HEPRĀI 13:7 - TÖHET LĪPÖRE (Re-edited) Bible (BSI)

⁷ Köpölōn tö cha yip mahayöngö yīö, yip tö ṙôtö ṙô ngam Tēv nö in yīö; ngëichngö ngam Tēv nö in yīö; ngëichngö ngam löklö nômö cha, asīnkö ngam ṙinātö ellōn cha.

HEPRĀI 13:7 Referans Kwoze

HEPRĀI 13:17

Hang chöngö yip mahayöngö yīö, hökngö lōn cha: tön aṅtö minë nômö yīö yip, nö sā yip mahameuktö kinṙötöre min; hòṅ cha nö la-evṙen nö holtö ṙanāmölōnre, tö holtö inlöinyöre: tön öt tö kanôluṙô an sin nö in yīö.

FILIPĪ 3:17

Kahōlö, ṙòkhöre yin yēḵ asīnken chu; mikahngen cha yip töngatī talöökö nö sā ih, nö inchōken yīö.

HEPRĀI 6:12

Hòṅ yīö öt ṙahata, asīnken cha pöri yik tö amīnu tö minë kinlēḵngô, lökten i mikah, manöiyö inrē.

1 TÖSALÒNIKĒ 1:6

Ngaich yī-ö ma-asīnken ih, ngam Mā inrē, öi teūngen ngaich tö ngam ṙô holtö inkôlò, holtö ṙanāmölōn inrē aṅ im Töhet Fanöinylö;

INLAHEN 14:23

Ngaich hē cha nö vī-il yik mā i nuk māṅ, ve-ekūötēv cha-a, ahik inrē; ngaich cha-a nö kēten cha nö im Mā Tēv, ngam chūök cha nö ṙātö ellōnre.

T. MËTIV 24:45

Achīö öp öre tökô-en, tö-akaha inrē, mahalanṙen, öp mahayōm nup aṅ patī öp yöngṙenre, ngaich ha-aṅlen cha ip ṙētak?

1 TIMÒTĪ 3:5

Yē tarik pöri nö öt huveū-en nö hayöng patīre, sītih kanô-en ang min nö meukkö ngam Māṅ ngam Tēv?

HEPRĀI 13:24

Salāmö cha nö ṙòkhöre yip yöngṙen yīö, ṙòkhöre inrē yip töhet, Salāmö yin tö cha vē aṅ Italī.

1 TÖSALÒNIKĒ 2:13

Angū-ö an chööḵnyö ih öt ṙākôre ha-öiny ngam Tēv, pò yīö hē yīö kēḵ ngam ṙô inhānga in ih, ngam ṙô ngam Tēv, ngaich hōḵo e yī-ö, nö öt ṙô tarik, sā ṙô ngam Tēv pöri, nö im kanô-en, ngam mahalöinyköre nö in yīö öi ṙamātö ellōnre.

1 KÒRIN 4:16

Lökten chin ve-ekūö yīö asīntöre yin yēḵ in chu.

RŌMA 10:17

Lökten i hināngö an ngam ṙinātö ellōn; ngam hināngö inrē lökten i ṙô Kristū.

INLAHEN 4:31

Hē cha nö keuheūtô nö ve-ekūötēv, ngaich ök chūök cha nö hamūlöre, nö kayīna; ngaich ṙòkhöre cha-a nö tööḵlö tö ngam Töhet Fanöinylö; ngaich ötpa-ekūö nö ṙôtö nup ṙô ngam Tēv.

Sòlòmön 1:8

Yē meh öt akahakūö, Ō tölngö tövai aṅ in yip kikānö, tömkö röön nup sīṅp, ha-āṅlö nup kūön inrē i nup rūkui öp yōm sīṅp.

INMEUKHÖMAT 6:9

Ngaich hē ò nö keuheūtö tī nö ṙòngnyökūö ök tinneūiyö inpanngö, meuk nuk nômö cha chū-ö, nö el katòh ngam tahāklö, yik tö fëli tö kūö ṙô ngam Tēv, kūö ngam kinṙapkö cha inrē inmeukhöti;

INMEUKHÖMAT 20:4

Ngaich meuk nup kantēra chu-ö, ūichngöre cha-a ngaich nö ël u, ngaich kē-ĕvkūö cha-a tö kinṙôka; ngaich chū-ö meuk nup nômö cha yip tö röki likeun tö kūö vinënyö Yēsū, kūö ngam ṙô ngam Tēv inrē, acha-a inrē yip töt samlām ngam töṙeūla, ötrēhĕn töp insā ò, öt kēḵ ngam minkahngö inrē nö i mālre, i këlre inrē, ngaich cha-a nö aṅ, ngaich hol Kristū nö hayöng, hĕng köṅny samyeūheu.

INMEUKHÖMAT 1:9

Ip kun panam, chu-ö Yôhan, tö Petmòs invëka, mëm kahëm yīö, ane inrē hamòlkūö yīö i kanihngen, ane inrē im pūlngö, manöiyö inrē aṅ in Yēsū, ngam ṙô ngam Tēv, ane inrē inmeuktö Yēsū.

2 TÖSALÒNIKĒ 3:9

Öt kūö ih öt huveū-en, vītöre pöri ihö inchōten yīö asīnken ih.

1 KÒRIN 11:1

Ma-asīnken chu yin yēḵ yī-ö, sā chu chū-ö inrē tö Kristū.

T. LŪKÖS 12:42

Ngaich ngö ṙô ngam Mā, Achīö ap rih, öp tökô-en tö-akaha inrē yōm chehen, öp töhamālöng tö ngam mā nö i patī ò, nö kameḵeṅkūö cha tö nya-aṅkūö ip hē nyina-aṅ?

T. LŪKÖS 8:11

Ngih öng kòl inlahen ngam inchōḵoṙô, Ngam kulöl an, ṙô ngam Tēv.

2 TÖSALÒNIKĒ 3:7

Akahalōn yin yī-ö töre öi hòṅ asīnken ih: pò ih ihö ngaich rö-ö ötlēnö inlaha in yīö;

1 KÒRIN 10:13

Öt kinlahavö yin töp tö möthë tö kanô-òṅ tarik. Tökô-en pöri ngam Tēv, ngam töt hō nö halöngten yīö, mötlö kinlaha, tö kanô-òṅ yīö; hē ngam kinlaha min Anga-aṅ nö vītö talöökö öt kanô-òngvah, hòṅ yīö kalēḵ keūnö e.

INLAHEN 13:46

Ngaich hēk nā Pôl, nāṅ Parnöpas, nö hakôḵnyôre, nö ngö ṙô, Tö hòṅ urĕh an ngam ṙô ngam Tēv nö vënyu nö in yīö. Ngaich pöri yī-ö sōḵo e, ngaich an havöötökūöre i vē tahëng mihëṅṙö tarik.

T. LŪKÖS 5:1

Ngaich hē më tömaṙôngö nö singtöre nö in Ò, nö hang ṙô ngam Tēv; höng sökhaka Anga-aṅ nö i Kenneseret nö i kūö mak.

1 PĪTÖR 4:11

Yĕn tarīku tö ṙô-òv, hökngen ò nö ṙô-òv tö e nö ṙô ngam Tēv. Yĕn tarīku mameukṙen, sā ap kanô-òṅ kahëtö ngam Tēv. Hòṅ ngam Tēv nö hakūyiṙen i nup taṙòkhöre, lökten in Yēsū Kristū ngam tö kanôlòvö, ane inrē töchönguvö ör heūheu. Āmen.