HEPRĀI 2:17 - TÖHET LĪPÖRE (Re-edited) Bible (BSI)

¹⁷ Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.

HEPRĀI 2:17 Referans Kwoze

HEPRĀI 4:14

Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.

HEPRĀI 2:14

Pòn ngaich më nyīö nö nôlta nö im alaha, mahām inrē, ngaich ngatī Anga-aṅ inrē nö nôlta nö in e; pòn hòṅ lökten im kinpaha, nö harāinyngen ò ngam tö minhôiṅyuvö tö kinpaha, anga-aṅ ngam sī-ö;

HEPRĀI 7:26

Ngam töngati mākūö kūön ṙô tö löngta nö in hī, töhet, öt tököölu, öt töchōchu, hakösiṙen tö tököölö fālen, tumlönglöngö tö minë halīöngö;

RŌMA 5:10

Pò hī, hē hī sin ṙòngmö kumnyah elmat, ngaich lökten im kinpaha ngam kūön Ò öi halāmtu im Tēv, möthë min ayī-ö hayöökaṙen lökten im nômö Ò, pôi ngaich halāmtu.

HEPRĀI 2:11

Pò cha nyöre tö ngam ma-ahethölö, tö cha inrē yip tö ahetlöngö nö ṙòkhöre no hĕng; angū-ö an lökten Ò nö öt sirōngkūö nö kisānuvö ṙô tö cha,

TANĪ-ĔL 9:24

Sat afta i nup samyeūheu nö chöngö i inlahen yip tarik meh töngam töhet elpanam meh inrē nö kinhēutngen ngam fālen, tinahngö tökööl, inlām tö ötlanöökö inrē, kinëtö lanöökö inrē töt chanūhuvṙen inköpngö kūö ngam tömeūkö tö ngam pròfĕt inrē, inchāmö kui ngam tölngö töhet chūökö inrē.

HEPRĀI 3:5

Ngaich kô Môsös nö kô-en, i nup patī ngam Tēv, nö sā mahalanṙen, nö inmeuktö nuk tövënyu tö unôichngöre;

KÒLÒSĪ 1:21

Ngaich yī-ö, ha-ehangen misī tö tumhëngi kumnyah-elmat inrē i nup tötlöök la-en yīö, ngaich töngamuh Anga-aṅ nö halāmhöti,

HEPRĀI 7:28

Pò ngam chöngö nö vī-il mākūö kūönṙô tö öt kumlēḵen; vīlö kūön pöri ngam ṙô aṅ im chūök ṙô, ngam tinömken ngam chöngö, nö örheūheu nö töteungten.

EFISÖS 2:16

Ngaich halāmten cha nö nëtre nö hēngö alaha nö im Tēv lökten ngam töhakālö, tö kinheūṅtenre nö fëlngö ngam kumnyah elmat, nö aṅtīten tö Ò:

RŌMA 15:17

Lökten chin ineū-euṅvö in Kristū Yēsū, i nup aṅ im Tēv.

LA-EN LĒVĪ 8:15

Ṙatnyö liḵeun ò anga-aṅ ngaich; ngaich kēḵ ök mahām ang Môsös, ngaich lūöptö e nö aṅtī tö kuntīre nö i kui nuk sinrōl ök tahāklö nö vinngö, nö ahetlö ngam tahāklö, ṙöstö ngam mahām inrē nö i rööntö ngam tahāklö, nö ahetlö e nö vītö inlām tökööl e.

HEPRĀI 3:2

Ngam tökô-en nö in Ò, ngam tamölṙô, sā Môsös inrē misī nö el nup patī ngam Tēv:

ISIKĪ-ĔL 45:20

Ngatī tī yī-ö inrē im sinātö sakāmö ngam chingëṅt nö kūö öp töhĕng tak tököölö fālen tökūö vanāchöre, hēk öt mikahre; ngatī min yī-ö vī inṙē-ĕl tökööl ngam tempöl.

ISIKĪ-ĔL 45:17

Ngaich angū-ö min nö la-en öp kūön rācha nö meukten nup töföngö tökētu, sāiny tökētu, òk tökētu inrē i nup tökiröng nyinā-aṅ, i nup ayöö chingëṅt, i nup anôilö inrē, ṙòkhöre nup anôilö inrē, ṙòkhöre nup töhalēnlöng tökiröng nyinā-aṅ i patī Israel: meukten tökētu tökūö tökööl min anga-aṅ, sāiny tökētu, töföngö tökētu, tökētu inrē kūö inlāmö, nö vītö inlām tökööl ngam patī Israel.

ISIKĪ-ĔL 45:15

Ngaich hĕng nòng sīṅp nö i töhĕng kitēum nup tönëtòng, nö ṙeū-eung i mupīhö Israel. Ngih ön tökētu i nup sāiny tökētu, töföngö tökētu, tökētu inrē kūö inlāmö, nö vinīten inṙē-ĕl tökööl cha, ṙô ngam Mā Tēv.

