HEPRĀI 2:2 - TÖHET LĪPÖRE (Re-edited) Bible (BSI)

² Yē ngam ṙô nö ṙônyu nö lökten i ma-ahānga, nö hameuktu nö köp, kö teūngen, ngaich tö raneushöre tökööl fālen, minôṙô inrē, tö tölöökö ṙēti ṙënngen;

HEPRĀI 2:2 Referans Kwoze

INLAHEN 7:53

Yī-ö kamëḵ ngam chöngö, lökten i yik ma-ahānga; ngaich rö-ö öi haköpö e.

KALATĪ 3:19

Asuh öng pökeh ngam chöngö? Kētu an kūö tökööl, hanöng saha ngam lamökngörit nö yih, ngam lööṙö ngam kinlēḵngô; lökten i ma-ahānga angū-ö nö kētuvö, nö eltī ngam aṅhôi.

HEPRĀI 10:28

Ngòh tarik ma-ahôngen chöngö Môsös, ngaich kumpaha nö öt inṙētu i ṙô tö nët tak hēk lūöi tak mameuk:

NGAM LĪPÖRE KAHŪICH YŪT 1:5

Hòṅ fēḵlen yīö chin pòrô yin ngaich tö-akahalōn tö në, tö tī ngam Mā Tēv nö hayööken yik tarik nö ṙā-ang ngam panam Aikup, ngaich unôichngöre nö fëlngö yik töt ṙamātö ellōnre.

I. CHÖNGÖ 27:26

Tötkôlò öp anga-aṅ öp töt mahaköp nuk ṙô ngih Chöngö nö la-evṙen tö u. Ngaich ṙòkhöre ṙô min yip tarik nö ngö ṙô, Āmen.

HEPRĀI 11:26

Ṙātö el lōnre tö ngam sinrōngkūö Kristū nö tömötlö nö kanôlò tö nup töpōiṙāi kanôlò aṅ Aikup: pò ò nö ngëichngöre tö gnam invahal raneushö.

HEPRĀI 10:35

Uh yin lökten kavalngö ngam inyönglenre, ngam tö kumtö tö kiröng raneushö.

I. CHÖNGÖ 17:12

Ngaich, öp tarik öp tamölngenre kūönṙô, nö öt hang ṙô öp tösökhak nö meukṙen nö i kūö ngam Tēv meh ngam Mā Tēv, hēk ip ma-akah fālen, kumpaha min ngam tarik anga-aṅ: ngaich më-eṅ min kavalngö ngam tötlöök in Israĕl.

I. CHÖNGÖ 17:5

Ngaich më-eṅ kētö öp tarik kikōnyö hēk öp tarik kikānö, öp töngatī la-en nö ngaich tö ngih tötlöök, nö in nup inkūp meh anga-aṅ öp tarik kikōnyö meh hēk öp tarik kikānö; ngaich kulehe cha më-eṅ aṅtī tö ihong, hòṅ cha nö kapah.

HEPRĀI 11:6

Ötkô angū-ö nö ṙanāmölōn nö in Ò, yĕn öt īnu tö ngam ṙinātö ellōn: pò ò ngòh yamihtöre nö im Tēv nö hòṅ ṙātö ellōnre tö Ò nö töngatī, tö Ò inrē nö rameushen cha yip chamöhan.

HEPRĀI 1:1

Ṙōlkangen inlaha, ṙōlheuh inrē, ngam Tēv misī nö ve-ekūö yik muvöhngö hī, lökten i yik pròfĕt;

Salmai 68:17

Nët anāi köṅny nup inröl ngam Tēv, köṅny, köṅnyu nup: in u An ngamMā, sā re nö i Siyòn, el töhet chūök.

I. CHÖNGÖ 17:2

Yĕn tökôtivö el ṙôngö meh, la-ël nup inkūp kinlōngö meh öp kahëtö ngam Tēv ngam Mā Tēv meh nö in meh, kikōnyö hēk kikānö, öp töla-evṙen tö tötlöök nö i kūö ngam Tēv ngam Mā Tēv meh, nö i tanôichngen töm chöngö ò,

KINṘEŪKÖ 25:9

Ngaich cha-a yik tökapah tökūö ök invah nö lanëlngö nö nët anāi fën köny.

KINṘEŪKÖ 21:6

Ngaich ngam Mā Tēv nö tīntö pēch tötameūyu kūö nö in yik tarik, kap yik tarik ngaich anū-ö; ngaich pōihangṙen yik tarik Israĕl nö kapah.

KINṘEŪKÖ 16:49

Ngaich cha-a yik tökapah tökūö ngam lanëlngö nö fën sīön köny sātòng, nö hol tö yik tökapah nö kūö inlahen Kōrah.

KINṘEŪKÖ 11:33

Ṙòngmö i hôi kanap cha ngam alaha öl nö uṙā-a ngaich ngam lanīnö ngam Mā Tēv nö hūlökūö nö i yik tarik, ane inrē ngam Mā Tēv aṅtī tö yöng tölëlngökūö invah nö chökṙen yik tarik.

I. CHÖNGÖ 32:2

Sā sanuktö kumṙah an min ngam inköphöti tö chu, sā hanusngö tacham min ngam ṙô chu: sā kum kumṙah irōi tö-ayal kiyôp, sā töpaṙōnga inrē kumṙah nö i ṙōi kun chōn:

HEPRĀI 12:25

Meūkö e yin, ui sōḵen ngam tö takaka ṙô. Pò cha, yē cha nö kôḵòngvah, hē cha nö sōḵ tö ò, ngam mahatūitö elnang cha nö ing panam, kôḵòngvah min ayī-ö öi möthë, öi mahavööngö kūöre tö Ò ngam mahatūinyôre nö ṙā-ang elhalīöngö:

2 PĪTÖR 1:19

Ngaich aṅhaṅv-in tö ngam ṙô aṅ im minkahten, nö haköpi, ngaich yin yī-ö huveū-en öi haṙēmngenre, sā öp töhūkūö ëāṅvö nö el sinngūlö, hanöng saha minlīlö öp sakāmö, ngam misaha inrē nö meutlö nö ellōn yīö: