HEPRĀI 2:3 - TÖHET LĪPÖRE (Re-edited) Bible (BSI)

³ Sitih öt kanô-òngvah öi min ayī-ö, yē hī öt kūöngenre tö töngatī ṙôken inyööken? Nuk tö ngaich nö urĕh sin misī nö lökten im Mā, nö ṙônyu ngaich hameuktu nö kô-en nö in hī tö cha yip hamang.

HEPRĀI 2:3 Referans Kwoze

HEPRĀI 12:25

Meūkö e yin, ui sōḵen ngam tö takaka ṙô. Pò cha, yē cha nö kôḵòngvah, hē cha nö sōḵ tö ò, ngam mahatūitö elnang cha nö ing panam, kôḵòngvah min ayī-ö öi möthë, öi mahavööngö kūöre tö Ò ngam mahatūinyôre nö ṙā-ang elhalīöngö:

RŌMA 2:3

Öt kô-òngvah öm min me-eṅ tö lōnre tö kūö ngam kinṙôka aṅ im Tēv, Ō me-eṅ tarik, öm kamhòkken cha yip maharūnöre nö i tö ngatī, ngaich me-eṅ ngatī inrē?

HEPRĀI 5:9

Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

INLAHEN 4:12

Öt tahëngu chūök inyööken; pòn öt rēhĕn nö tahëng Mine-eny, elkatòh ngam halīöngö, tö kētu nö i tarik öp löklen hī hayöökaṙen.

ISIKĪ-ĔL 17:15

Ngaich pöri anga-aṅ nö ahôngen nö lā-al ò nö tīnngö ma-ahānga nö i Aikup, nö hōten cha nö kē-ĕkūö ò tö kōra tö töpōyen inrē kumyung. Teunglen ap min? Kô ang ngòh tarik nö öt kô-òngvah ngòh tö ngatī la-en? Kô ang nö litòkngö ngam kinlēḵngô ngaich nö öt kô-òngvah?

HEPRĀI 4:11

Lökten ta-a töi hakūötenre kuhēthötre, hòn öt tarīku tö fukta nö sā yip aṅ minôṙô.

HEPRĀI 1:2

Ngaich ve-ekūö hī, i manā-aṅ në sakāmö, nö lökten im Kūön Ò, ngam tī Ò nö tö-amīnuvö tö në taṙòkhöre. Anga-aṅ talöökö tī Ò nö vīlö në panam.

T. LŪKÖS 1:2

Nup kahëtö cha nö in hī, yik mu-urĕh mameūkö u, ane inrē mumkahten;

INMEUKHÖMAT 7:10

Ngaich pōitô cha-a nö ngö ṙô, Inyööken aṅ im Tēv hī, ngam amūichhak nö el kantēra; im pököre inrē.

TAITÖS 2:11

Pò ngam inlōnti aṅ im Tēv nö ngaich nö meūkö, kumtö inyööken tarik nö ṙòkhöre,

1 TIMÒTĪ 1:15

Tökô-en ön ngih nö ṙô, töt ṙanāngen kinë-eṅ tö taṙòkhöre tarik, tö Kristū Yēsū nö yih nö ing panam nö mahayööken tökööl tarik; öich chū-ö yöngkūö:

T. MËTIV 23:33

Yī-ö pēch, kūön sāṙen; sitih lökten öi min öt kô-òngvah el ngam chūök ötinkôlò?

Isayā 62:11

Yĕh meuk, söl manā-angkūö ngih tumlat an ngam Mā Tēv nö ahangka, ngö ṙô yin tap kikānö kūön Sīyôn, Yĕh meuk, yih an ngam inyööken meh; yĕh meuk, kum ò ap raneushö, urēhĕkūö ò an inrē ngam invahalvah.

Isayā 51:5

Röhta an nö ngaich nö veūten ngam ṙinānyö aṅ in chu, ngaich ök inyööken aṅ in chu nö kiröönngöre, ngaich në kël chu min nö hayöng vē tarik; hökken chu nun në kun panam, meūka nun nö ing kël chu.

Isayā 12:2

Yĕh meuk, inyööken chu an ngam Tēv; hayönglenre chin, ngaich öthō min pa-ekūö: kumlēḵ chu an tinkökö chu inrē ngam Mā Tēv Yavē; inyööken chu an inrē nö vītenre.

HEPRĀI 4:1

Ta-a lökten töi pa-ekūö, hòn öt amahaiṙen nö hĕng hang tak in yīö töhāṅten tö e, ngam kinlēḵngô, nö ṙā-ai nö kuhēthötre im haneūheuṅ Ò.

