HEPRĀI 13:6 - TÖHET LĪPÖRE (Re-edited) Bible (BSI)

⁶ Lökten hī holtö nyanatlö öi ngö ṙô, Ngam Mā Tēv an hamòlṙen chu; öt pa-ekūö chin min, töp tī öp tarik min tö chu.

HEPRĀI 13:6 Referans Kwoze

Isayā 41:10

Uh man pa-ekūö, tön in meh chin; um ngangngökūö, tön chū-ö chin Tēv meh: hangëṅlen meh chin min; hôṅ, holṙen meh chin min; hôṅ, ṙapken meh chin min aṅtī tö lahāmö kël ngam lanöökö chu.

RŌMA 8:31

Sitih ṙô öi pökeh min tö në? Chiāp lā-al hī yē ngam Tēv nö in hī?

HEPRĀI 4:16

Ta-a lökten töi ṙūöhtöre holtö öt pinhë-eṅkūö im kantēra inkôlò, hòṅ hī teūngen tö neūkölōn, ngaich kôtökūö tö inkôlò nö holṙen hē el hanāṅten.

Salmai 56:4

Im Tēv chin min ha-öiny ngam ṙô Ò: im Tēv chin hayöng-lenre, öt hō chin pa-ekūö; suh kanô-òṅ tarik tö chu?

T. MËTIV 10:28

Uh yin pa-ekūö tö cha yip famël ngam alaha; ötkô pöri nö fël ngam ma-alaha. Pa-ekūö pöri tö Ò, ngam tökô-òren nö hĕnghöre fël ngam ma-alaha, alaha inrē, nö el chūök ötinkôlò,

Salmai 54:4

Yĕh meuk, hamòlṙen chu An ngam Tēv: in cha An ngam Mā, yip ṙamapkö nômö chu.

Salmai 33:20

Im Mā Tēv nun në nômö hī nö höka: anga-aṅ an holṙen hī, lanaklö hī inrē.

Salmai 63:7

Pò Meh öm inyööken chu: ṙāmölōn chin min el nyat sanëòk Meh.

Salmai 94:17

Yĕn öt Mā Tēv öre hamòlṙen chu: ngaich öre ngih nômö chu nö öt ṙôktörevöṙen nö iyöng el ngam tö chēv.

Salmai 40:17

Yāich pöri chū-ö, töhāṅten inrē; sön ngam Mā nö fēken chu: më-eṅ man holṙen chu, ṙamānyen chu inrē; Ō Tēv chu, uh man yēḵ ahāṅkenre.

Ranehlö 15:1

Unôich tönë ngam ṙô ngam Mā Tēv nöyih nö in Aprām nö i inmeukhömat, nö ngöṙô, Aprām, un pa-ekūö: Chū-ö Chin lanaklö meh, kiröng nup min raneushö meh.

EFISÖS 3:12

Ngam chūök hī ötpinhe-eṅvkūö, ane inrē yih im inyönglen, lökten ngam mikah hī in Ò.

I. CHÖNGÖ 33:29

Ō Israĕl, töṙāmölōn man: achiāp tösā meh, tarik töha- yöölöngṙen tö ngam Mā Tēv, ngam hinòlṙen meh lanaklö, anga-aṅ an sanët nö ineū-euṅ meh! Hökngenre yip min lā-al meh nö elkatòh meh; ngaich më-eṅ min röön tö ël nup chūök insātēv cha.

Isayā 41:14

Um pa-ekūö, Me-eṅ kamlökö Yāköp! Yī-ö inrē tarik Israĕl; holṙen yīö chin min ṙô ngam Mā Tēv; ngam Töhĕng tak Töhet aṅ Israĕl ṙamānyen meh.

Salmai 27:9

Uh man yēḵ hayunngö kūöre tö chu. Un ṙā-ayö ngòh tarik meh nö im lanīnö: töha-ehelkui man holṙen chu. Uh chin yēḵ kavāli ma-rôvat, Ō Tēv inyööken chu, uh rēhĕn öich ṙa-ayö!

Salmai 146:3

Uh man hayönglenre i kūön rācha, un rēhĕn i kūön tarik: im töt kô nö hayöölen.

I. CHÖNGÖ 33:26

Öt hĕng tösāta nö im Tēv, Ō Yësurun, Mī-i uk ngam halīöngö öm hamòlṙen, ip minā-aṅre öm el minë taṙul.

MANEUTNYI 18:4

Ēlīsör minënyi ök tahëng; pòn ngö ṙô angā-aṅ, Holṙen chu an ngam Tēv ök yöng chu, ṙānyen chu inrē ṙā-ang i kūö sanët Fërō:

HEPRĀI 10:19

Lökten in ngaich kuhēthötre, höltö inyönglen, ël ngam töhet chūök, lökten i mahām Yēsū,

1 SAMUĔL 23:17

Ngö ṙô anga-aṅ tö ò, Um pa-ekūö: tön öt hōḵ öp kël, öp yöng chu min ang Sôl nö kôti tī tö meh; më-eṅ man min rācha i kui Israĕl, ngaich ṙanët meh min chū-ö; akahalōn öp yöng chu inrē Sôl tö e.

1 RĀCHA 17:8

Yih ngaich ngam ṙô ngam Mā Tēv nö in ò, nö ngö ṙô,