

Ngam kamëḵngöre nö ṙāi taṙòkhöre, ngam inmeukti mi-ip ṙētakre,

2 KÒRIN 5:21

Ngam töt akahakūö tö tökööl, ngaich pòkūö hī Anga-aṅ nö vītu nö kööl; hòṅ hī vītu lanöökö ngam Tēv in Ò.

RŌMA 8:32

Anga-aṅ ngam töt ṙamā-al ngam Kūönre takô, kēḵngen Ò pöri nö pòkūö hī ṙòkhöre, röh ang min nö hol Ò nö öt maiṅtīre nö kē-ĕkūö hī tö taṙòkhöre?

KALATĪ 4:4

Hē sanölta ngam ṙētak pöri, tīntö ngam Kūönre ngam Tēv, kayôḵnyu tö kikānö, kayôknyu nö elkatòh ngam chöngö;

INLAHEN 3:13

Ngam Tēv Aprahām, Tēv Isak, Tēv Yāköp, Tēv yik muvöhngö hī inrē, nö hapōilö ngam Kūönre Yēsū, ngam tö kē-ĕyö tö yīö, ngaich mahayö nö i kūö Pailĕt, hē ò nö ṙāngen Ò lang.

Isayā 7:14

Lökten an ngam Mā min nö kē-ĕkūö yīö tö minkahngö. Yĕh meuk hĕng tak öp min töt chô-òv rēlö pumrūkö nyīö, ngaich kayôḵnyö kikōnyö nyīö, ngaich kaheuk minë-eny ò min nö Immanuĕl.

RŌMA 8:3

Pò ngam öt kanô-òṅ nö la-en ngam chöngö, nö kūö e nö öt kalēḵen lökngen ngam alaha, tīnhöti ngam Tēv tö ngam Kūönre nö sā inlahen tarik tö īnu tö tökööl ngaich öthakôlò ngam tökööl nö im alaha:

T. YÔHAN 10:17

Lökten An ngam Yöng nö hāngenlōn tö Chu; pò Chu kēḵngö nômöre; hòṅ Chu kē-ĕ e hēk.

T. YÔHAN 8:52

Ngaich ngö ṙô yik Yahūti tö Ò, Akahalōn takô in ngaich, tö Meh sī-u aṅ in. Kapah ök yih Aprahām tö yik pròfĕt inrē; ngaich Me-eṅ ngö ṙô, Yĕn hĕng tak tarik mahaköp ṙô Chu, öt hōḵ min anga-aṅ nö kapah.

T. MËTIV 16:28

Tökô-ò ṙô Chin tö yīö, Rēvre yip ihih samökhaka, yip töt kamlah kinpaha, hanöng saha mat cha nö meuṅk ngòh Kūön Tarik nö yih nö im pūlngöre.

INMEUKHÖMAT 19:12

Ngaich nuk mat Ò nö töhū nö tameūyö, ṙōl nup sapīöv rācha i kui Ò: hēngö minë-eny Anga-aṅ tö tö kūichi, öp töt mikahkūö tö hĕng tak, höng Anga-aṅ.

HEPRĀI 2:7

Pò Meh vīlen ò nö lataṙeū hö-ö tö më ma-ahānga; hanyöṅtan Man ngaich tö kanôlò, vītu An tö Meh, nö hayöng në la-en minë kuntī Meh:

T. LŪKÖS 9:27

Tökô-ò ṙô Chin tö yīö, Rēvre yip samökhaka in yīö nö ihih, yip tö öthōḵ nö kapah hanöng saha mat cha nö meuk ngam pūlngö ngam Tēv.

T. MĀKÖS 9:1

Ngaich ngö ṙô Anga-aṅ tö cha, Tökô-òṙô chin tö yīö, Rēvre yip ihih tösökhak, tö-öl min nö kapah, hanöng saha mat cha nö meuk ngam pūlngö ngam Tēv nö yih nö holtö minhôiṅyö.

T. MËTIV 6:28

Pòyòh öi yī-ö piṙūtkö hilā? Ngëichkö në pūl elkahôyö sitih sanīöpö ön. Öt maharëtnyöelmatre nun; öt rēhĕn nö kumpāt.

Isayā 11:1

Ngaich yih min nö umuh öp lamöknyö kaha Yēsī nö meuinynyi, ngaich ṙôngu min öp pak lamöknyö ip ṙĕh:

T. YÔHAN 8:51

Tökô-ò ṙô Chin tö yīö, Yĕn hĕng tak tarik mahaköp ṙô Chu, öt hōḵ min anga-aṅ nö kapah.

HEPRĀI 1:9

Töhāngenlōn man tö tölöök, surīkhö tötlöök pöri, lökten ngam Tēv, ngam Tēv Meh, nö fòh elkui Meh tö ngam tavī-i ṙanāmölōn, möthë tö yip hol Meh.

HEPRĀI 11:5

Lökten i ṙinātö ellōn ang Enòk nö kēḵlöngö, nö sōtu nö meuk kinpaha; ngaich ötkôti anga-aṅ; pò ngam Tēv nö kēḵlen ò: pòn urēhĕkūö ngam kinëḵlö ò, nö eūka anga-aṅ nö ṙanāmölōn ngam Tēv:

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.