HEPRĀI 2:11 - TÖHET LĪPÖRE (Re-edited) Bible (BSI)

¹¹ Pò cha nyöre tö ngam ma-ahethölö, tö cha inrē yip tö ahetlöngö nö ṙòkhöre no hĕng; angū-ö an lökten Ò nö öt sirōngkūö nö kisānuvö ṙô tö cha,

HEPRĀI 2:11 Referans Kwoze

HEPRĀI 10:14

Pòn lökten i ngam töhĕng tökētuvö, Anga-aṅ nö hateungten cha nö örheūheu yip tö-ahetlöngö.

HEPRĀI 10:10

Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

T. YÔHAN 20:17

Ngaich ngö ṙô Yēsū tö ò, Uh Chin lūölka, tön öl Chin yônlö im yöng. Kiröönngöre pöri, kuṙòh; ve-eny nang yip hol Chu tö Chu yônlö im Yöngre, Yöng yīö inrē; im Tēv Chu, Tēv yīö inrē.

HEPRĀI 13:12

Lökten Yēsū inrē, pòn hòṅ ahetlö yip tarik Anga-aṅ nö lökten i mahāmre, kihngen nö lā-uk ök inkūp.

RŌMA 8:29

Kūö cha Anga-aṅ nö urĕhten mikahlōn, ngaich urēhĕng tī nö halēnngen, nö hateungtu i insā-a ngam Kūön Ò, pòn hōtu Anga-aṅ nö lanòh yip tö maṙôngö holre:

T. YÔHAN 17:19

Pò kūö cha Chin ahetlöre, hòṅ cha cha-a inrē nö ahetlöngö, nö im kanô-en.

T. YÔHAN 17:21

Hòṅ cha nö ṙòkhöre nö hĕng; sā Meh Me-eṅ Kayöngö in Chu; in Meh Chū-ö; hòṅ cha cha-a inrē nö in hā; hòṅ ngih panam nö ṙātö ellōnre tö Meh Öm tīnten Chu.

T. MËTIV 25:40

Ngaich ngö ṙô min ngam Rācha nö sap ṙô cha, Tökô-ò ṙô Chin tö yīö, I tum heuh tī yīö i vē kahëm Chu, vē yāich takô; ngaich mi-in Chu tī yī-ö.

HEPRĀI 2:14

Pòn ngaich më nyīö nö nôlta nö im alaha, mahām inrē, ngaich ngatī Anga-aṅ inrē nö nôlta nö in e; pòn hòṅ lökten im kinpaha, nö harāinyngen ò ngam tö minhôiṅyuvö tö kinpaha, anga-aṅ ngam sī-ö;

KALATĪ 4:4

Hē sanölta ngam ṙētak pöri, tīntö ngam Kūönre ngam Tēv, kayôḵnyu tö kikānö, kayôknyu nö elkatòh ngam chöngö;

INLAHEN 17:26

Ngaich Anga-aṅ nö vīlö ngòh tarik nöng hĕng, nö iyöng kūö në taṙòkhöre panam; halöök ṙētak hē cha, nup tölngökūö elyöngö cha inrē.

HEPRĀI 11:16

Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.

T. MĀKÖS 8:38

Ngòh tösirōngkūö tö Chu, tö në ṙô Chu inrē, i ngih ma-asĕha, tököölö fālen tūmö; sumrōngngökūö ò min ngòh Kūön Tarik, yē Ò nö yih nö im kanôlò ngam Yöngre, nö holtö yip töhet ma-ahānga.

T. MËTIV 28:10

Ngaich ngö ṙô Yēsū tö cha, Ui pa-ekūö, Kuṙòh ve-eny nang yip kahëm Chu, hòṅ cha nö chuh Kelelī; in e yip min nö meukkūö Chu.

INLAHEN 17:28

Pò hī höng in Ò öi aṅ, halöinyköre, ngaich öi tarik. Sā ṙô yik rēvre vamī tinkökö yīö, nö ngö ṙô, Ṙòkhöre in öi kūön Ò.

T. LŪKÖS 9:26

Pò ngòh tösirōngkūö min tö Chu, tö në ṙô Chu inrē; anga-aṅ min tösumrōngikūö tö ngòh Kūön Tarik, yē Ò nö yihtöre nö ip kanôlòre, kanôlò ngam Yöng inrē, yip töhet ma-ahānga inrē.

T. MĀKÖS 3:34

Ngaich havīngömatre Anga-aṅ nö i yik amūichhaka, nö havīlen Ò; ngaich ngö ṙô Anga-aṅ, Yĕh meuk, ngam yöng Chu kikānö; vē mëm Chu inrē.

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;