HEPRĀI 2:10 - TÖHET LĪPÖRE (Re-edited) Bible (BSI)

¹⁰ Pò e nö tölöök nö in Ò, ngam tö amīnu tö taṙòkhöre, ngam löklen në taṙòkhöre inrē, nö kētö kūön nö maṙôngö nö im kanôlò, nö vītö ngam mahachöngten inyööken cha nö teungten nö lökten i kanihngen.

HEPRĀI 2:10 Referans Kwoze

RŌMA 11:36

Pòn aṅ in Ò, lökten in Ò, in Ò inrē në taṙòkhöre chehen: kanôlò Ò yēḵ örheūheu. Āmen.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

HEPRĀI 6:20

In e nö sā mu-urĕh Ang Yēsū nö kuhēthötre tö pòkūö hī, ngaich nö örheūheu nö mākūö kūönṙô sā ngam chöngö Melkisētĕk.

INLAHEN 5:31

Anga-aṅ hapōilö ngam Tēv nö lāhāmö Ò, nö Rācha, Mahayööken inrē; hòn kētö invöötö ellōn nö in Israĕl, inṙē-ĕl tökööl inrē.

T. LŪKÖS 24:46

Ngaich ngö ṙô Anga-aṅ tö cha, Ngö kinūichngö an tö Kristū nö tökihngen; ngaich havanlöre hēk im linūöi sumkam, nö ṙā-ang yip tökapah.

T. LŪKÖS 24:26

Tö sōtu ang Kristū nö ngatī kanihngen tö u, ngaich kuhēthötre nö unôich nö im kanôlòre?

1 PĪTÖR 5:10

Ngam Tēv, lökten taṙòkhöre inlōnti, ngam mahavëten yīö im tö-örheūheu kanôlò, in Kristū, Anga-aṅ min mahateungten yīö haköpö yīö, hangëken yīö inrē; unôichrit yīö rahëchtaṙen kihngen.

1 KÒRIN 8:6

Sön pöri nöng hĕng ngam Tēv nö in hī, ngam Yöng, löklö in Ò në taṙòkhöre, in Ò inrē ayī-ö; hĕng ngam Mā, Yēsū Kristū, lökten në taṙòkhöre, lökten Ò ayī-ö inrē.

HEPRĀI 7:28

Pò ngam chöngö nö vī-il mākūö kūönṙô tö öt kumlēḵen; vīlö kūön pöri ngam ṙô aṅ im chūök ṙô, ngam tinömken ngam chöngö, nö örheūheu nö töteungten.

EFISÖS 3:10

Pòn hōtu töngamuh nö mikahtulōn yip yöngṙen tömihôiṅ inrē el halīöngö nö lökten ngam Māṅ, tö ngam töṙōlkangen mikah ngam Tēv,

INMEUKHÖMAT 4:11

Tökô Man Me-eṅ, Mā ih ane inrē Tēv ih, Öm kē kanôlò ineū-euṅ minhôiṅyö inrē; pò meh vamī-iṅl taṙòkhöre; pòkūö lōn meh anū-ö nö sökhaka, nö vīlöngö.

2 TIMÒTĪ 2:10

Lökten chin keūnö u nö kanihngen kūö yip tökatöllöngö, hòṅ cha nö teūngen tö ngam in yööken aṅ in Kristū Yēsūs nö hol tö ngam töt chanūhuv kanôlò.

KÒLÒSĪ 3:4

Hē Kristū min nö hameuktu, ngam nômö hī; hameuktu yī-ö min inrē hol Ò, im kanôlò.

KALATĪ 3:26

Pò yīö ṙòkhöre kūön ngam Tēv, lökten im mikah in Yēsū Kristū.

2 KÒRIN 3:18

Ṙòkhöre pöri ayī-ö, öi öt ranangngukūö, sā yaneich tö ngam kanôlò ngam Mā i mat tinmël öi haṙītu im insā ṙeū-eung im kanôlò nö im kanôlò, sā aṅ im Mā ngam Töhet Fanöinylö.

RŌMA 9:23

Hòṅ Ò inrē, nö mikahtölōn, tö ngam vanāyö Ò, nö i nup chehen neūkölōn, nup tö halēni misī nö lā urĕh tö Ò, nö im kanôlò,

INLAHEN 3:15

Ngaich fëlngö ngam löknnyö nômö, ngam tö hachohlöng nö ngaich tö ngam Tēv; ihö in ṙòkhöre mameūkö e.

INCHŌḴ-OṘÔ 16:4

Chööḵnyu tī an ngam Mā Tēv nö vī tökeuheūttöre, ngam tötlöök inrē ip sakāmö kanihngen.

INMEUKHÖMAT 7:9

Unôichrit u, chū-ö meuk tömaṙôngö töt kanṙeūken tarik, aṅ i taṙòkhöre pūlngö, miyöngö tarik, ëlô inrē. Sökhaka i kūö kantēra ngam pököre inrē, inyūtuvö tö tö-aṙū-uti tö-isoh, aṅhaṅv eltī inrē tö rōi kachūr.

