HEPRĀI 13:9 - TÖHET LĪPÖRE (Re-edited) Bible (BSI)

⁹ Uh yin hëmngö tökūö nup töṙōlkangen inköphöti: tön tölöök an yē ngam ellōn nö haköpi tö ngam inlōnti: röön lökten i nya-aṅkūö, ngam töt kanôluṙô tī tö cha yip lamök in e.

HEPRĀI 13:9 Referans Kwoze

EFISÖS 4:14

Hòṅ hī öt sā nyīö, öi hëmngö, heuingö inrē, i inköphöti inchīlö tö tarik, i huneū-en inchōḵngö im tö vaich.

EFISÖS 5:6

Un tarīkuvö mahachīlö yīö, i minyôinyaṅ ṙô; tön kūö u an ngam lanīnö ngam Tēv nö yih nö i yip kūön töminôṙô.

RŌMA 14:6

Ngòh mahaköpkö ngam sakāmö, haköpkö e nö im Mā: ngòh nyamā, im Mā nö nyā, pòn ha-öiny ngam Tēv anga-aṅ; ngaich anga-aṅ ngam töt nyamā, öt nyā nö im Mā, ngaich nöng ha-öiny ngam Tēv.

1 YÔHAN 4:1

Kahōlö, un ṙātö ellōnre i töng ma-alahaṙa, kalah yip ma-alaha pöri yē cha nö aṅ im Tēv; tön pōyen yik nö ngaich töminyôiny pròfĕt nö chuh i në panam.

INLAHEN 20:30

Hĕnghöre löklö in yīö yip min tarik, tö ṙôtö tötlöök, nö hòṅ hachōḵngen yip mahaköp nö asīnken cha.

NGAM LĪPÖRE KAHŪICH YŪT 1:12

Acha-a yin vē ihong tö nyöptikui im nyina-aṅ hanāngenlōn tö yīö, yē cha nö holkūö yīö, yōm pököre töng maha-aṅhaṅlre, töt īnu tö pinheṅ-eṅkūö; taṙul töt aṅhaṅv tö mak, kumröön kuföt nöng heuingö; chōn el anöhtökūö chuhöt töt ṙônguvö, nët tum nö kapah, nyòklöngö nö holtö ṙĕhre;

1 TIMÒTĪ 6:20

Ō Timòtī, aṅtö ngam kinë-eṅkūöre man, havööngökūöre tö nup töchōich ṙô töt akaha, nup tö harīkngöre tö ngam mikah, nup tösūöichka nö mikah;

NGAM LĪPÖRE KAHŪICH YŪT 1:3

Kahōlö, i panītnyöre chin kūichhöti in yīö, tö inlahen ngih inyööken tarik; hòṅ kūichhöti chin in yīö, hōten yīö chin i tölngöre, laklö ngam mikah, ngam töng hĕng heuh kinëti nö ngaich nö i yip töhet.

2 TÖSALÒNIKĒ 2:17

Haṙamlōn yīö, haköpö yīö inrē, i tölöök la-en, tölöök ṙô inrē.

T. MËTIV 24:24

Tön maṙôngö yip min töminyôiny Kristū, töminyôiny pròfĕt inrē; pōyen hameukti yip min tö minkahngö, pinngangkūö inrē, pòn hòṅ halō-ongkūö yip tökatöllöng tö ngam Tēv, yĕn kô.

T. MËTIV 24:4

Ngaich ngö ṙô Yēsū, nö sap ṙô cha. Haṙēmngenre yin, hòṅ yīö öt halō-oikūö tö tarik.

KÒLÒSĪ 2:4

Ṙô chu an angū-ö, hòn öt hĕng tak mahachīlö yīö nö hol tö mileūchen ṙôre.

2 KÒRIN 1:21

Ngam Tēv an mahaköpngen ih hol yīö, nö in Kristū ngaich hacham elkui hī,

1 KÒRIN 8:8

Öt kēten hī pöri min ngam nyinā-aṅ nö im Tēv: ötrēhĕn öi ṙūöhngen re yĕi öt nyā; ötrēhĕn öi ĕhten yĕi nyā.

RŌMA 14:17

Tön rö-ö an ngam pūlngö ngam Tēv nö nyina-aṅvkūö, inôkö inrē, tön lanöökö, lanāmö, ṙanāmölōn inrē, im Töhet Fanöinylö.

RŌMA 14:2

Hĕng tak öp tökô tö lōnre, nö keuheūt nyahāṅre: ngaich pöri ngam töt kalēḵ nöng nyā rōi chōn.

INLAHEN 20:32

Ngaich chin töngamuh kēten yīö im Tēv, im ṙô ngam inlōnti aṅ in Ò, ngam tökô-òren nö ṙūölen yīö, kētö amin yīö inrē i nup taṙòkhöre tö ahetlöng.

2 TÖSALÒNIKĒ 2:2

Hòṅ yīö öt ka-eūyen hanëmngö ellōn, hòṅ yīö inrē öt pa-ekūö, un rēhĕn kūö aṅ im ma-alaha, hēḵ kūö ṙô, hēk kūö ngam tökūichö līpöre, nö sā aṅ in ih, tön īhih an ngaich ngam sakāmö ngam Mā,

1 KÒRIN 6:13

Nya-aṅkūö, kūö ngam aich, ngaich ngam aich kūö ngam nya-aṅkūö; ngam Tēv pöri min kamëtö ranö-ö e nyöre tö u. Rö-ö pöri ngam alaha nö kūö ngam chinô-òṅ kānö, tön kūö ngam Mā Tēv; ngaich ngam Tēv kūö ngam alaha.

KALATĪ 6:1

Kahōlö, yē öp hĕng tak tö kôti nö i tökööl fālen, halööktö töngatī, hol tö inyāichngö ellōn, ngëichköre me-eṅ, hòṅ meh inrē tö kalaha.

Salmai 112:8

Haköpi ngam ellōn ò, öt hō min anga-aṅ nö pa-ekūö: hanöng saha ò nö meuk öp lōn re nö i yip lā-al re.

T. LŪKÖS 5:38

Në tufömngöre pöri vāin asëhötvö nö ël tufömngöre uk; ngaich kö kôlò nyöre anū-ö.