HEPRĀI 2:14 - TÖHET LĪPÖRE (Re-edited) Bible (BSI)

¹⁴ Pòn ngaich më nyīö nö nôlta nö im alaha, mahām inrē, ngaich ngatī Anga-aṅ inrē nö nôlta nö in e; pòn hòṅ lökten im kinpaha, nö harāinyngen ò ngam tö minhôiṅyuvö tö kinpaha, anga-aṅ ngam sī-ö;

HEPRĀI 2:14 Referans Kwoze

2 TIMÒTĪ 1:10

Ngaich hameuktu tö ngamuh lökten i inmeuktö ngam mahayööken hī Kristū Yēsū, ngam ma-asökngö ngam kinpaha ngaich kētö nômö, ötchinhūngö inrē nö el hanātö, lökten im tölöök inhānga.

RŌMA 8:3

Pò ngam öt kanô-òṅ nö la-en ngam chöngö, nö kūö e nö öt kalēḵen lökngen ngam alaha, tīnhöti ngam Tēv tö ngam Kūönre nö sā inlahen tarik tö īnu tö tökööl ngaich öthakôlò ngam tökööl nö im alaha:

KÒLÒSĪ 2:15

Ṙā-ang nup minā-aṅ, chöngö inrē nö ṙā-ang in re, hangāṅlnyö inmeuktö u Anga-aṅ, mihôiṅ ngaich tö u nö in e.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

HŌSĪ 13:14

Hö-ö chin min hòṅ hayööken vē tarik nö ṙā-ang im kinpaha el anū; ö hēk öt ṙānyen cha nö ṙā-ang im kumlēḵ ngam kinpaha. Kumtö nup tö kapahukūö man invah me-eṅ, kinpaha! kumtö nup öt inkôlò re man me-eṅ chūök kupah! Hö-ö chin hòṅ rahëichtit miṙēlōn tö vē tarik.

Isayā 25:8

Ngaich an nö keuheūt nö ngeūṅktö ngam kinpaha nö urāngen; ngam Mā Tēv inrē min nö chūtngö mak mat nö ṙā-ang i kūö taṙòkhöre ngam minṙēngö yip tarik ò min inrē nö kē-ĕyö tö ò ṙā-ang i kūö në tumlat; pò e nö ṙô ngam Mā Tēv.

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

1 KÒRIN 15:50

Angū-ö an ṙô chu, yī-ö hol chu, ötkô ön ngih alaha, mahām inrē, nö amīnu tö ngam pūlngö ngam Tēv. Ötrēhĕn nö kô ngih tö chahū-uyö nö amīnu tö ngam töt chahū-uyö.

INMEUKHÖMAT 1:18

Öich tö aṅ inrē; kapah sin Chu-ö, ngaich yĕh meuk, örheūheu Chin ngaich aṅ, aṅhaṅv-in Chin inrē tö në tinkīök ngam kinpaha, tö ngam chūök tökapah inrē.

RŌMA 14:9

Pòn kūö e Kristū nö kapah, ngaich aṅ hēk, hòṅ Ò nö Mākūö tökapah, hĕnghöre tö aṅ inrē.”

Isayā 53:12

Lökten chin min michööḵ an tö minchööḵö tökiröng, ngaich anga-aṅ min inrē nö michööḵ pôḵ nö in öp tökalēḵ; pò ò nö vōknyö aṅ i nômö re nö im kinpaha, kaheuktuvö inrē anga-aṅ nö i tötlöök; sön anga-aṅ nö keun tökööl tömaṙôngö, ane inrē ve-elkui tököölö fālen.

HEPRĀI 2:18

Pòn ngaich Anga-aṅ nö kihngen nö in e, kalaha, ngaich Anga-aṅ nö mihôiṅ nö holṙen cha, yip tö kalaha.