1 PĪTÖR 5:1

Lökten chin halēn yip mahaköphöti in yīö, chu-ö hamòl cha mahaköphöti, ane inrē mameuk kanihngen Kristū, chu-ö inrē hamòl im kanôlò tö hameuktu min:

1 PĪTÖR 1:12

In cha nö hameuktu angū-ö, öt höng meukṙen cha-a tö u, tön meukṙen yīö, tö u nup tövënyu töngamuh nö in yīö, nö löktö i ṙô yip ma-ahangkö ngam tölöök inhānga nö in yīö, lökten im Töhet Fanöinylö tö tīntu nö ṙā-ang el halīöngö: nup lōn yip ma-ahānga nö hòṅ meuk.

HEPRĀI 7:26

Ngam töngati mākūö kūön ṙô tö löngta nö in hī, töhet, öt tököölu, öt töchōchu, hakösiṙen tö tököölö fālen, tumlönglöngö tö minë halīöngö;

EFISÖS 2:7

Hòn ip ṙētak Anga-aṅ nö hameuktö ṙôkö kanôlò ngam inlōnti aṅ in Ò, i miṙēlōn tö hī, in Kristū Yēsū:

2 KÒRIN 6:18

Yöng yīö chin min, ngaich yī-ö sā kūön chu tö kikōnyö, kikānö inrē, ngö ṙô ngam Mā Tēv Tökeuheūttöre Chöngö?

2 KÒRIN 5:18

Ṙòkhöre pöri nö aṅ im Tēv, ngam mahalāmten hī nö in re lökten in Yēsū Kristū, ngaich kē-ĕvkūö ayī-ö tö mineukṙen ngam inlāmö;

2 KÒRIN 4:17

Pò ngam töng höhöv chanöökö ih, ngam töng rahëichtaṙen, nö vītö nup tö ṙūöhlöre ṙôkentöt chanūhuvṙen lumngan kanôlò;

1 KÒRIN 2:7

Ṙôtö ngam mikah ngam Tēvpöri īhö; i öt mikahkūö sin, ngam tö hayūni sin misī, ngam töhalēni tö ngam Tēv, nö lā-urĕh tö në panam, nö kanôlò hī.

T. YÔHAN 19:30

Keuheūthëkūö Ang Yēsū tö ngam töhikīölhu vāin ngaich ngö ṙô Anga-aṅ, Keuheūten an nö ngaich. Sōntökūöre Anga-aṅ; ngaich kēḵngö ök ma-alahare.

T. YÔHAN 11:52

Öthöng pòkūö yik tarik, tön hōtu Anga-aṅ inrē nö hamūl yip kūön ngam Tēv nö hĕng, yip töparāta.

T. LŪKÖS 13:32

Ngaich ngö ṙô Ang-aṅ tö cha; Kuṙòh; ngö ṙô yin tö ngam am aṅ el-inchōn. Yĕh meuk, ahōng sī-ö Chin, ane inrē halanken invah tötaheui, huṙöich inrē im linūöi sumkam Chu-ö min teungten.

T. LŪKÖS 2:14

Kanôlò ngam Tēv yēḵ nö el halīöngö kumchikṙen nö el tumlat, hanāngenlōn nö i tarik.

MAIKA 2:13

Urēhĕkūö cha an nö ngaich ngam ṙamānyö: talungköiny yin nö ngaich nö kū-ö tö kūö inkūp, ngaich löknyö in e nö kunyī-inyre: urēhĕkūö cha ngam rācha cha, ngaich ngam Mā Tēv nö yöngkūö cha.

HŌSĪ 8:10

Hôṅ pòrô cha-a nö in yip pumnāmö tarik nö haṙāi, hamūlö cha chū-ö min; pò cha nö rĕhngenre nö kūön-ngöre ṙôken tökūö lumngan tī ap rācha aṅ in yip kūön rācha.

Isayā 55:4

Yĕh meuk, vīten ò chin nö mahameukhöti nö in më tarik, mahachōkūö töchöngu inrē nö in vē tarik.

Isayā 43:21

Yip tarik vahī chu nö tarik chu pòn hōtu cha-a nö ṙô-òv tö nöinyö chu.

Ranehlö 18:25

Marôvat ön angū-ö tö Meh Öm ngatī inlahen tī, Öm fëlngö tölöök nö anòngngen tötlöök; marôvat ön angū-ö tö Meh; röh Ang ngam Ma-akah në taṙòkhöre panam nö töhòṅ chīpö tī?

KINṘEŪKÖ 7:15

Hĕng nòng kōiny kūön nuā, hĕng nòng kūön sīṅp, hĕng nòng kōiny kūön sīṅp, aṅ im raneh samyeūheu, töföngö tökētu: