HEPRĀI 2:4 - TÖHET LĪPÖRE (Re-edited) Bible (BSI)

⁴ Hol cha inrē ngam Tēv nö eū-a, lökten i minkahngö, pinngangkūö inrē, lökten i tö ṙōlkangen minhôiṅyö inrē, lökten i nup inlōnti tī ngam Töhet Fanöinylö inrē, nö sā ap kanahang lōn Ò.

HEPRĀI 2:4 Referans Kwoze

INLAHEN 14:3

Marô-òten cha-a nö höngngöh nö umuh; ngaich öt pa-ekūö ṙô cha-a, pòn hayönglenre nö im Mā Tēv, ngam mahameukhöti nö im ṙô Ò inlōnti, kētö minkahngö, pinngangkūö inrē nö eltī cha.

EFISÖS 1:5

Ngaich nö lā-urĕh nö halēnngen hī, töharuklöngö kūön, lökten in Yēsū Kristū, öi in Ò, sā ngam tölöök lōn Ò,

T. MĀKÖS 16:20

Kiröönngöre cha-a, ngaich keuheūt chūökre, nö mumkahten; la-evṙen ngam Mā nö in cha, ane inrē hangëkö ngam ṙô, lökten i nup minkahngö mi-in e.

T. YÔHAN 4:48

Lökten Yēsū nö ngö ṙô tö ò, Öt hōḵ yin ṙātö ellōnre, yē yīö öt meuk minkahngö, pinngangkūö inrē.

TANĪ-ĔL 4:35

Ṙòkhöre yip aṅ ngam tumlat nö kaheuktu nöng törö-övö; kahang tīre sā lōn ò i nup el halīöngö in yip aṅ ngih tumlat inrē; öt hĕng tak tökô nö haköp kël ò hēk ngö ṙô tö ò, Suh ap la-en meh?

T. YÔHAN 15:26

Hē ngam Mahangëken pöri nö yih, ngam tahīntö Chu in yīö nö ṙā-ang im Yöng, ngam Töhet Fanöinylö kanô-en; ngam lamöknyö im Yöng, Anga-aṅ min ameūken Chu.

EFISÖS 1:9

Keuheūt hë tī nö mikahtö lōn hī tö ngam lōn Ò öt mikahkūö sin; sā ngam tölööklōn Ò, ngam chööḵnyö Ò, nö in Ò,

INLAHEN 4:10

Akahalōn yin yēḵ ṙòkhöre, yī-ö inrē taṙòkhöre aṅ Israĕl; tö ò nö lökten i Mine-eny Yēsū Kristū aṅ Nāsaret, ngam harātö yīö, ngam töhachohlöngö tö ngam Tēv nö ṙā-ang i yip tökapah, lökten in Ò ön ngòh tarik nö sökhaka nö i kūö yīö, nö lööken.

T. MĀKÖS 6:14

Ngaich ök rācha Hērôt nö hāngö e, pò ök Minënyö Ò nö ngaich nö akahaiṙen. Ngaich ngö ṙô anga-aṅ, Choholre ap Yôhan ap Vamôk, nö ṙā-ang yip tökapah; lökten Ò nö hameuktö minhôiṅyö la-en.

INLAHEN 5:32

Ihö in ameūkö u; ngatī inrē ngam Töhet Fanöinylö, ngam kahëtö ngam Tēv nö i yip hamang chöngö Ò.

EFISÖS 4:7

Kö kahĕng tak in ayī-ö kē-ĕvkūö tö ngam inlōnti, sā ṙôken tī Kristū nö kētö e nö in hī.

HEPRĀI 6:4

I inlahen cha yip tö ngaich nö hĕng heuh inhatlö elmat, tö ngaich nö kalahlöngkūö tö aṅ elhalīöngö inlōnti, vītu inrē nö hamòl ngam Töhet Fanöinylö,