Isayā 11:5

I ṙat ò min ap lanöökö nö nyanëk ṙat, ngam kanô-en inrē nö nyanëk el ulāvö ò.

2 KINṘÖTNGÖ 29:24

Ṙatnyö likeun u ngaich yik kūönṙô ngaich vītö ök mahām u nö inlām tökööl nö el ök mīs, nö vanī inlām tökööl yik Israĕl. Pò ngam rācha nö tölṙô töföngö tökētu tökētu inrē kūö tökööl nö chöönyöten tö yik Israĕl nö ṙòkhöre.

LA-EN LĒVĪ 6:30

Öt kāḵ-a min öp tökētu kūö tökööl, öp tökēhĕtvö mahām nö el ngam rūkui manūlö el ngam töhet chūök, nö vanī inlām tökööl: föngö an min angū-ö nö i kūö tameūyö.

LA-EN LĒVĪ 14:18

Ngaich öp chööḵ ngam tavī-i eltī ngam kūönṙô nö lūöptu nö i kui ò ngam töhalööklöngö: ngaich ngam Kūönṙô min nö vī inlām tökööl ò nö i kūö ngam Mā Tēv.

LA-EN LĒVĪ 16:16

Ngaich anga-aṅ min nö vī inlām tökööl ngam töhet chūökö, pò yip kūön Israĕl nö öthet, kūö nup tanôichngen cha inrē, ṙòkhöre nup tökööl cha: ngati tī min anga-aṅ inrē nö ip rūkui manūlö, öp mī-in cha ellōn ngam öt hanëtö cha.

KINṘEŪKÖ 15:25

Ngaich min öp kūönṙô nö vī inlām tökööl yip tömaṙôngö kūön Israĕl nö ṙòkhöre, ngaich aṙēlöngö min cha-a; pò e nö lanôḵngen, ngaich cha-a inrē nö kētö inlöökre, nö im Mā Tēv nö lökten i kūö tameūyö, ane inrē öp tökētu nö i kūö ngam Mā Tēv kūö tökööl cha kūö lanôḵngen cha:

HEPRĀI 2:16

Pòn kô Anga-aṅ nö öt kētöre nö i ma-ahānga, kētöre pöri Anga-aṅ nö kūön Aprahām.

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

HEPRĀI 4:15

Pò hī öt īnu tö mākūö kūönṙô, tö ngam töt hōḵ nö öt akahaiṙen nö lūölka tö öt kumlēḵen hī: tö ngaich pöri Anga-aṅ nö kalaha nö keuheūttöre lā-a löktö, nö sā hī, öt īnu pöri tö tökööl.

HEPRĀI 5:1

Pòn ṙòkhöre vē mākūö kūönṙô, nö ṙā-ang i tarik nö kē-ĕ, pòkūö tarik nö vīlöngö nö i nup aṅ im Tēv, pòn hōtu nö hĕnghöre kētö nup inlōnti, kūö tökööl, nup tökētu inrē;

HEPRĀI 5:2

Ap tökô nö ṙēmen nö keun öt mikah, lanô-òngkūö inrē, pò ò anga-aṅ inrē nö havīlöng tö öt kumlēḵen;

HEPRĀI 5:5

Ngatī Kristū nö öt hapōilöre im ineū-euṅ nö vīlöngö nö mākūö kūönṙô, tön Anga-aṅ ngam vamë-eṅ kūö Ò: Me-eṅ man Kūön chu, I ngih sakāmö öm lökngörit chu:

HEPRĀI 5:10

Kaheūkö tö ngam Tēv nö mākūö kūönṙô sā chöngö Melkisētĕk.

HEPRĀI 6:20

In e nö sā mu-urĕh Ang Yēsū nö kuhēthötre tö pòkūö hī, ngaich nö örheūheu nö mākūö kūönṙô sā ngam chöngö Melkisētĕk.

HEPRĀI 8:1

Ngih ön yöngkūö ngam kahòkkö hī: aṅhaṅv-in in tö mākūö kūönṙô ngam amūichngöre nö lahāmö ngam kantēra ngam Rācha el minë el halīöngö.

HEPRĀI 8:3

Pòn kö vīlöngö vē mākūö kūönṙô nö hĕnghöre kētö inlōnti nup tökētu inrē: lökten ön ngòh mākūö kūönṙô inrē nö hòṅ kahëtuvö.

HEPRĀI 9:11

Ngaich pöri Kristū nö yih, nö mākūö kūönṙô nup tölöök yamih, löktö el ngam tömötlö ṙôkö, taneungta inrē inrūkui, öt vahī kuntī, öt rēhĕn nö aṅ ngih tövīlöngö.

HEPRĀI 10:21

Ngaich hĕng tak ngam el patī ngam Tēv, mākūö kūönṙô;