INMEUKHÖMAT 2:10

Uh man pa-ekūö tö u nup töt ṙôktörevö kanihngen meh; yĕh meuk, tö ngam sī-ö nö hòṅ rultöre nö sukhöt yip rēvre tö yīö nö el kinlōngö, hòṅ yīö kalaha; kanihnguṙen yin min söm sumkam. Söl i kinpahare kanô-en man yēḵ, ngaich kē-ĕkūö meh min chu-ö tö sapīöv aṅ i nômö.

HEPRĀI 4:15

Pò hī öt īnu tö mākūö kūönṙô, tö ngam töt hōḵ nö öt akahaiṙen nö lūölka tö öt kumlēḵen hī: tö ngaich pöri Anga-aṅ nö kalaha nö keuheūttöre lā-a löktö, nö sā hī, öt īnu pöri tö tökööl.

KALATĪ 4:4

Hē sanölta ngam ṙētak pöri, tīntö ngam Kūönre ngam Tēv, kayôḵnyu tö kikānö, kayôknyu nö elkatòh ngam chöngö;

T. YÔHAN 12:24

Tökô-ò ṙô Chin tö yīö, Yē ngam kulöl saīny nö fuk el tumlat, nö öt chahū-uyö; ngaich höngngöh angū-ö, min nöng kahngenre. Yē e pöri nö chahū-uyö, ngaich pōyen ṙòng.

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

INMEUKHÖMAT 20:2

Ngaich kētö tīre anga-aṅ nö im tulan, ngam hötṙeh pēch, ngam sī-ö, Sātān inrē, ngaich nyëkngen ò nö hĕng köṅny samyeūheu,

INMEUKHÖMAT 12:9

Suktu ngaich ngam tökiröng tulan, ngam pēch misī, ngam sī-ö, Sātān invëka, ngam mahachīl në taṙòkhöre panam. Suktu anga-aṅ nö el tumlat; hol ò nö ṙòkhöre yip Ma-ahānga ò, nö suktu.

1 TIMÒTĪ 3:16

Kiröng an ngam öt mikahkūö aṅ im lanöökö, öt kilka nö ṙô; Anga-aṅ ngam tö hameuktu nö im alaha, hameuktu nö ma-alaha nö tölöök, meūkö tö ma-ahānga, ahangka i vē tarik, in Ò nö ṙātö ellōnre vē aṅ ngih panam, kēḵlöngö im kanôlò.

T. MËTIV 25:41

Ngaich ngö ṙô min Anga-aṅ tö cha, yip latavē Ò, kē-ĕngre yin, ṙā-ang in Chu, yī-ö tötkôlò, el ngam tötnyangngö tameūyö, tö halēnkaṙen tö pòkūö ngam sī-ö, yip ma-ahānga ò inrē.

Isayā 7:14

Lökten an ngam Mā min nö kē-ĕkūö yīö tö minkahngö. Yĕh meuk hĕng tak öp min töt chô-òv rēlö pumrūkö nyīö, ngaich kayôḵnyö kikōnyö nyīö, ngaich kaheuk minë-eny ò min nö Immanuĕl.

T. MËTIV 16:17

Ngaich ngö ṙô Yēsū tö’, Sīmōn kūön Yôna; tökôlò man me-eṅ; pòn öt alaha, öt mahām inrē. Mahameuktö e nö in meh; tön ngam Yöng Chu, el halīöngö.

1 KÒRIN 1:28

Nup yāich ing panam, nup tö sōḵov inrē, katöllö ngam Tēv, nup törö-öv inrē, pòn hòṅ harööḵngen nup töngöh Anga-aṅ:

HEPRĀI 2:17

Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.

HEPRĀI 10:5

Lökten hē Ò nö yih nö ing panam, ngö ṙô Anga-aṅ, Ötlōnu Man tö tökētu: alaha pöri öp tö halēnö tö Meh nö pòkūö Chu.

HEPRĀI 10:10

Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

1 PĪTÖR 1:20

Ngam tö ha-ëhelen inkaha misī nö kô, urēhĕkūö ranehlö ngih panam, ngaich pöri nö hameuktu i manāngen nuk ṙētak tö pòkūö yīö,