HEPRĀI 2:18 - TÖHET LĪPÖRE (Re-edited) Bible (BSI)

¹⁸ Pòn ngaich Anga-aṅ nö kihngen nö in e, kalaha, ngaich Anga-aṅ nö mihôiṅ nö holṙen cha, yip tö kalaha.

HEPRĀI 2:18 Referans Kwoze

1 KÒRIN 10:13

Öt kinlahavö yin töp tö möthë tö kanô-òṅ tarik. Tökô-en pöri ngam Tēv, ngam töt hō nö halöngten yīö, mötlö kinlaha, tö kanô-òṅ yīö; hē ngam kinlaha min Anga-aṅ nö vītö talöökö öt kanô-òngvah, hòṅ yīö kalēḵ keūnö e.

NGAM LĪPÖRE KAHŪICH YŪT 1:24

In ò yēḵ töngamuh ngam tökô nö laklen yīö im kinvē-ĕre, ngaich asöklen yīö i kūö ngam kanôlò Ò öi öt chanôchu im tökiröng ṙanāmölōn,

HEPRĀI 5:2

Ap tökô nö ṙēmen nö keun öt mikah, lanô-òngkūö inrē, pò ò anga-aṅ inrē nö havīlöng tö öt kumlēḵen;

INMEUKHÖMAT 3:10

Pò meh haköp ngam ṙô chu, ngam manöiyö chu inrē, aṅten meh chin min ip ṙētak kinlaha, öp ṙētak angū-ö, yamih nö i kui ngih panam nö ṙòkhöre, nö kamlaha cha yip mī-iyöng kūö ngih panam.

2 PĪTÖR 2:9

Huveū-en an ngam Mā nö ṙānyö tölöök nö ṙā-ang i kinlaha ngaich ṙātö tötlöök nö elkatòh ötinkôlò, söl ip sakāmö kinṙôka;

2 TIMÒTĪ 1:12

Angū-ö lökten chu inrē kihngen tö në; ngaich sön chū-ö öt sirōngkūö; pò chu akahakūö töp chūökre ṙātö ellōnre, ngaich akahalōn chū-ö tö Ò nö kô nö aṅtö yip kahëtö chu in Ò ip sakāmö.

T. YÔHAN 10:29

Mööḵlö tī An ngam Yöng Chu nö kē-ĕkūö Chu, tö taṙòkhöre. Öt hĕng tak tökô nö filinynyö u, nö ṙā-ang eltī ngam Yöng.

T. LŪKÖS 22:53

Hē Chu örheūheu hol yīö el ngam töhet chūök; ngaich rö-ö yī-ö hateutnyö këlre öi in Chu. Ngih pöngri ṙētak yīö, ane inrē kanô-òṅ ngam sinngūlö.

FILIPĪ 3:21

Ngam mahaṙīngö në yāich alaha hī, nö im tökôlò alaha Ò: lökten im minhôiṅyö Ò, nö kēhöt taṙòkhöre chehen nö elkatòhre.

T. LŪKÖS 22:28

Yī-ö yin töng ngöhöre hol Chu, i nup kanihngen Chu.