Biblia Todo Logo
Bib sou entènèt

- Piblisite -




HEPRĀI 2:1 - TÖHET LĪPÖRE (Re-edited) Bible (BSI)

1 Lökten in hòṅ mötlö kumlēḵlōn, öi hakūötö kūöre tö nuk tö ngaich ahangre, hòṅ hī öt amahaiṙen hëmngö ṙā-ang in u.

Gade chapit la Kopi




HEPRĀI 2:1
25 Referans Kwoze  

Nup me-el tölöök tumlat, cha-a yip tölöök, tökô-en ellōn, hamang ngam ṙô, haköpngöre ngaich, ip manööyö, ngaich nö ṙônguvö.


Höng haṙēmngenre man, kalē-ĕlōn haköpöre, hòṅ meh öt vaichngö tö nuk tö ngaich nö meūkö tö meh, hòṅ u nö öt ṙāngö ngam ellōn meh i rô-ò ten meh aṅ; mikaktölōn yip kūön meh pöri tö u, yip kūön yip kūön meh inrē.


Kahōlö, innëtö līpöre ön ngih töngamuh kahūichtö chu in yīö; i mat u nö nëtre öich harunlö nup tökô-en ellōn yīö, i finëlö yīö;


Hôṅ, hòṅ haṙūöttökūöre chin hòṅ yīö min örheūheu kô-òren, unôichrit kinpaha chu, öi fē-ĕlre tö u.


Kūön chu, haköp tökô-en mikah inkaha inrē; un hökiṙen anū-ö nö kē-ĕngre tö mat meh.


Aṅtī tö yòh ang ngòh ṙāl tarik nö ahetlö el talöököre? Höng ngam inṙēmngen nö sā ngam ṙô meh.


Ngaich më-eṅ min kôlò yē meh kūötenre haköp në inchöngten. Chöngö inrē tinöölô Môsös nö in yik Israĕl tö ngam Mā Tēv, Ngëḵ man yĕh, öt pinhë-eṅvkūö inrē. Um pa-ekūö, um ngangngö kūö inrē.


Vaichngö yin tö ngam ṙinūöhöl alaha, vame-ekūö, nö sā kūönre ṙô; Kakūönö, uh man höhölōn tö ngam vinëköre aṅ im Mā Tēv, um rēhĕn uhā-en yē meh chöken tö Ò.


Mātu yin yih, ngaich öt meuk hòng? Elnāngu yin yih, ngaich öt hang hòng? Öt köpölōn hòng yī-ö inrē?


Öl öi akahalōn, öt rēhĕn hòng köpölōn tö nuk tö taneui ròtī, i yik tötaneui köṅny; ngaich ām kumvôkö chahap yī-ö?


Haṙēmngenre pöichö, hòṅ yīö öt vaichngö tö ngam kinlēḵngô ngam Mā Tēv ngam Tēv yīö, ngam ṙô ò nö in yīö, ngaich vī insātēvre yī-ö tö tösā nup sinôḵngen yīö tö ngam Mā Tēv ngam Tēv yīö.


Tööḵngen man ngaich tö ngam ineū-eu meh nö sumrōngkūö: ka-eūt man yĕh me-eṅ inrē, ngaich hameuknyö ngam tunnyinyngöre: havāngtu an min ngam kōp ngam Mā Tēv lā hāmö ò nö in meh ngaich öp ineū-eūṅ meh min nö aṅhavkui tö ngam töchōich sumrōngkūö!


Hökngen në ṙô yin nö meuthöt nö elnang yīö; pò ngòh Kūön Tarik min nö kētuvö nö eltī tarik.


Yĕh meuk, tö chu hachohlö yip aṅ Kāltī, yip tötainy tökurāten inrē nö pumnāmö tarik; yip kumröön nö lök ṙôktāk ngih tumlat, nö kē amin re tö nup elyöngö chūökö nup töt kanahngen cha.


Kēḵ ihong cha-a ngaich nö hòṅ kulehan; hanyatngöre ngaich Yēsū, ngaich kunyī-inyre, nö ṙā-ang el ngam töhet chūök.


Swiv nou:

Piblisite


Piblisite