16 Pòn kô Anga-aṅ nö öt kētöre nö i ma-ahānga, kētöre pöri Anga-aṅ nö kūön Aprahām.
Ngaich yē yīö aṅ in Kristū, ngaich yī-ö kūön Aprahām, tö-amīnu sā ngam kinlēḵngô.
Löö in Aprahām min minë kinlēḵngô, ip lamökngörit ò inrē. Öt ngö ṙô Anga-aṅ, Löö i yip lamökngörit, nö sā tömaṙôngö; sā tö hĕng tak pöri, Löö ip lamökngörit meh, Anga-aṅ ang Kristū.
Ane inrē im kūön meh min mumā-aṅ tarik ngam tumlat nö tökôlò, pò meh hang ṙô Chu.
Pò cha nö kôḵngen nöng haroh tum sumkam nö chökṙen hī, ip tölngö lōn cha; Anga-aṅ pöri kūö inkôlò hī, hòṅ hī hamòlkūö im hanëtö Ò.
Pò ngòh tarik nö i tökiröng nö chūöku ṙô: ngaich i nup kinīlö ṙô, manā-aṅ ngam chūök ṙô Ò nö haköphanga.
Pòn kô nö kôlò tī ngam tunnyinyngö yē meh öm tö la-evṙen tö aṅ im chöngö; yē meh pöri pumyāingö ngam chöngö; ngaich ngam tunnyinyngö meh nö vīngöre nö öt tunyinyngö.
Ngam tö ha-ëhelen inkaha misī nö kô, urēhĕkūö ranehlö ngih panam, ngaich pöri nö hameuktu i manāngen nuk ṙētak tö pòkūö yīö,
Ngaich ṙānyen cha nö ṙòkhöre më töpa-ekūö tö kinpaha, më tö hakövö nö i rô-òtö nômöre.
Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.