INLAHEN 2:22

Yī-ö tarik aṅ Israĕl; hang ṙô chu yin; tö Yēsū ngam aṅ Nāsaret, ngam tarik tö hameuktuvö tö ngam Tēv nö in yīö, lökten i nup minhôiṅyö la-en, pinngangkūö, minkahngö inrē, tī ngam Tēv nö lökten in Ò, el ṙôngö yīö, sā mikahlōn yīö.

INLAHEN 1:22

Hēten tö ngam vinôkö tī Yôhan, söl im sakāmö hē Ò nö kēḵlöngö, nö ṙā-ang in hī; hòṅ hĕng taka öp tö cha, vame-eny ngam invanlö Ò, nö hol hī.

T. YÔHAN 15:27

Eū-a yī-ö inrē, pò yīö in Chu tök ranehten.

T. LŪKÖS 24:19

Ngaich ngö ṙô Anga-aṅ tö cha, Asuh nup? Ngaich ngö ṙô cha-a tö Ò, Nuk inlahen Yēsū, ök aṅ Nāsaret, ök pròfĕt tömihôiṅ nö i la-en, i ṙô inrē, nö i kūö ngam Tēv, i kūö tarik inrē.

T. MĀKÖS 1:14

Keuheūthëṙen kine-eṅ ang Yôhan yihtöre ngaich Yēsū nö i Kelelī, ahangkö ngam tölöök inhānga aṅ im Tēv;

ISIKĪ-ĔL 17:18

Pò ò nö ha-āichngen ngam chūök ṙô litòkngö ngam kinlēḵngô inre, pò ò nö kētö këlre ngaich söntenre nö la-evṙen tö në, öthō ap min nö öt kô-òngvah.

Isayā 51:8

Tön kā-ayö yip min tö maneui nö sā hilā, kā-ayö min inrē cha-a tö kamlökö nö sā sanôi sīṅp; höng örheūheu pöri min ngam ṙinānyi aṅ in chu, ngam inyööken inrē aṅ in chu söl i tumköl chap.

Isayā 20:6

Ngaich ngö ṙô min yip aṅkūö ngih i kūö mai panam ip sakāmö angū-ö, Yĕh meuk, angū-ö an yih tömeūkka tö ih, ip chūök ih falkö hinòlṙenre öi hòṅ ṙānyuvö ṙā-ang ip rācha aṅ Asīriā: Ngaich īhö, Sitih lökngö öivö min öt kô-òng vah?

1 TÖSALÒNIKĒ 5:3

Hē cha nö ngö ṙô, Lām, öt pinlānguṙen inrē, ngaich nönglūk nö teunghökui cha ap inlëlngö, sā ngòh kikānö kamyôḵnyö nyīö; ngaich cha-a nö öt löktu nö öt kô-òngvah.

T. LŪKÖS 1:69

Hachohlö tö kalēḵ An inyööken hī i vē kūön ngam kūön ò, Tāvit;

T. MËTIV 4:17

Hēten tö e, Yēsū nö rĕhtenre nö mikahaten, nö ngö ṙô, “Havöötö ellōnre yin; tön röhta an ngam pūlngö ngam halīöngö.”

RŌMA 11:14

Yē chu löktu harunnyö lanīnö ellōn yip alahare, ngaich haroh tum tak hayööken tö cha.

1 KÒRIN 1:21

Pòn im mikah ngam Tēv, lökten im mikahre ngih panam, nö öt akahakūö töm Tēv, kūö lanöökö lōn ngam Tēv an, lökten i kumlō-ov ngam inhānga, nö hayööken cha yip ṙamātö ellōnre.

HEPRĀI 1:1

Ṙōlkangen inlaha, ṙōlheuh inrē, ngam Tēv misī nö ve-ekūö yik muvöhngö hī, lökten i yik pròfĕt;

HEPRĀI 1:14

Röh yip cha-a nö ṙòkhöre nö mameukṙen ngam Tēv, tīntu nö tö la-evṙen tö pòkūö cha yip tö amīnu min tö inyööken?

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.

1 YÔHAN 1:1

Vë-eny nang yīö in tö ngam Ṙô ngam nômö ngam aṅ im raneh, ngam maheuṅk në mat ih, ngam ngahëichkö ih, ṙēpa inrē në kuntī ih.

NGAM LĪPÖRE KAHŪICH YŪT 1:17

Yī-ö pöri, kahōlö, köpölōn yin tö nuk ṙô tö ngaich nö ṙônyu nö lā-urĕh, tö yik tanīnöṙô ngam Mā hī Yēsū Kristū;